Rut 1:1 - Qheshwa Biblia DC

^1-2 Maypachachus jueces Israelta kamachishajtinku, uj yarqhay jamorqa tukuynin jallp'aman. Chaypacha Judapi Belenmanta uj runa Elimelec sutiyoj pisi tiempopaj tiyakapoj rerqa chay Moab jallp'aman. Payman rillarqataj warmin Noemí chantá iskaynin qhari wawasnin Mahlón jinataj Quelión ima. Tukuyninku Efrata jallp'amanta karqanku, chayri Belén llajtamanta karqa. Moab jallp'aman chayaspa chaypi tiyakapoj qhepakorqanku.

DIOSPA QHELQACHISQAN DEUTEROCANONICAL

¹ Juezkuna kamachisharqanku chaypacha, Israel suyupi manchay yarqhay karqa. Chantá Judá jap'iypi Belén llajtamanta uj runa, warminwan churinkunawan ima Moabman rerqanku.

DIOSPA QHELQACHISQ

¹ Juezkuna kamachisharqanku chaypacha, Israel suyupi manchay yarqhay karqa. Chantá Judá jap'iypi Belén llajtamanta uj runa, warminwan churinkunawan ima Moabman rerqanku.

Rut 1:1 Referans Kwoze

Génesis 12:10

Chay tiempopi uj jatun yarqhay karqa jaqay jallp'api. Chayrayku Abramqa Egiptoman riporqa pisi tiempota tiyarikoj. Imaraykuchus chay jallp'api, maypichus tiyakorqa chaypi, manapuni imapis mikhuykunampaj karqachu.

Génesis 26:1

Chaypacha manchay yarqhay karqa chay jallp'api tukuynejpi. Chaykama manaraj yarqhaykunas karqankuchu Abrahampa tiempompi. Chayrayku Isaacqa Gerarman tiyakoj riporqa, maypichus filisteospa reynin Abimelec tiyakorqa chayman.

Jueces 17:8

Kay waynaqa Belén llajtamanta llojsimporqa mask'aspa sumaj kausayta waj lugarpi, purispataj chayarqa Efraimpi tarikun chay orqosman, Micaíaj wasinman.

Levítico 26:19

Wapu wapu runaykachayniykichejta phirita ruwasaj, manataj parachimusajchu, jinamanta jallp'asniykichejpis mana poqonqankuchu.

Génesis 43:1

Yarqhayqa chay llajtapi sinch'iña, mana muchuy atina jinaña karqa.

Amós 4:6

Noqa yarqhayta apachimorqaykichej tukuy llajtasniykichejman; noqa mikhunamanta pisicherqaykichej, tukuy llajtasniykichejpi. Chaywampis qankunaqa mana noqaman kutirimuwankichejchu. Ajinata nin Señorqa.

Salmos 105:16

Chay jallp'amantaj yarqhayta chayachimorqa, tukuy mikhunatataj qhechorqa.

Deuteronomio 28:38

Jallp'asniykichejpi ashkhasta tarpunkichej, pisistataj cosechasta oqharinkichej, imaraykuchus langostaslla mikhukaponqanku.

Ezequiel 14:21

Noqa Señormin nini: Aswanraj kanqa maypachachus noqa tawantin sinch'i jasut'iyniyta Jerusalenman apachimojtiy. Ch'ajwata, yarqhayta, millay animalesta, onqoykunata ima, runata, uywasta ima wañurachinampaj.

Jeremías 14:1

Ch'aki watasrayku Señorqa Jeremiasman parlaykorqa, nerqataj: Judaqa llakiywan waqan, llajtasnenqa llakiypi kashanku, runasnenqa pampaspi mast'alla kashanku; Jerusalén nanaywan qhaparikun.

Salmos 107:34

Sumaj jallp'asta mana poqojman tukuchin, chaypi tiyakojkuna sajrata ruwasqankurayku.

1 Reyes 18:2

Eliastaj rispa Acabwan tinkumoj rerqa. Yarqhaytaj anchapuniña Samariapeqa karqa.

Jueces 12:8

Jeftéj qhepantaqa Belenmanta Ibzan, Israelpa atipachejnin karqa.

2 Samuel 21:1

Davidpa tiemposnimpi kinsa wata junt'ata uj yarqhay karqa. Chaypacha Davidqa Señorta tapurerqa, Señortaj kuticherqa: Chay yarqhayqa jamun Saúl jinataj ayllumpis yawarta jich'asqankurayku, paykunaqa gabaonitasta wañuracherqanku.

Jueces 17:7

Judá jallp'api Belén llajtamanta uj wayna karqa, payqa Judá ayllumanta levita karqa, waj llajtayoj jinataj chaypi tiyakusharqa.

Miqueas 5:2

Qantajrí Efratamanta Belén, Judapi llajtas kajmanta aswan juch'uy kanki, qanmantamin llojsenqa Israelta kamachejqa unay aylloj mirayninmanta.

1 Crónicas 2:51

Belempa tatan Salma, Bet-gaderpa tatan Haref ima.

1 Crónicas 2:54

Salmaj wawasintaj karqanku: Belén, netofatitas, Atrotbet-jaob. Manahetitasmantataj chay uj khuskannin, zoraitas ima.