Proverbios 8:13 - Qheshwa Biblia DC

¹³ Señorta manchachikoyqa sajra kajta qhesachaymin. Jatunchakuyta, runaykachayta, sajra ñanta, llullastawan, noqaqa chejnini.

DIOSPA QHELQACHISQAN DEUTEROCANONICAL

¹³ Pikunachus Tata Diosta jatun respetowan qhawajkunaqa mana allin kajta chejnikunku. Chayrayku noqa chejnikuni jatunchakuyta, runaykachayta, millay puriyta, llullakuyta ima.

DIOSPA QHELQACHISQ

¹³ Pikunachus Tata Diosta jatun respetowan qhawajkunaqa mana allin kajta chejnikunku. Chayrayku noqa chejnikuni jatunchakuyta, runaykachayta, millay puriyta, llullakuyta ima.

Proverbios 8:13 Referans Kwoze

Proverbios 16:6

Juchataqa, munakuywan cheqa kaywantaj perdonana; Señorta manchachikuspataj runaqa juchamanta t'aqakun.

Salmos 97:10

Señorqa sajrata chejnikojkunata munakun. Payman t'aqasqakunaj kausayninkuta waqaychan, sajrakunaj makisninman urmanankumantapis libran.

1 Samuel 2:3

Ama ni pi runaykachaspa parlachunchu, amataj pipis chhikata alabakuchunchu, imaraykuchus Señorllamin tukuy imata yachaj Diosqa. Paymin juicioman churan tukuy runaspa ruwasqasninkutaqa.

Proverbios 4:24

Ayqey mana allin parlaymantaqa, llulla parlaykunamanta t'aqakuy.

1 Tesalonicenses 5:22

Tukuy laya sajra kajmanta t'aqakuychej.

1 Pedro 5:5

Jinallatataj waynas, kurajkunata kasuychej. Purajmanta kasunakuspa llamp'u sonqos kaychej. Diosqa jatunchakojkunata qhesachan, k'umuykukojkunatataj yanapan.

Amós 5:15

Sajra kajta chejniychej, allin kajtataj munakuychej. Cheqan ruwayta sayachiychej juzgana cheqapi; ichapis jinamanta Tukuy Atiyniyoj Señor Dios khuyasonqachej Israelmanta puchoj runasta.

Salmos 119:128

Chayrayku, kamachisqasniykita cheqampaj qhawani waj imasmanta astawan; tukuy llulla kausaykunata chejnini.

Proverbios 16:18

Runaykachaypa qhepantapacha urmayqa jamun. Jatunchakuypa qhepantaqa urmay jamun.

Proverbios 6:12

Millay sajra runa kajqa, llullata parlaspallapuni purin.

2 Timoteo 2:19

Diospa cimiento churasqanqa sumajta sayan, kay jina selloyoj: Señorqa paypata kajkunata rejsin. Juchamanta t'aqakuchun pichus Señorpa sutinta oqharejqa.

Romanos 12:9

Munakuspaqa, ama munakojllamanchu rijch'akuychej. Sajra kajta chejniychej, allin kajtataj ruwaychej.

Zacarías 8:17

Ama ima sajratapis ruwanakuychejchu ujkuna ujkunata, amataj juraychejchu, chaytaqa millachikuni. Noqa Señorniykichej chayta nini.

Salmos 138:6

Aswan patapipis Señorqa kachun, llamp'u sonqosta qhawamumpuni, may kasqankuta yuyakoj runastataj karumanta rejsin.

Salmos 101:3

Ni jayk'ajpis qhawasajchu sajra runastaqa. Diosta mana kasojkunaj ruwasqanta chejnikuni, mana jayk'ajpis chaykunataqa qayllaykuchikamusajchu.

Proverbios 10:31

Cheqan runaspa siminmantaqa yachay llojsimun; sajra runaspa qallonqa khuchusqa kanqa.

Salmos 119:104

Kamachisqasniykimanta yachayta orqhoni; chayrayku chejnikuni tukuy sajra puriyta.

Job 1:1

Uz jallp'api uj runa Job sutiyoj tiyakorqa. Payqa sumaj cheqan karqa, Diostaqa tukuy imapi sumajta kasoj, sajramantataj karunchakoj.

Proverbios 3:7

Ama may yachayniyoj kasqaykita yuyakuychu. Señorta manchachikuy, sajra kajmantataj t'aqakuy.

Proverbios 15:9

Sajra runaspa purisqanta Señorqa millachikun; pichus cheqanta kausajtarí munakun.

Isaías 13:11

Señorqa nin: Kay pachata juchanmanta jasut'isaj, sajra runasta millay juchasninkumanta. Sajra runaspa machu machuykachayninkuta ch'inyachisaj; May kasqankuta yuyakojkunata k'umuykachachisaj.

Éxodo 1:17

Onqochej warmistaj Diosta manchachikuspa Egipto reypa nisqanta mana kasorqankuchu, saqellarqanku qhari wawas kausajta.

Job 28:28

Diosqa runaman nerqa: Señorpa kamachisqallanta ruwanki. Chaymin yachayqa. Sajramanta t'aqakunki. Chaymin sumaj yuyayniyoj kayqa.

Proverbios 16:5

Señorqa runaykachajkunata millachikun; jasut'isqapuni kanqanku.

Amós 6:8

Pay kikinmanta Señorqa juran. Tukuy Atiyniyoj Señor Diosqa ajinata nin: Jacobpa ayllun wapuykachasqanta chejnini, palaciosninta mana rikuyta munanichu, enemigosman llajtata jaywasaj, imasninchá tiyan chaytawan.