Proverbios 6:17 - Qheshwa Biblia DC

¹⁷ Leqhoj ñawista, llulla parlaykunata, mana juchayoj runata wañuchiyta,

DIOSPA QHELQACHISQAN DEUTEROCANONICAL

¹⁷ May kasqankuta yuyakoj runakunata, llullakuspa parlajkunata, mana juchayojta wañuchejkunata ima.

DIOSPA QHELQACHISQ

¹⁷ May kasqankuta yuyakoj runakunata, llullakuspa parlajkunata, mana juchayojta wañuchejkunata ima.

Proverbios 6:17 Referans Kwoze

Proverbios 12:22

Señorqa llullasta chejnikun; pichus cheqata imatapis ruwajtarí, k'acha munakuywan qhawan.

Isaías 1:15

Qankuna mañakunaykichejpaj makisniykichejta oqharejtiykichej, mana qhawarisqaykichejchu; ashkha kutitapis mañakuychej, noqaqa mana uyarisqaykichejchu, imaraykuchus makisniykichejqa yawarwan may ch'ichichasqa.

Salmos 101:5

Noqaqa chinkachisaj, pakayllamanta runa masinkupaj rimajkunata; runaykachajkunata, wapu wapu kajkunatawan mana rikuyta atinichu.

Salmos 5:6

Qan llullasta chinkachinki; puraj uya runa wañuchita qanqa qhesachanki.

Isaías 3:9

Paykunaj uyallankutaj willashan imaynachus kasqankuta. Sodoma runas jina, mana pakarispa juchasninkutaqa tukuyman willanku. Imachus paykunamantaqa kanqapis, paykunallataj jasut'ita wakichikunku.

Proverbios 21:4

Leqhoywan wapuykachaywan, juchasapaspa sajra unanchayninkuwanqa juchas kanku.

Deuteronomio 27:25

Maldicisqa kachun mana juchayoj runata wañuchinampaj qolqeta jap'ejqa. Tukuy israelitastaj nenqanku: Ajina kachun, nispa.

San Juan 8:44

Qankunaqa tataykichej supaymanta kankichej; chay tataykichejpa munaynintataj junt'ayta munankichej. Payqa runa wañuchipuni qallariymantapacha karqa, manataj jayk'ajpis cheqapeqa sayarqachu, nitaj cheqa kajqa sonqompichu karqa. Llullata parlaspaqa, paypa kayninmanta parlan; imaraykuchus payqa llulla, llullakuypa tatan kasqanrayku.

Isaías 3:16

Señorqa nillantaj: Sionmanta kaj warmisqa anchata wapuykachanku, umankuta oqharispa purinku, ñawisninkuwan ch'irmispa, pata patallata thaskispa, chakisninkupi k'achanchakusqankuta sonachispa.

Proverbios 26:28

Llullaqa cheqa kajta chejnin, misk'i simi ch'ajwata apachimun.

Salmos 18:27

Llamp'u sonqoyojkunata qan salvanki, wapu wapustataj k'umuykachachinki.

2 Reyes 24:4

Mana juchayojkunaj yawarninta jich'aspa, Jerusalén llajtaman yawarwan junt'achisqanmanta. Chayrayku Señorqa manapuni perdonayta munarqachu.

Deuteronomio 19:10

Chay jinata ama jich'akonqachu mana juchayojpa yawarnin, Señor Diosniykichej jap'ikapunaykichejpaj qosonqachej chay jallp'aspi. Jinamanta runa wañuchisqamantaqa mana juchachasqaschu kankichej.

Isaías 2:11

Jatunmanta qhawaykachayninkoqa k'umuykuchisqa kanqa, runaykachayninkutaj pampaman urmasqa kanqa. Chay p'unchaypeqa Señorlla jatunchasqa kanqa.

Proverbios 30:13

Wakenqa yuyakunku may jina kasqankuta, wakintaqa pata patallamanta qhawanku.

Proverbios 14:5

Cheqanta sut'inchajqa mana llullakunchu; llulla sut'inchajrí llullallata parlan.

Salmos 31:18

Ch'inyachunku llulla simi runas. Paykunaqa asipayaspa parlanku, cheqan runaj contranta.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

1 Pedro 5:5

Jinallatataj waynas, kurajkunata kasuychej. Purajmanta kasunakuspa llamp'u sonqos kaychej. Diosqa jatunchakojkunata qhesachan, k'umuykukojkunatataj yanapan.

Proverbios 17:7

Wampupajqa mana allinchu sumajta parlananqa, nitaj sumajpaj qhawasqa runapis ch'aukiyaywan parlayta atinchu.

Proverbios 1:11

Ichapis nisonqanku: Noqaykuwan jaku rinachej; tojllata churanachej mana juchayojta chaypi wañuchinapaj.

Salmos 131:1

Señorníy, sonqoyqa mana jatunchakunchu, ñawisniypis mana pitapis pisipaj qhawanchu. Mana jatuchaj imaspa qhepantachu purini, nitaj mana ruway atina imaspipis.

Salmos 10:4

Payqa wapu wapulla senqanta q'entin: Diosqa mana kanchu. Mana kanchu noqata tapuwajqa, nispa. Chayllata payqa yuyan.

Proverbios 1:16

Chay sajra imasmanqa chakisninku usqhayllata thaskirin, yawarta jich'anapajqa may k'uchis kanku.

Proverbios 6:16

Sojta imasta Señorqa chejnikun, qanchis imastapis Señorqa millachikun:

Proverbios 28:17

Runata wañuchejqa, sepulturakama ayqenqa; nitaj pipis chaymanta sayachiyta atenqachu.

Jeremías 26:15

Jinapis kaytaqa allinta yachaychej: Sichus wañuchiwankichejman chayqa, qankuna, chantá kay llajtapi tiyakojkuna ima juchachasqas kankichej, uj mana juchayojta wañuchisqaykichejrayku; imaraykuchus cheqamanta Señorpuni kachamuwarqa kay tukuy imasmanta sut'ita willanasuykichejpaj.

2 Reyes 21:16

Chay jawa Manasesqa mana juchayojkunaj yawarninta jich'acherqa, tukuynin Jerusalenman junt'aykuchin uj k'uchunmanta, uj k'uchunkama. Kayqa wajlla karqa Señorpa ñaupaqempi Judata imaswanchus juchallicherqa chaymanta nisqaqa.

Salmos 5:7

Noqaqa mayta munakuwasqaykirayku wasiykiman yaykuyta atini. Chay santo wasiykita qhawaspa, qanman tukuy sonqo qonqorikuni.

Proverbios 16:5

Señorqa runaykachajkunata millachikun; jasut'isqapuni kanqanku.