Proverbios 30:9 - Qheshwa Biblia DC

⁹ Mikhunay ashkha kanman chayqa, qanta qonqapuykiman, niykimantaj qanta mana rejsisusqayta; sichus pisiwanman chayri, suwakuymanñataj qokuyman. Ajinamanta Diosniypa llimphu sutinta qhesachayman.

DIOSPA QHELQACHISQAN DEUTEROCANONICAL

⁹ Sichus ashkha imayoj kayman chayqa, qanmanta qonqapuspa, niyman: Pitaj Tata Dios kasqari? nispa. Sichus pisichikuyman chayrí, suwamanñataj qokuyman. Ajinamanta sutiykita p'enqaypi rikhurichiyman.

DIOSPA QHELQACHISQ

⁹ Sichus ashkha imayoj kayman chayqa, qanmanta qonqapuspa, niyman: Pitaj Tata Dios kasqari? nispa. Sichus pisichikuyman chayrí, suwamanñataj qokuyman. Ajinamanta sutiykita p'enqaypi rikhurichiyman.

Proverbios 30:9 Referans Kwoze

Oseas 13:6

Pero maypachachus mikhunawan atipachikorqankichej chaypachaqa, sonqoykichej ukhupi mayta runaykachaspa noqata qonqarparipuwarqankichej.

Deuteronomio 31:20

Paykunataqa ima jallp'atachus ñaupa tatasniykichejman juraspa qonayta nerqani chayman pusaykusaj. Chay jallp'apeqa lechewan, misk'iwan yaku jina corrishan. Chaypi sumajta sajsaykuytawan, wirayaykuytawantaj, waj dioskunaj qhepanta rispa, chaykunata yupaychanqanku. Noqatataj qhesachawanqanku, ruwasqay tratotataj p'akenqanku.

Deuteronomio 32:15

Israelitasqa manchayta qhapajyarqanku, kayman jaqaymantaj jayt'arakorqanku, Diospa contrantataj oqharikorqanku. Jinamanta wirayarqanku llusk'apacha kanankukama. Ruwajninku Diostataj qonqaporqanku, qhesacharqankutaj jark'akoj Salvadorninkuta.

Jeremías 2:31

Qankunapis kunan p'unchaypi kausajkuna, Señorpa parlasqanta allinta uyariychej. Israel, qampaj noqaqa uj ch'in pampa jinachu karqaniri? Chayri, laqhayaywan junt'asqa jallp'achu karqaniri? Ayllúy, imaraykutaj ninki: Qanmanta kacharisqas kayku; ni jayk'aj qanman kutimusqaykuñachu, nispari?

Éxodo 20:7

Ama qhasimanta oqharinkichu Señor Diosniykej sutinta. Diosqa jasut'enqapuni pischus sutinta qhasimanta oqharejtaqa.

San Mateo 26:74

Pedrotaj phiñarikorqa, juraytataj qallarerqa: Manapuni rejsinichu chay runataqa, nispa. Chay kikimpachataj, gallo waqarqa.

San Mateo 26:72

Paytaj ujtawan, mana rejsinichu chay runata, nerqa juramentowan.

Josué 24:27

Chaymantataj israelitasman nerqa: Kay rumeqa uj señal kanqa, Señorninchej kay tukuy imasta niwasqanchejmanta. Chantapis testigo jina kanqa qankunaj contraykichejpi, ama Señor Diosniykichejta ch'aukiyanaykichejpaj.

Proverbios 29:24

Suwajta yanapaj runaqa pay kikinta chejnikun, may jinata nichikushaspapis manapuni parlarinchu.

Levítico 5:1

Sichus mayqen wajyasqa kashan imatachus rikusqanta, chayri uyarisqanta sut'inchanampaj, manataj munanmanchu sut'inchayta chayqa, pay juchayoj rikhurenqa. Chay juchanmantataj cuentata qonqa.

Éxodo 5:2

Faraontaj kuticherqa: Pitaj kasqa chay Señor, noqa paypa nisqanta kasunaypaj, israelitastaj rejta saqenaypaj? Noqaqa mana rejsinichu chay Señorta, nitaj saqesajchu israelitas rejta.

Daniel (hebreo) 4:17

Chay jina ruwakunanta kamachinku allinta qhawaj santo angelkunaqa, tukuyninku runakuna yachanankupaj jatumpi kaj Diosqa atiyniyoj kasqanta llajtata kamachinku chaykunaj patampi; pay atiyninta qosqanta kamachinampaj pimanchus qoyta munasqanman; uj naciompi kuraj kanampajtaj churasqanta aswan pisi yachayniyoj runata.

Salmos 125:3

Sajra kamachejqa manapuni wiñaypaj Diospa ayllunta kamachiyta atinchu, qanta qhatejkuna ama sajra kajta ruwanankupaj.

Isaías 59:13

Chaykunaqa kashan: Oqharikuy, Señorpa contranta llullakuy, Diosninchejmanta t'aqakuy, waj runaj contranta rimay, churanakuy, sonqonchejpi qhasi palabrasta jap'iy. Llulla palabrasta ima sonqonchejpi jap'erqanchej.

Jeremías 5:12

Israelwan Judawanqa Señorqa qhesachanku, kay jinata nispa: Payqa mana kanchu. Mana ima sajraspis qhatiriwasunchu, mana kanqachu maqanakuykuna, nitaj yarqhaykunapis, nispa.

Ezequiel 23:35

Chayrayku noqa Señorqa nini: Noqamanta qonqasqaykirayku, wasanchawasqaykiraykutaj qan jasut'isqa kanayki tiyan, munayniykipi purisqaykimanta, qhenchachakuy juchaspi kausasqaykimantawan.