Proverbios 29:1 - Qheshwa Biblia DC

¹ Pichus k'amejtinku sonqonta rumiyachejqa, ujllata chinkayman renqa mana ujtawan kutirimuyniyojta, jinamanta paypajqa manaña jampi kanqachu.

DIOSPA QHELQACHISQAN DEUTEROCANONICAL

¹ Pichus k'amejtinku k'ullukuspa mana uyarikuyta munanchu, chay runaqa ujllata chinkachisqa kanqa, mana ujtawan sayarinanpaj jina.

DIOSPA QHELQACHISQ

¹ Pichus k'amejtinku k'ullukuspa mana uyarikuyta munanchu, chay runaqa ujllata chinkachisqa kanqa, mana ujtawan sayarinanpaj jina.

Proverbios 29:1 Referans Kwoze

Proverbios 6:15

Chayrayku, ujllata mana yuyaymanta llakiy payman jamonqa, uj ñawi ch'ipejpi mana kutiriyniyojta urmanqa.

1 Samuel 2:25

Uj runa wajpaj contrampi juchallin chayqa, Señorpa payman kutikuyta atin. Señorpa contrampi juchallejtintaj, pitaj paymanta jark'akonqari? Chaywampis paykunaqa mana kasorqankuchu tatankoj nisqasnintaqa, imaraykuchus Señorqa nisqaña wañunankuta.

Proverbios 28:18

Cheqanta purej runaqa salvasqa kanqa, mana allin ñanta purejrí mana allin kajmampuni chayanqa.

San Juan 13:18

Mana tukuyniykichejmantachu kayta nini; noqa yachani pikunatachus ajllasqayta. Chaywampis Escritura junt'akunan tiyan: Noqawan t'antata mikhojqa contray rikhurin.

San Juan 13:26

Jesús kuticherqa: Pimanchus t'antata chhapuspa jaywasaj, chay kanqa. Chantá Jesús jaywarqa Judas Iscarioteman, Simompa churinman, t'antata chhapuspa.

1 Tesalonicenses 5:3

Maypachachus runakuna nenqanku: Sonqo tiyasqa, waqaychasqataj kayku, nispa; chaypacha ujllata paykunaman wañuy jamonqa, imaynatachus onqoj warmiman nanay jamun, ajinata; paykunataj mana ayqeyta atenqankuchu.

Hechos 1:18

Chay Judasqa sajrata ruwasqanmanta qolqeta jap'isqanwan jallp'ata ranterqa. Chay jallp'apitaj, umamanta urmaspa wijsanta phatachikorqa, ch'unchulasnin thallisqataj wañorqa.

Nehemías 9:29

Qantaj k'amej kanki leyesniykita watejmanta junt'aj churakunankuta. Paykunataj may kasqankuta yuyakuspa kamachisniykita mana kasojchu kanku. Nisqasniykitataj p'akej kanku, chay nisqasniykeqa kausayta qonka tukuy chaykunata, ruwajkunaman paykunataj qampa contraykita oqharikuspa, rumi sonqos kaspataj mana kasuta ruwarqankuchu.

2 Crónicas 36:13

Chantapis rey Nabucodonosorqa contrampi oqharikorqa, payqa Diospa sutimpi jurachisqa yanapanakupi yaykunankupaj. Sonqontapis sinch'ita rumiyacherqa, Israelpa Diosninman mana kutirikuyta munaspa.

2 Crónicas 33:10

Señor parlarqa Manasesman tukuy llajtantinman, paykunataj mana kasorqankuchu.

1 Reyes 22:28

Micaiastaj nerqa: Sichus allimpi kutimunki chayqa, Señor manamin noqaj simiynejtachu parlarqa. Chay ratotaj nerqa: Uyariychej tukuy llajtas.

1 Reyes 18:18

Paytaj kuticherqa: Mana noqachu Israeltaqa musphachini, aswampis qanwan tataykej ayllunwan ima musphachishankichej Señorpa kamachisqasninta saqerpayaspa, baalestataj yupaychaspa.

1 Reyes 17:1

Chanta Galaadpi, Tisbemanta profeta Eliasqa Acabman nerqa: Israelpa Señor Diosnimpa sutimpi, pejpa ñaupaqempichus noqa kashani niyki: Kay wataspi mana paramonqachu nitaj chhullamonqachu noqa ujtawan ninaykama.

1 Samuel 2:34

Iskaynin wawasniyki Ofniwan, Fineeswan ima, paykunaman imachus qhatirenqa chayqa, qampaj uj señal jina kanqa: Iskayninku uj diallapi wañonqanku.

Jeremías 17:23

Paykunataj mana uyariwarqankuchu, manachayqa k'ullukorqanku, manataj kasuwayta munarqankuchu, nitaj wanaytapis.

Isaías 48:4

Chayqa karqa k'ullu kasqaykirayku, much'uykeqa fierro jina, frenteykipis bronce jina.

2 Crónicas 25:16

Profeta kayta nishajtintaj reyqa nerqa: Reyta umachanaykipajchu qantaqa ajllakorqayku? Ch'inlla kakuy. Chayri munankichu wañuchinasunkuta? Profetaqa mana astawan imatapis parlarqañachu, chaywampis nerqa: Yachani Diosqa nisqantaña, qanta wañuchinasunta chay ruwasqaykirayku, nisqaytapis mana jap'ikusqaykirayku.

1 Reyes 20:42

Chanta profetaqa reyman nerqa: Señorqa ajinata nin: Makiykimantaña chay wañunan karqa chay runata ayqechisqaykirayku, kunanqa qan kausayniykiwan paganki, kausayninmanta, llajtaykiwantaj paypa llajtanmanta.

Job 9:4

Diosqa sumaj yachayniyoj, may atiyniyoj kallpasapataj. Pitaj paywan maqanakoj llojsinman, atipanmantajri?

Proverbios 28:28

Juchasapas atipajtinkoqa, runas pakakunku; sajra runas chinkarejtinkutaj, cheqan runasqa astawan ashkhayanku.

Jeremías 36:31

Qanta jinataj mirayniykita, kamachisniykitapis juchasninkumanta jasut'isaj. Qankunaj pataykichejman, Jerusalempi tiyakojkunajpaman, Judapi tiyakojkunajpamampis, tukuy laya ñak'ariykunasta apachimusaj, apachimunay karqa chaykunasta, mayqenkunatachus qankunaqa mana kasorqankichejchu.

Habacuc 2:7

Qonqaymanta jinalla chayamonqanku qanman chay manusojkuna manusninkuta mat'isojkunapis, q'arallatataj saqerpayasonqanku.

Éxodo 9:7

Faraonqa israelitaspa uywasninta qhawarejta kacharqa, nitaj uj wañusqatapis tarerqankuchu. Chaywampis faraonqa sonqonta rumiyachillarqapuni, manapuni israelitasta kacharerqachu.

Proverbios 28:14

Kusikuyniyojmin Señorta manchachikojpuni runaqa. Pichus mana allinta kasukojrí mana allinman chayanqa.

Isaías 28:22

Kunanqa ama alqochakuychejñachu ari. Pajtataj chay imawanchus watasqas kashankichej chay astawan mat'iykusunkichejman. Noqaqa uyarini Tukuy Atiyniyoj Señorqa kay tukuy llajtata chinkachinanta.

Jeremías 14:19

Señor, Judataqa qhesachasqatapunichu qhesachapunki? Sayk'upunkiñachu Sión llajtamantaqa? Imaraykutaj maqawarqaykuri thañiyta mana atinaykupajri? Suyarqayku allin sonqo tiyasqa tiyakuyta, mana imapis mana allin kajmantaqa jamorqachu. Suyarqayku kausayta, mancharikuyllataj kashan.