Proverbios 28:14 - Qheshwa Biblia DC

¹⁴ Kusikuyniyojmin Señorta manchachikojpuni runaqa. Pichus mana allinta kasukojrí mana allinman chayanqa.

DIOSPA QHELQACHISQAN DEUTEROCANONICAL

¹⁴ Kusikuyniyojmin pichus Tata Diosta maypaj qhawan, chay. Sonqonta rumiyachejrí llakiy kawsayman chayanqa.

DIOSPA QHELQACHISQ

¹⁴ Kusikuyniyojmin pichus Tata Diosta maypaj qhawan, chay. Sonqonta rumiyachejrí llakiy kawsayman chayanqa.

Proverbios 28:14 Referans Kwoze

Proverbios 23:17

Ama juchasapaspa ruwasqannintaqa munapayaychu; astawanqa Señorta tukuy tiempo manchachikuy.

Salmos 2:11

Kusiywan Señorta yupaychaychej, payta manchachikuywantaj k'umuykukuychej.

Isaías 66:2

Makiy kay tukuy imastaqa ruwarqa. Chayrayku kay imasqa karqa, nispa Señorqa nin. Chanta nillantaj, pichus llamp'u sonqoyoj kanqa chayta noqaqa qhawasaj, mayqenchus k'acha sonqoyoj kaspa palabrasniytapis uyariwanqa chayta.

1 Pedro 1:17

Tataykichejta jinachus Diosta yupaychankichej chayqa, manchachikuspa puriychej tukuy kausayniykichejpi, waj llajtayojpis kawajchej jina. Diosqa runasta mana runaspa rijch'ayninman jinachu juzgan. Manachayqa, sapa ujta ruwasqasninman jina juzgan.

Jeremías 32:40

Paykunawan uj tratota wiñaypaj ruwasaj: Paykunaman nisaj, manaña jayk'ajpis saqenayta, allinwan rikuyta, yupaychawayta munaywantaj sonqonkuman junt'achisaj ama noqamanta t'aqakunankupaj.

Romanos 11:20

Arí, paykunaqa mana creesqankurayku p'akirasqas karqanku, qanrí fenejta sayashanki. Amaña jatunchakuychu, astawanqa manchachikuy.

Hebreos 4:1

Manchachikuna ari, Diospa samakuyninman yaykuna kashajtintaj, qankunamanta pillapis mana yaykunmanchu.

Proverbios 29:1

Pichus k'amejtinku sonqonta rumiyachejqa, ujllata chinkayman renqa mana ujtawan kutirimuyniyojta, jinamanta paypajqa manaña jampi kanqachu.

Salmos 112:1

Señorqa yupaychasqa kachun! Kusikuyniyojmin Señorta kasukoj runaqa, kamachisqasnintataj kasukojqa.

Salmos 95:8

Ama Meribapi jinaqa sonqoykichejta rumiyachiychejchu, chay p'unchaypi jina, Masahpi, chay ch'in pampapi.

Romanos 2:4

Chayrí, Diospa qhapaj khuyakuynintachu qhesachanki, paciencianta, jatun munakuyninta ima? Mana yachashajtillayki munakuynenqa qanta pusasunki Diosman kutirinaykipaj.

Salmos 16:8

Señorpipuni yuyani; pay pañaypi kajtin, mana imapis urmachiwanqachu.

Job 9:4

Diosqa sumaj yachayniyoj, may atiyniyoj kallpasapataj. Pitaj paywan maqanakoj llojsinman, atipanmantajri?

Éxodo 7:22

Egiptomanta tukuy yatiris kikillantataj ruwarqanku imatachus yachasqankuwan. Faraompa sonqontaj astawan rumiyarqa, chayta rikushaspapis paykunata mana kasorqachu, Señorpa nisqanman jina.

Éxodo 14:23

Egipciostaj caballosninkupi, carrosninkupi ima israelistaspa qhepanta yaykuykorqanku, paykunata qhatiykuspa, marpa khuskanninkama.

Romanos 2:5

Sinch'i, mana kasukoj sonqoyoj, Diosman mana kutirisqaykirayku qan kikiykipaj k'ajaj phiñakuyta tantashanki, k'ajaj phiñakuy p'unchaypaj; maypachachus Diospa cheqan kaj juicion rikuchisqa kanqa, chaypaj.

Éxodo 7:23

Faraonqa chaymanta kutispa wasinman riporqa, chaytapis manapuni kasuta ruwaspa.

Eclesiastés 8:12

Juchasapasqa pachaj kutitapis juchasta ruwashaspa, aswan unaytaraj kausanku. Chaywampis noqaqa yachani, pischus Diospa ñaupaqempi k'achata kausakunku, Diosta manchachikuspa chaykunata allimpuni rinanta.