Biblia Todo Logo
Bib sou entènèt

- Piblisite -




Proverbios 28:1 - Qheshwa Biblia DC

1 Juchaspaqa ayqen mana pi qhatiykachashajtillan; mana juchayoj kajrí k'achata tiyakun mana imamanta dakuspa, uj león jina.

Gade chapit la Kopi

DIOSPA QHELQACHISQAN DEUTEROCANONICAL

1 Millayta ruwaj runaqa mana pi qhatiykachashajtillan ayqen. Cheqan runarí león jina ni imamanta manchachikuspa tiyakun.

Gade chapit la Kopi

DIOSPA QHELQACHISQ

1 Millayta ruwaj runaqa mana pi qhatiykachashajtillan ayqen. Cheqan runarí león jina ni imamanta manchachikuspa tiyakun.

Gade chapit la Kopi




Proverbios 28:1
26 Referans Kwoze  

Señor atipachisonqachej tukuy enemigosniykichejta. Paykunaqa uj ñannejllata maqanakoj jamusonqachej, waj wajmantaj ch'eqerasqas ayqenqanku.


Mana imapis manchachikunapaj kashajtimpis, paykunaqa manchachikuywan kharkatenqanku. Diosqa ayllumpa enemigosnimpa tullusninta t'akaranqa. Paykunaqa p'enqaypi rikhurenqanku Dios qhesachasqanrayku.


Mana allin kaj willaykunasmantaqa mana manchachikunchu, tukuy sonqonwan Señorpi atienekuspa suyan.


Astawanqa yachankichej, Filipospi ñaupajta ñak'arerqayku, k'amisqastaj karqayku; chaywampis Diosniyku kallpachawarqayku, paypa evangelionta qankunaman willanaykupaj, manchay churanaku chaupipi.


Paykunaqa mayta t'ukuspa, qhawarqanku Pedrota Juantawan mana manchachikuspa parlajta, astawanqa yachaspa mana yachakuyniyoj runaslla kasqankuta. Rejserqankutaj kay runasqa Jesuswan khuska purisqankuta.


Chaywampis apostolesqa unayta chaypi karqanku. Mana manchachikuspa Señormanta parlarqanku, paypi sonqonkuta churaspa. Señortaj parlasqankuta yanaparqa, señalesta, milagrostawan paykunanejta ruwachispa.


Señorqa nisunki: Qan kikiyki mayta mancharikunaykipaj jina ruwasqayki, jinataj tukuy kausayniykipajpis; rikunaykita kausaqesniyki enemigosninkoj espadanwan wañuchisqas kanqanku. Tukuy Judapi kaj tiyakojkunatataj Babilonia reypa makisninman jaywaykusaj, payta jallp'aykichejmanta Babiloniaman apasonqachej, chayri cuchillowan wañurachisonqachej.


Pikunachus enemigoj llajtampi kausankichejraj chaykunaman sinch'i manchachikuyta qosqaykichej, ayqenkichejtaj sach'a laqhe urmaspa chhaj nejtillan. Ajinata ayqenkichej pipis espadawan qhatishasunkichejman jina. Jinamanta qankunaqa mana pi imanashajtillan urmankichej.


Chanta Señorqa qankunata enemigosniykichejwan atipachisonqachej. Qankuna uj ñannejllata enemigosniykichejwan maqanakoj rinkichej, waj ñannejtataj ch'eqerasqas kayman jaqayman ayqenkichej. Kay pachamanta tukuy nacionestaj t'ukuspa manchachikuywan qhawasonqachej.


Paykunataj lastreaspa Jordán mayukama rerqanku; tukuy ñampitaj rikorqanku p'acha t'akasqankuta, waj imastawan sirios usqhayta ayqekunankurayku. Kachasqastaj kutimuytawan chay tukuyta reyman willarqanku.


Chaytataj Judapi rey Acazman willamorqanku: Siriamanta kajkunawan, Efrainmanta kajkunapiwan ujllaman ujchakusqankuta, nispa. Chayta uyarispataj reywan, runasninwanqa maytapuni qharakatiterqanku, wayramojtin orqo sach'as kuyunku jinata.


Chaymantaqa tukuy kamachisniyki jamuwanqanku, ñaupaqeyman qonqoriykukuspataj niwanqanku: Ripuychej, qan, chantá pichunachá qanman sayasqa kashanku chaykunawan. Chay qhepantataj noqaqa ripusaj. Jinata niytawantaj Moisesqa may phiñasqa llojsiporqa faraompa ñaupaqenmanta.


Noqapis qankunaj contraykichejpi kasaj, enemigosniykichejtaj atipasonqachej. Chay enemigosniykichej qankunata kamachisonqachej, qankunataj mana pi ima nishajtillan ayqekunkichej.


Noqataj kuticherqani: Noqa jina runasqa mana ayqenkuchu, nitaj Diosta yupaychana wasiman ayqeykunkuchu kausayninkuta salvakunankuraykullaqa. Noqaqa mana pakakusajchu, nispa.


Cabrasniykimanta ashkha lecheta ch'awanki, qan kausanaykipaj, jinallataj wasiykipi kajkuna, kamachisniyki ima.


Uj enemigota rikuspalla waranqa runas ayqekunkichej, phishqa enemigosta rikuytawan tukuyniykichej ayqekunkichej, uj orqopi sapan sayashaj k'aspi jinalla qhepakunaykichejkama, chayrí uj lomapi uj wiphayla jina qhepakunaykichejkama.


Adoniaspa wajyachisqasnenqa sinch'ita mancharikorqanku, sapa ujninkutaj ñanninkutakama riporqanku.


Manchachikuy qhapariykunasta ningrisnin uyarin; sumajta waqaychakojtin astawan suwaspis suwanku.


Ichapis Sión orqomanta, Israelpaj salvacionnin chayamunman, Señor ayllunta kacharichispa pusakampojtin. Jacobpa mirayninmanta kajkuna, Israel ayllumanta kajkunapis kusikonqanku.


Pichus allinta purejqa ni imamanta manchachikunchu; pichus sajrata ruwajqa, sajrallapitaj tukukonqa.


Swiv nou:

Piblisite


Piblisite