Proverbios 27:18 - Qheshwa Biblia DC

¹⁸ Pichus higosta wiñachejqa poqoyninta mikhun; pichus patronnimpa imasninta qhawajqa, allimpaj qhawasqa kanqa.

DIOSPA QHELQACHISQAN DEUTEROCANONICAL

¹⁸ Pichus higo sach'ata qarpajqa poqoyninta mikhonqa. Pichus patronninpa kapuyninta qhawajqa t'inkachisqa kanqa.

DIOSPA QHELQACHISQ

¹⁸ Pichus higo sach'ata qarpajqa poqoyninta mikhonqa. Pichus patronninpa kapuyninta qhawajqa t'inkachisqa kanqa.

Proverbios 27:18 Referans Kwoze

2 Timoteo 2:6

Llank'aj runaqa poqoykunata oqharinampaj, ñaupajta llank'ananraj tiyan.

1 Corintios 9:7

Pi soldadotaj karqa, qolqenta pagaspa kamachita ruwaj? Pitaj uva sach'ata plantaspa poqoyninmanta mana mikhunchu? Chayrí, pichus ovejasta michejqa, manachu ovejaj lechenta ujyanman?

TAKIYKUNA 8:12

Noqajta chay uvas chajraqa, chaytaj ñaupaqeypi kashan. Qampajqa Salomón waranqa kanqa, iskay pachajtaj qhawaspa poqochejkunapaj.

1 Corintios 3:8

Plantajwan qarpajwanqa ujlla kanku. Chaywampis, sapa ujninku t'inkankuta jap'ikaponqanku llank'asqankuman jina.

San Lucas 12:37

Kusikuyniyoj kanqanku chay kamachis, mayqenkunatachus patronnin chayamuspa qhawashajta taripajtin. Cheqamanta niykichej, chay patrón kikin chumpinta mat'ikonqa; mesapi tiyaykuchispataj, pay kikin mikhunata jaywanqa.

San Juan 12:26

Pillapis munayniyta ruwajqa qhepayta jamuchun; maypichus noqa kasaj, chayllapitaj paypis kanqa. Tataytaj chay munayniyta ruwajta jatumpi jap'enqa.

San Lucas 19:17

Reytaj kuticherqa: Walejpacha sumaj kamachi; chay pisillawan allinta ruwaj kasqaykirayku, kunanmantapacha chunka llajtasta kamachinki.

San Mateo 24:46

Kusisqa kanqa chay kamacheqa, mayqentachus patronnin chayamuspa ajinata ruwashajta taripajtenqa.

Proverbios 22:29

Pichus imatapis sumajta ruwajqa, reykunaspa kamachimpi kanqa, manataj mana kaj runaspallataqa.

1 Pedro 2:21

Diosqa chaypajmin wajyasorqachej. Cristopis qankunarayku ñak'arerqa. Yachachiyta qankunapaj saqerqa, purisqanta purinaykichejpaj.

1 Pedro 2:18

Uywasqas, tukuy sonqo uywaqesniykichejta kasuychej; mana k'acha llamp'u sonqoyoj kajkunallatachu, sajra kajkunatapis kikillantataj kasuychej.

Colosenses 3:22

Kamachis, kay jallp'api uywaqesniykichejta tukuy imapi kasuychej. Amataj paykunaj rikunallankutachu, imaynatachus wakin runas allimpaj qhawasqa kanankupaj ruwanku jinataqa; astawanqa tukuy sonqowan Diosta manchachikuspa.

1 Corintios 9:13

Manachu yachankichej templopi llank'ajkunaqa Diosman jaywasqasta mikhusqankuta? Jinallataj altarpi jaywajkunapis manachu altarpi kaj ofrendasmanta jap'illankutaj?

Hechos 10:7

Kay parlapayaj ángel ripojtinkamataj, Cornelioqa wajyarqa iskay kamachisninta, uj sumaj yanapajnin Diosta yupaychaj soldadotawan.

Marcos 10:43

Qankuna ukhupirí, mana jinachu kanqa; mayqenchari aswan atiyniyoj kayta munan chayqa, kamachiykichej kanan tiyan.

San Mateo 24:25

Chaytaqa ñaupajmantaña nerqaykichej.

Proverbios 17:2

Sumaj yuyayniyoj kamacheqa kamachenqa, mana kasukoj wawata; chayaqeyojtaj kanqa chay wayna wauqesninwan khuska.

Salmos 123:2

Imaynatachus kamacheqa patronninta qhawan, imaynatachus warmi kamachipis patronanta qhawan, ajinata noqaykupis Señorpa yanapayninta suyaspa qhawayku.

1 Samuel 2:30

Chayrayku Señorqa Israelpa Diosnin nerqa: Qanwan aylluykiwan ima paypa nisqanta ruwanaykichejtapuni. Kunanqa nisunkichej: Mana ni jayk'aj chayta saqesajchu, manachayqa jatunchawajkunata jatunchallasajtaj; qhesachawajkuna tapis p'enqaypi rikhurichisaj. Noqa Señor chayta nini.

Éxodo 24:13

Moisesqa sayariytawan Josué yanapajninwan khuska wicharerqa Diospa orqonman.

2 Reyes 5:27

Chayraykutaj kunanqa Naamampa lepra onqoynin qanman chimpaykusonqa, mirayniykimampis wiñaypaj. Chantataj Eliseoj ñaupaqenmanta llojserqa lepra onqoyniyoj, rit'i jina yurajlla.

2 Reyes 5:25

Paytaj yaykuytawan wiraqochinman chimparqa. Chanta Eliseoqa payta taporqa: Giezi, maymanta jamushankiri?, nispa. Paytaj kuticherqa: Kamachiykeqa mana maytapis rerqachu.

2 Reyes 3:11

Josafattaj nerqa: Manachu kaypi Señorpa profetan tiyan, paynejta Señorta tapuchinapaj?, nispa. Israelmanta reypa ujnin kamachintaj kutichispa nerqa: Safatpa wawan Eliseo kaypi kashan, payqa Eliaspa kamachin karqa.

San Lucas 12:42

Señortaj kuticherqa: Pitaj allin yuyayniyoj junt'aj mayordomo, mayqentachus patronnin churan wasi qhawajta, mikhuchinampajtaj tiempompi?

2 Reyes 18:31

Ezequiasta ama uyariychejchu, Asiriamanta reyqa ajinata nin: Noqawan ujchakuychej, noqawantaj jamuychej, ajinamanta sapa ujniykichej kikin uvas sach'asniykichejmanta, higos sach'aykichejmantataj mikhunkichej; sapa ujtaj kikin pozosniykichejmanta yakuta ujyankichej.

Proverbios 27:17

Fierroqa fierrollawantaj ausakun, runapis runallawantaj allinchakun.

Proverbios 27:19

Yakupi runaqa uyanta rikukun; ajinata runapis imachus sonqompi kajta rikuchin.

Isaías 36:16

Qankunaqa ama Ezequiasta kasuychejchu. Chayrayku, qankunaman nimusunkichej Asiriamanta rey: Noqawan tratota ruwaychej, noqawan ujchakuychej. Chaywanqa sapa ujniykichej kikin uva sach'asniykichejmanta, jinallataj higostapis sach'asniykichejmanta mikhunkichej, yakutapis sapa uj pujyuykichejmanta ujyankichej.

Ester (hebreo) 6:11

Amanqa reypa p'achanta orqhomuspa Mardoqueota p'achallicherqa, caballopi lloq'aykuchispataj llajta plazanta muyurichimorqa. Payqa Mardoqueoj ñaupaqenta qhaparispa rerqa. Ajinatapuni ruwakonqa pitachus reyqa pataman oqhariyta munanqa chay runawanqa!, nispa.