Proverbios 27:17 - Qheshwa Biblia DC

¹⁷ Fierroqa fierrollawantaj ausakun, runapis runallawantaj allinchakun.

DIOSPA QHELQACHISQAN DEUTEROCANONICAL

¹⁷ Fierroqa fierrollawantaj filochakun. Runatapis runallataj aswan k'achaman tukuchin.

DIOSPA QHELQACHISQ

¹⁷ Fierroqa fierrollawantaj filochakun. Runatapis runallataj aswan k'achaman tukuchin.

Proverbios 27:17 Referans Kwoze

Hebreos 10:24

Purajmanta yanapanakuna munakuywan, allin ruwaykunawan ima.

Proverbios 27:9

Runaj sonqontaqa k'achata q'apaj jawinas kusichin; runatapis k'acha kausaqespa yuyaychaynin kusichin.

1 Samuel 23:16

Uj kutipi Saulpa wawan Jonatanqa Horesman rerqa Davidta watukoj, astawan kallpachanampaj Diospi astawan atienikunampaj.

2 Timoteo 2:3

Qampis noqawan khuska llakiykunata aguantallaytaj ari, Jesucristoj sumaj soldadon jina.

Santiago 1:2

Hermanosníy, qankunaqa may sonqo junt'asqa kaychej, imaymana llakiykuna jamusojtiykichej.

2 Timoteo 1:8

Chayrayku ama p'enqakuychu Señorninchejmanta willayta, nitaj noqamantapis payrayku carcelpi wisq'asqa kasqaymantapis. Astawanqa qampis noqawan khuska llakikuy evangeliorayku, Diospa atiyninman jina.

2 Timoteo 1:12

Chayrayku ñak'arishani kay tukuy imaspi. Chaymantaqa mana p'enqakunichu, imaraykuchus allinta yachani pipichus creesqayta, atiyniyojtaj kasqanta waqaychanampaj chay imatachus qowasqanta jamoj p'unchaykama.

Josué 1:18

Pillapis kamachisqaykita jark'ajqa, chayri imatachus kamachisqaykita mana kasukojqa, wañuchun. Noqaykoqa munayku qan sumaj kallpachasqa wapu kanallaykita.

Josué 2:24

Nerqanku: Señorqa chay tukuynin jallp'asta makisninchejmanña churan. Tukuy chaypi tiyakojkunaqa may mancharisqas kashanku.

Proverbios 27:16

Payta jark'anaqa wayratapis jark'ashasunman jina; chayrí aceitetapis makinchejpi jark'ayta munasunman jina.

Proverbios 27:18

Pichus higosta wiñachejqa poqoyninta mikhun; pichus patronnimpa imasninta qhawajqa, allimpaj qhawasqa kanqa.

Proverbios 29:22

Machu machu phiña runa kajqa, chay jina kasqanwan maqanakusta oqharin, maytataj juchachakun.

San Juan 11:29

Mariataj chayta uyarispa, usqhayta sayariytawan Jesusta taripaj rerqa.