Proverbios 25:25 - Qheshwa Biblia DC

²⁵ Uj sayk'asqa k'ajashaj mallq'ata qhasa yaku thasnun; ajinallataj sumaj willaykunaqa karu jallp'asmanta chayamojkunata.

DIOSPA QHELQACHISQAN DEUTEROCANONICAL

²⁵ Chiri yakoqa ch'akisqa runapaj may sumajmin. Ajinallataj karu suyumanta chayamoj sumaj willaykunapis.

DIOSPA QHELQACHISQ

²⁵ Chiri yakoqa ch'akisqa runapaj may sumajmin. Ajinallataj karu suyumanta chayamoj sumaj willaykunapis.

Proverbios 25:25 Referans Kwoze

Proverbios 15:30

Munakuywan qhawaykachaj ñaweqa sonqota kusichin; sumaj willaykunaqa sumajta kallpachan.

Romanos 10:15

Imaynatataj willanqanku mana kachasqas kaspari? Escribisqapi nishan: May k'achapuni sonqo tiyakuyta allin imastataj willajkunaj chakisninkoqa!

Salmos 63:1

Diosníy, qan Diosniy kanki. Tukuy sonqo mask'ayki. Qanmanta ch'akisqa kani. Tukuy kayniywan munakuyki, mana yakuyoj qhasi ch'aki jallp'a jina.

Apocalipsis 21:6

Niwarqataj: Junt'asqaña. Noqa kani alfa, omegataj; qallariy, tukukuytaj. Ch'akichikojmanqa kausay yakuta pujyumanta qhasilla ujyachisaj.

Nahúm 1:15

Qhawaychej, orqos patanejta jamushanña, sonqo tiyasqa kaymanta willayta pichus apamojqa. Fiestasniykita ruwarikuy Judá, junt'ay nisqasniykita. Manaña jayk'ajpis chay sajra runasqa junt'aykamusonqankuchu imaraykuchus tukuyninku chinkachisqasña kanku.

1 Timoteo 1:15

Kay palabraqa cheqamin, allintaj tukuy jap'inankupaj; Cristo Jesús kay pachaman jamorqa juchasapasta salvanampaj; chay juchasapasmantataj noqa aswan kuraj kani.

San Juan 7:37

Qhochuku tukukuy jatun p'unchaypitaj, Jesús sayariytawan sinch'ita parlaspa nerqa: Pichus ch'akichikojqa, noqaman jamuchun, ujyachuntaj.

Jeremías 18:14

Libanopi chay alto chhankasninmanta jayk'ajpis rit'eqa chinkapunchu? Chayri karu jallp'asmanta jamoj yakupis tukukapunmanchu?

Isaías 55:1

Tukuy ch'akichikojkuna jamuychej yakuta ujyaj. Mana qolqeyojkuna jamullaychej, mikhullankichejtaj. Mana qolqellawan jamuspa jap'ikullaychej vinota, lechetapis.

Isaías 52:7

May kusiypuni orqo puntaspi sumaj kusiy willaykunata apamojpa chakisnenqa; sonqo tiyakuyta willajpata, allin kajmanta sumaj willaykunata apamojpata. Jinallataj salvacionta willajpata. Sión llajtamampis Diosniykeqa kamachishan, nejpata.

2 Samuel 23:15

Chaypacha Davidqa imatachus munasqanta parlarikorqa: Imaynapichus pillapis yakuta jaywariwanman Belén llajta punkupi kashan chay pujyumanta!, nispa.

Apocalipsis 22:17

Espirituwan, noviawan ninku: Jamuy. Ch'akichikojqa jamuchun, munajrí, kausay yakumanta qhasilla ujyachun.

Éxodo 17:6

Noqa Horeb chhanka orqopi suyamusqayki, qantaj chay chhankata tojnuykiwan wajtanki, yakutaj chaymanta phullchimonqa, runastaj chayta ujyanqanku. Moisesqa chayta ruwarqa israelitaspa kurajkunasninku qhawashajtinku.

Proverbios 25:26

Juturimanta qhonchuchasqa yaku llojsimun jina, uj mana juchayoj runaqa juchasapaj ñaupaqempi kharkatejqa.

Génesis 45:27

Maypachachus allinta willajtinku, tukuy imata José nisqanta, carrosta Josej apachisqanta ripunampaj rikuspataj Jacobqa mayta kusikorqa.