Proverbios 21:16 - Qheshwa Biblia DC

¹⁶ Yachay ñanmanta t'aqakoj runaqa, wañusqaswan khuska sayaj renqa.

DIOSPA QHELQACHISQAN DEUTEROCANONICAL

¹⁶ Allinta purinamanta t'aqakojqa wañusqakunawan tantakonqa.

DIOSPA QHELQACHISQ

¹⁶ Allinta purinamanta t'aqakojqa wañusqakunawan tantakonqa.

Proverbios 21:16 Referans Kwoze

Hebreos 10:38

Kunantaj cheqan runaqa, creesqanrayku kausanqa. Sichus qhepaman ithirinman chayqa, pay mana kusichiwanqachu.

Salmos 125:5

Sajra ñanta puriyta munajkunatataj Señorqa juchasapasta jina qhawachun. Israel ayllupitaj allillampuni kachun.

Salmos 49:14

Chay runasta wañoyqa michej jina sepulturaman pusan, ovejaspis kankuman jina. Sut'iyamojtintaj, cheqan runasqa paykunata kamachenqanku. Sajra runaspa kallpankoqa tukukaponqa, sepulturataj wasinku kanqa.

Judas 1:12

Paykunaqa, munasqa qarakusniykichejta ch'ichichanku. Mana manchachikuspa qankunawan khuska mikhunku, paykuna kikinkuta michikuspa. Paykunaqa kanku mana yakuyoj phuyus, wayraj apaykachasqasnin, poqoy tiempopi mana poqoyniyoj sach'as, iskay kuti wañusqas, saphinmantapacha t'irasqas.

1 Juan 2:19

Chay runasqa noqanchej ukhumanta llojserqanku. Chaywampis mana noqanchejmantachu karqanku. Noqanchejmantachus kankuman karqa chayqa, paykunaqa noqanchejwan qhepakunkuman karqa. Ajinamanta rejsichikunku, mana tukuyninchu noqanchejmanta kasqankuta.

Efesios 2:1

Dios kausayta qosorqachej, pantaykunapi, juchasniykichejpi ima wañusqas kashajtiykichej.

Sofonías 1:6

T'unaykullasajtaj noqamanta karunchakojkunata, sutiytataj mana mask'ajkunata, nitaj jamuriwaspa tapurikuwankuchu chaykunata.

Proverbios 13:20

Yachayniyojkunawan tantakuy, yachayniyojkunamantataj yachaqanki. Wampu runaswan tantakuypi chayri mana allinman chayanki.

Proverbios 9:18

Paykunaqa mana yachankuchu chaypi wañuy kasqanta, wajyachimusqasnenqa wañuy ukhupiña kasqankuta.

Proverbios 2:13

Paykuna allin kaj ñanta saqenku, laqha ñankunatataj purinku.

Proverbios 11:19

Cheqan kajpa qhepanta pureyqa, kausayman pusan; juchaj qhepanta puriyrí wañuyman pusan.

Ezequiel 18:24

Cheqampi kausaj runachus, cheqa kaj ruwayninta saqespa sajra kausayniyoj runaj tukuy juchallikuynimpi purenqa, millay imata ruwaykunasninta ruwaspataj chayqa, yuyankichejchu chay runa kausanallantapuni? Noqaqa mana yuyarisajchu tukuy allin kajta ruwasqasnintaqa. Noqaqa wasanchawasqanrayku, juchallikusqasninraykutaj payqa wañonqa.

Proverbios 5:23

Chay mana allinta purisqan wañuyman pusanqa, wampu kaynintaj chinkayman pusanqa.

Proverbios 19:16

Pichus kamachisqasta junt'ajqa kausayninta waqaychan; pichus Señorpa yachachisqanta qhesachajqa, wañonqa.