Proverbios 2:6 - Qheshwa Biblia DC

⁶ Señormin qon yachaytaqa; tukuy yachaykuna, sumaj yuyayniyoj kaypis simimanta llojsimun.

DIOSPA QHELQACHISQAN DEUTEROCANONICAL

⁶ Tata Diosmin yachaytaqa qon. Tukuy yachay, yuyayniyoj kaypis siminmanta llojsimun.

DIOSPA QHELQACHISQ

⁶ Tata Diosmin yachaytaqa qon. Tukuy yachay, yuyayniyoj kaypis siminmanta llojsimun.

Proverbios 2:6 Referans Kwoze

Santiago 1:5

Mayqellampis qankunamanta mana yachayniyoj kanman chayqa, Diosmanta mañakuchun. Dios qon tukuyman ashkhamanta mana k'amispalla. Cheqamanta chay yachayqa payman qosqa kanqa.

Salmos 119:98

Kamachisqasniykeqa aswan yachayniyojta ruwawan, imaraykuchus chaykunawanmin yachayniyojqa kani.

Job 32:8

Cheqamanta tukuy runas yachayniyoj kanku, chay unanchaytaqa Tukuy Atiyniyoj samaykuspa qorqa.

San Lucas 21:15

Noqa yachayta qosqaykichej parlanaykichejpaj; chay parlasqaykichejtataj enemigosniykichejqa, mana atipayta, nitaj kutichikuytapis atenqankuchu.

Isaías 54:13

Tukuynin wawasniykiman Señorqa yachachipusonqa; chay wawasniykej kusiynintaj may jatun kanqa.

San Juan 6:45

Profetaspa escribisqasnimpitaj jinata nishan: Dios tukuyninman yachachenqa. Jinataj, Dios Tatamanta uyarejkuna, paymanta yachakojkunataj noqaman jamunku.

1 Reyes 3:12

Chayrayku imatachus mañakusqaykita ruwaniña, qoykiña jatun yachayniyoj sonqota, yuyayniyoj kaytapis, imaraykuchus mana ujpis karqachu qan jinaqa, nitaj qanmanta qhepamampis kanqañachu qan jinaqa.

Santiago 1:17

Tukuy ima allin t'inka, imatapis ruwayta yachaytaj patamanta jamun, k'anchay Tatamanta. Payqa kikillampuni, manataj paypi ima llanthullapis kuyurej kanchu.

Salmos 119:104

Kamachisqasniykimanta yachayta orqhoni; chayrayku chejnikuni tukuy sajra puriyta.

Daniel (hebreo) 2:23

Tatasniypa Diosnin, qanman graciasta qoyki, yupaychaykitaj. Qan yachayniyojta ruwawanki, kallpachawankitaj. Kunantaj sut'ita rikuchiwanki imatachus mañakususqaykuta. Rikuchiwaykuñataj imatachus rey yachayta munasharqa chaytapis.

Daniel (hebreo) 1:17

Kay tawa waynasmantaj Dios qorqa sumaj yachaysapa umata, tukuy laya librosmanta yachayta, tukuy sumaj yachaytataj. Chantapis Daniel yachallarqataj rikuykunata, mosqoykunatawan sut'inchayta.

Isaías 8:20

Chayrayku kutiriychej leyman, imatachus yachachisqaymanwan. Sichus mana chayman jinachu nenqanku chayqa, paykunapi mana cheqa kaj kanchu.

1 Reyes 4:29

Salomonmantaj Diosqa ashkha yachayta, yuyayta, sumaj sonqotawan qorqa, imaynachus mar qocha cantopi, t'iyu kashan jinatapuni.

Daniel (hebreo) 2:21

Paymin tiemposta, watastapis waj jinaman tukuchin, reyesta qhechun sayachinta. Yachayta qon yachayniyojkunaman, aswan rejsiytataj tukuy imata rejsejkunaman.

Proverbios 6:23

Cheqamanta kamachiykunaqa lamparamin, yachachiykunaqa k'anchaymin; k'amiykunawan reparachiykunawantaj kausay ñanmin.

Salmos 19:7

Cheqampuni Señorpa yachachisqanqa, imaraykuchus mosoj kausayta qon. Cheqampuni Señorpa kamachisqanqa. Yachayniyojman tukuchin mana yachajta.

1 Reyes 3:9

Kay kamachiykimanqa allin sonqota qoway llajtaykita allinta kamachinaypaj jina, sajra kajta allin kajtapis reparanaypaj, mana jina kajtenqa, pitaj kay chhikan llajtaykita kamachiyta atenqari?

1 Crónicas 22:12

Señor sumaj yuyayta qosuchun, jinataj allin yachayniyoj kaytapis, maypachachus Israelta kamachishajtiyki, chaypacha Señor Diosniykej leyninta junt'anaykipaj.

Nehemías 7:5

Chaypacha Diosqa sonqoyman parlawarqa, chay allichaj kaj runasta, aylluta kamachejkunata, tukuy ayllupi kaj runastapis tantaykunayta, sapa familiata libroman qelqaykunaypaj. Tarerqanitaj chay ñaupaj chayamojkunaj sutisnin qelqasqasniyoj kaj librota. Chaypitaj kay jina qelqasqa kasharqa:

Job 22:22

Saqey pay imatapis kamachis unanta, chay palabrasintataj sumajta umaykipi jap'eqay.

Salmos 51:6

Qanqa cheqan sonqoyoj runata munakunki. Sonqoypitaj yachachiwarqanki.

Eclesiastés 2:26

Diosqa pichus payta kusichejman yachayta qon. Jinallataj rejsiyta, kusikuytawan. Juchasapamanri Diosqa saqellan tukuy imasta tantajta, qhapajyajtapis, pichus Diosta kusichejman qonampaj. Chaypis qhasi mana kajlla, wayra jap'ikuy jinallataj.

1 Reyes 10:24

Tukuy runastaj Salomompa uyanta rikuyta munaj kanku, uyarinankupaj chay chhika yachayta Dios payman qosqanta.

Esdras 7:25

Qantaj Esdras, Diosniyki yachayta qosunki chayman jinaqa, juecesta churay, kamachejkunatawan, Eufrates mayoj chimpampi kaj tukuy runasta cheqanchanankupaj, Diosniykej leyninta yachanku chaykunata. Manaraj yachankuchu chaykunamantaj yachachiy.

Job 12:13

Diosqa yachayniyoj atiyniyojtaj, pay yachan imaynatachus sumaj yachaywan imastapis wakichisqanta.

Job 12:16

Dioswan kashan atiywan yachaywan; Paypa munaynimpi kashan ch'aukiyaj, ch'aukiyachikojpis.

Salmos 19:8

Señorpa kamachisqasnenqa cheqampuni, sonqotataj kusichin. Señorpa kamachisqanqa ch'uwa, ñawimantaj k'anchaykun.

Salmos 94:10

Tukuy runasta jasut'ejqa manachu k'aminman? Runaman tukuy imata yachachejqa?

Salmos 119:34

Kamachisqasniykita waqaychanaypaj yuyayta qoway; tukuy sonqoywantaj junt'asaj.