Proverbios 19:7 - Qheshwa Biblia DC

⁷ Wajcha runataqa wauqesnimpis chejninku, kausaqesnenqa astawanraj karunchakunku paymantaqa. Chaymantaqa mask'an pipis parlaykurinanta, nitaj pipis kanchu parlapayaykurej.

DIOSPA QHELQACHISQAN DEUTEROCANONICAL

⁷ Wajcha runataqa wawqenkunapis chejninku. Astawanraj kawsaqenkunaqa paymanta karunchakonqanku. Yanapanankuta mask'aspapis, mana tarenqachu.

DIOSPA QHELQACHISQ

⁷ Wajcha runataqa wawqenkunapis chejninku. Astawanraj kawsaqenkunaqa paymanta karunchakonqanku. Yanapanankuta mask'aspapis, mana tarenqachu.

Proverbios 19:7 Referans Kwoze

Proverbios 19:4

Qhapajyayqa ashkha kausaqesta apamun; uj wajchatarí kausaqesnin saqerparinku.

Proverbios 21:13

Pichus wajcha runaspa mañakusqanta mana uyarinchu chayqa, paypa mañakusqampis, manallataj uyarisqachu kanqa.

Proverbios 18:23

Wajcha runaqa khuyakuyta mañakuspa parlakun; qhapaj runarí wapu waputa parlan.

Salmos 38:11

Sumaj kausaqesniy, ayllusniy kajkunapis, mana chayamuwankuchu; karullapi kanku nanasqasniymanta.

Santiago 2:6

Qankunaqa wajchata p'enqacherqankichej, manachu qhapajkunaqa atiyninkuwan llank'achisorqachej, llakichisorqachej? Manachu paykunallataj juecespaman qhatatisorqachej?

Proverbios 14:20

Wajcha runata kikin kausaqesnillantaj chejnin, qhapaj runajtarí ashkha kausaqesnin tiyan.

Salmos 88:18

Noqamanta rejsisqasniyta, kausaqesniytawan karunchanki; kunantaj laqhallaña kausaqeyqa.

Salmos 88:8

Kausaqesniywantaj saqerparichiwanki. Paykunapajqa millachikunanku kani. Wisq'asqa kani, manataj ayqeyta atinichu.

Proverbios 10:15

Qhapaj runaj kapuynenqa pakakunan llajtamin; wajcha runaj ñak'ariyninrí, wajcha kaynin.

Salmos 38:12

Wañuchiwayta munajkunaqa tojllata churawanku. Mana allin kayniyta munajkunaqa contrayta parlanku, aleqamantataj wasanchayta munawanku.

Proverbios 27:10

Ama kausaqeykita, nitaj tataykej kausaqentapis saqerpayaychu. Llakiyniykipi, ama wauqeykiman riychu; qayllaykipi tiyakojraj astawan allin, karupi kaj wauqeykimantaqa.