Proverbios 19:21 - Qheshwa Biblia DC

²¹ Runaqa ashkha imasta wakichin, chaykunatataj Dioslla atin junt'achiyta.

DIOSPA QHELQACHISQAN DEUTEROCANONICAL

²¹ Runaqa tukuy imata ruwananpaj wakichikun. Chaywanpis Tata Diospa yuyasqallan junt'akun.

DIOSPA QHELQACHISQ

²¹ Runaqa tukuy imata ruwananpaj wakichikun. Chaywanpis Tata Diospa yuyasqallan junt'akun.

Proverbios 19:21 Referans Kwoze

Proverbios 16:9

Runaqa imata ruwanantapis yuyaynimpi wakichin, Señortaj chay wakichisqasninta cheqanchan.

Isaías 14:24

Tukuy Atiyniyoj Señorqa juraspa nin: Cheqamanta imatachus yuyasqayqa junt'akonqapuni, imastachus nisqasniypis ruwakonqapuni.

Proverbios 16:1

Imatapis ruwanapaj wakichisqaqa runajtamin; chaykunas junt'akunampajtaj Señorpuni ari ninan tiyan.

Isaías 46:10

Qallariymantapacha qhepaman imaschus kananmanta willani. Noqaqa unaymantapacha willani manaraj imapis kashajtin. Noqaqa nini: Noqaj nisqayqa wiñaypaj kanqa. Imatachá munasqayta noqaqa ruwasaj.

Proverbios 21:30

Señorpa rikuynimpeqa mana yachayqa kanchu, ni sumaj yuyay, nitaj sumaj yuyaychakunaspis.

Efesios 1:11

Jinallataj Cristowan chayaqeta jap'erqanchej, tukuy imata ruwaj Diospa munayninman jina, wiñaymantapacha ajllawasqanchejrayku.

Job 23:13

Imallatapis Pay ruwasaj nin chayqa, ruwampuni, nitaj imapis uj jinayachinchu yuyasqantaqa.

Proverbios 21:1

Reypa yuyaynenqa Señorpa makimpipuni kashan, chayqa larq'a yaku jina purin, Señor imaynatachus munasqanman jina.

Eclesiastés 7:29

Kayllata tarini: Diosqa runata cheqanta, allin kajta ruwanampaj ruwasqa; chaywampis runasqa ashkha mana allin imasta mask'anqanku.

Daniel (hebreo) 4:35

Paypa ñaupaqempi mana imapis kankuchu kay jallp'a patapi tukuy tiyakojkunaqa. Pay ruwan munayninman jina, janaj pachapi, jinallataj kay pachapipis. Mana pipis kanchu Diospa atiyninman sayaykojqa, manallataj pipis payta tapurinmanchu, imarayku jinata ruwanki?, nispa.

Salmos 21:11

Sajrata ruwasuyta munajtinku, contraykipi wakichikojtinkupis, mana imatapis ruwasuyta atinkuchu.

Génesis 50:20

Qankuna mana allintachu ruwawayta munarqankichej, Diostaj chay mana allinta, allinman tukucherqa, mayqentachus kunan rikushankichej, ashkhasta kausachinaypaj.

Proverbios 12:2

Allin runaqa Señorpa khuyakuyninta jap'in, mana allin yuyayniyoj sajra runatarí Dios astawan juchachanqa.

Judas 1:4

Wakin runasqa pakayllamanta yaykumorqanku. Paykunamantaqa ñaupajmantapachaña Escrituras willarqanku juiciopaj juchachasqas kasqankuta. Paykunaqa mana manchachikuyniyoj kanku, Diosninchejpa khuyakuynintapis millay kausayninkuman tukuchinku. Kamachej sapan Diosta, Señorninchej Jesucristotapis qhesachanku.

Ester (hebreo) 9:25

Estertaj reypaman rejtin, reyqa uj cartata qelqaspa apacherqa, Amampa tukuy sajrata judiospaj yuyasqasnenqa payllamantaj urmananta, ajinamanta paywan wawasninwanqa sipinapi warkhusqas karqanku.

Salmos 83:4

Jamuspa tukuchiyta munawanchej, amaña llajta jina kananchejpaj, amaña Israel suti uyarisqa kanampaj.

Proverbios 19:22

Runaj ashkhata munapayaynenqa urmaynin; aswan allinmin wajcha kanaqa llulla kanamantaqa.

Jeremías 44:29

Noqa Señor qankunaman kay señalta qosqaykichej yachanaykichejpaj, kay tukuy nisqasniy junt'akunampaj kay jallp'api qankunata jasut'inaypaj.

2 Samuel 17:14

Absalón tukuy israelitas imaqa yuyarqanku Husaipa nisqanqa aswan allin kasqanta, Ahitofelpamanta nisqaqa. Señorqa nisqaña Ahitofelpa yuyasqanqa mana ruwakunanta, Absalompa patanman llakiyta apachimunampaj.

Ezequiel 20:32

Qankunaqa nerqankichej: Kay jallp'api tiyakoj llajtayoj runas jina kasunchej, nispa; paykunaqa k'aspita, chantá rumita yupaychanku. Chaytaj mana jinachu kanqa.