Proverbios 17:28 - Qheshwa Biblia DC

²⁸ Wampu runa kashaspapis ch'inlla kakun chayqa, yachayniyojpaj qhawasqa; siminta wisq'an sumaj yachayniyojpis kanman jina, chaypacha.

DIOSPA QHELQACHISQAN DEUTEROCANONICAL

²⁸ Sichus pipis wampu kashaspapis ch'inlla kakun, simintataj wisq'an chayqa, runakuna payta yachayniyojpaj, yuyayniyojpajtaj qhawanqanku.

DIOSPA QHELQACHISQ

²⁸ Sichus pipis wampu kashaspapis ch'inlla kakun, simintataj wisq'an chayqa, runakuna payta yachayniyojpaj, yuyayniyojpajtaj qhawanqanku.

Proverbios 17:28 Referans Kwoze

Job 13:5

Ch'inllapis kakuwajchej karqa chayqa, yachayniyoj runaspaj qhawasqas kawajchej.

Proverbios 15:2

Yachayniyojkunaj siminmantaqa yachay llojsin; wampuspa siminmantarí, qhasi mana kaj palabraslla.

Eclesiastés 10:14

Wampu runaqa astawan palabrasta yapan; mana pipis yachanchu qhepaman imaschus jamunanta. Pitaj payman willanqa, paymanta qhepaman imaschus kanantari?

Eclesiastés 5:3

Anchata imaspipis yuyajtin mosqoy jamun, jinallataj ashkhata parlaypi pantayqa tiyan.

Eclesiastés 10:3

Chay ñanta rej jina wampu runaqa, mana yachanchu imatachus parlashasqanta. Chay runaqa pitapis wampu kasqallanta nin.

Proverbios 18:1

Imatapis payllapaj munaj runaqa, imatachus mask'asqasnin junt'akunallanta munan; imachus allin kashan chaytaqa pantachillampuni.

Job 32:16

Noqaqa suyarqani paykuna parlanankuta, manataj parlankuchu, chayman kutichinankutaqa astawan ch'inyapunku, manaña astawan ni imata kutichisunkuchu.