Proverbios 17:15 - Qheshwa Biblia DC

¹⁵ Pichus juchayojta perdonajta, mana juchayojtataj juchachajtaqa, Señorqa mana rikuyta munanchu.

DIOSPA QHELQACHISQAN DEUTEROCANONICAL

¹⁵ Tata Dios manapuni munanchu pipis juchallikojta llimphuman orqhonanta, nillataj kusikunchu pipis mana juchayojta juchachasqanmanta.

DIOSPA QHELQACHISQ

¹⁵ Tata Dios manapuni munanchu pipis juchallikojta llimphuman orqhonanta, nillataj kusikunchu pipis mana juchayojta juchachasqanmanta.

Proverbios 17:15 Referans Kwoze

Éxodo 23:7

Llulla parlaykunamanta t'aqakuy, amataj wañuchinkichu mana juchayojta, cheqan kaj runata; noqa juchasapataqa mana qhawasajchu mana juchayojpaj.

Isaías 5:23

Qankunaqa lluk'inas kajtin juchayojta mana juchayojman tukuchinkichej, mana juchayojtataj juchachankichej.

Proverbios 18:5

Mana allinchu cheqanchajkuna juchasapasman kutikunankoqa, mana juchayojtataj qhasimanta juchachanankupis.

Amós 6:12

Caballosqa atinkumanchu chhankasta wichariyta? Mar qochataqa atikunmanchu wakasman llank'ayta? Qankuna cheqan kajta venenoman tukuchinkichej. Allin ruwaypa poqoynintapis jayaman tukuchinkichej.

Proverbios 15:8

Señorqa juchasapaspa jaywasqanta millachikun, cheqan runaspa mañakusqankutarí, tukuy sonqo uyarin.

Santiago 5:6

Mana juchayoj runasta juchachankichej, wañuchinkichejtaj, manataj payqa jark'akusunkichejchu.

Romanos 4:5

Pichus mana ruwanchu, creentaj, juchasapata mana juchayojta rikhurichejpi chayqa, chay fenin paypaj yupakun, mana juchayoj rikhurinampaj.

Amós 5:12

Noqa rejsini millay sajra kasqankuta, juchasninkoqa mana tukukoj, llakichinku cheqan runasta, lluk'irastataj jap'inku; cheqanchana wasispitaj wajchastaqa imapipis atipankupuni.

Amós 5:7

Ay qankunamanta cheqan kajta ajenjo jina jayaman tukuchejkuna. Allin ruwana kajtapis pampaman wijch'unkichej.

Proverbios 6:16

Sojta imasta Señorqa chejnikun, qanchis imastapis Señorqa millachikun:

1 Reyes 21:13

Chantataj iskay sajra runas jamorqanku, Nabotpa ñaupaqempitaj tiyaykukuspa chay runasqa, tukuynin runaspa ñaupaqempi llullakuspa jurayta qallarerqanku Nabotpa contrampi, nispa: Payqa Diospa contranta parlan, reypa contrantawan. Llajtamanta jawaman pusaspataj chaypi rumiwan ch'anqaspa wañucherqanku.

Proverbios 11:1

Señorqa chejnikun mana cheqan kaj pesasta, cheqan pesastarí munakun.

Salmos 94:21

Mana juchayoj runaj contrampi wakichikunku, wañuchinankupajtaj juchachanku.

Proverbios 17:26

Cheqamanta mana juchayojta juchachanaqa mana allinchu, nitaj wajtanapis atikunchu cheqanta ruwajtaqa.

Proverbios 31:5

Jinata ujyaspaqa leymanta qonqapunkuman, llamp'u sonqoyojkunaj kajninkutataj mana allinman tukuchinkuman.

Isaías 5:20

Ay, qankunamanta, mana allin kajta allin ninkichej, allin kajtataj mana allinchu ninkichej; k'anchaytaqa laqhaman tukuchinkichej, laqhatataj k'anchayman; Jaya kajta, misk'i ninkichej, misk'i kajtataj jaya ninkichej.

Deuteronomio 25:1

Sichus mayqenkuna imamantapis ch'atanakusqanku chayqa, richunku maypichus kurajkuna tantakunku chayman, cheqanchasqa kanankupaj. Ajinamanta mana juchayoj kajqa llojsiponqa, juchayoj kajtaj juchachasqa kanqa.

Ezequiel 13:19

Qankunaqa, aylluy ukhupi p'enqaypi rikhurichiwankichej, uj jich'i cebadarayku, uj juch'uy t'antaraykutaj kausanampaj karqa chay runata wañuchispa, wañunan karqa chay runatataj kausachispa. Ajinata aylluyta ch'aukiyankichej llullata kasusqanrayku.