Proverbios 15:8 - Qheshwa Biblia DC

⁸ Señorqa juchasapaspa jaywasqanta millachikun, cheqan runaspa mañakusqankutarí, tukuy sonqo uyarin.

DIOSPA QHELQACHISQAN DEUTEROCANONICAL

⁸ Tata Diosqa mana allin ruwajkunaj jaywasqankuta millachikun. Cheqan runakunaj mañakusqankutarí kusisqa uyarin.

DIOSPA QHELQACHISQ

⁸ Tata Diosqa mana allin ruwajkunaj jaywasqankuta millachikun. Cheqan runakunaj mañakusqankutarí kusisqa uyarin.

Proverbios 15:8 Referans Kwoze

Proverbios 15:29

Sajra runamanta Señorqa karunchakun; cheqan runaspa mañakusqankutarí, tukuy sonqo uyarin.

Proverbios 21:27

Sajra runaspa uywa ñak'asqata jaywasqankuta Señorqa chejnikun, imaraykuchus chaytaqa jaywanku sajra yuyaywan.

1 Crónicas 29:17

Noqa yachani, Diosníy, qanqa sonqosta allinta qhawanki, cheqan kajtaj qanta kusichisunki. Chayrayku cheqa sonqowan kay tukuyta jaywayki. Kunanqa kusiywan rikuni, kaypi tukuy aylluyki tantasqas jaywanasninkuta munakuywan apamususqankuta.

Jeremías 6:20

Imapajtaj qankuna Sabá inciensota apamuwankichejri? Jinallataj chay karu llajtasmanta q'apaj qhorastapisri? Noqapaj manapuni allinchu rijch'awan chay ruphachina, nitaj chay waj rikuchikusninkupis.

Proverbios 28:9

Sichus pipis Diospa kamachisqanta mana uyarinchu chayqa, Diospis willachikuspa, manallataj chay runaj mañakusqantaqa uyarenqachu.

Isaías 61:8

Noqa Señorqa imapis cheqampuni kananta munani. Suwakojta, runa wañuchejta ima chejnikuni. Chayrayku runaj ruwasqasninman jina t'inkanta qopusaj, paykunawantaj wiñaypaj tratota ruwasaj.

San Juan 4:24

Diosqa Espiritumin; payta yupaychajkunaqa espiritupi cheqapitaj yupaychananku tiyan.

Eclesiastés 5:1

Diospa wasinman rispaqa as allinta puriy; astawan qayllakuy sumajta uyarinaykipaj, wampu runas jina uywa ñak'asqata jaywanaykimanta nisqaqa. Chaykunaqa mana yachankuchu mana allin kajta ruwashasqankuta.

Isaías 66:3

Pichus uj wakata ñak'aspa rikuchikuta apamuwajqa, uj runatapis wañuchishanman jina. Uj ovejata wañuchispa rikuchikuta apamojqa, alqotapis apamunman jina. Rikuchikuta apamojqa, khuchej yawarnintapis apamunman jina. Inciensota q'osñichejqa, lantimampis jaywashanman jina. Paykunaqa sapa ujninku imatachus munasqankuta ajllakunku, sonqonkoqa sajrallatapuni munan.

TAKIYKUNA 2:14

Palomitáy qanqa chhanka jusk'usman pakakunki, millay manchachikuna chhanka jusk'usman pakaykukuwanki. Uyaykita rikurichikuway ari, parlapayarimuway ari. Qampa palabraykeqa sonqoyta t'ikarichiwan, qhawaykachasqaykipis k'acha.

Salmos 17:1

Señor cheqan kajta mañakusqayta uyariway, qhaparikusqa aytapis uyarillaway, mañakusqayta uyariway, imaraykuchus mana llullakuspachu mañakushayki.

Levítico 7:18

Sichus kinsa p'unchaymanta pipis chay puchoj aychata, allinyakuy rikuchikumanta puchojta mikhonqa chayqa, chay Señorman jaywasqaqa mana valenqachu, nitaj apamojpa cuentanman churasqachu kanqa. Chay aychaqa qhesachasqaña. Pichus chay aychata mikhojqa, chay juchamanta juchachasqa kanqa.

Proverbios 10:24

Sajra runaqa, imatachus manchachikun chaymampuni chayan; cheqan runapajrí imatachus ruwayta yuyasqanqa junt'akumpuni.

Proverbios 15:7

Yachayniyojkunaj simenqa yachayta tukuynejman t'akan; wampusqa yuyayninkuwan mana jinatachu ruwanku.

Proverbios 21:3

Cheqanta puriyta, cheqan kajtawanqa ruwaypuni, Señorqa chayta astawan munan uywa ñak'asqasta jaywanamanta nisqaqa.

Miqueas 6:7

Kusikunmanchu Señor, waranqa corderoswan chayri chunka waranqa aceite mayuswampis chimpajtiy? Kusikunmanchu, kuraj kaj qhari wawaytapis jaywajtiy, sajra kayniymanta jinataj juchaymanta paganaypaj?

Hageo 2:14

Chanta nerqa Hageo profetaqa: Ajinatapuni Señorqa nin: Chay jinallataj kay runasqa kanku, tukuy ima ruwasqasninku, tukuy ima jaywasqasninkupis, millay ch'ichis kanku.

2 Samuel 15:12

Ajinallataj Absalonqa, Gilo llajtamanta wajyachimorqa Davidpa umachajnin Ahitofelta, Señorman uywa ñak'asqasta jaywashajtin paywan khuska kanampaj. Jinamanta reypa contrampi oqharikoyqa astawan wiñasharqa, Absalonta qhatejkunaqa yapakushallarqankupuni.

1 Reyes 3:10

Salomompa mañakusqanqa Señorman may allimpuni rijch'arqa.

Salmos 141:2

Mañakususqayqa ñaupaqeykipi inciensoj q'apaynin jina kachun. Qanman makisniyta oqharisqaytaj inti yaykuy horasta jaywana jina kachun.

Daniel (hebreo) 9:23

Mañakuyta qallarisqaykitawan, Dios kutichisorqaña. Chayta willasunaypaj noqa jamuni, imaraykuchus Dios mayta munakusunki. Kunanqa, sumajta uyariy, kay jamoj imasmanta, chay rikusqaykimanta yachanaykipaj:

Miqueas 6:6

Imawantaj chimpaykuyman yupaychaj janaj pacha Dios Señorniymanri? Payman chimpaykuymanchu uj watayoj waka uñawan ruphachina rikuchikuta jaywanaypaj?