Proverbios 15:32 - Qheshwa Biblia DC

³² Pichus k'amisqasta qhesachajqa, pay kikinta qhesachakun; pichus k'amisqata jap'ikojqa, astawan yachayta jap'in.

DIOSPA QHELQACHISQAN DEUTEROCANONICAL

³² Pichus k'amisqata sajrapaj jap'ejqa pay kikinta pisipaj qhawakun. K'amisqata uyarikojrí astawan yachayta jap'in.

DIOSPA QHELQACHISQ

³² Pichus k'amisqata sajrapaj jap'ejqa pay kikinta pisipaj qhawakun. K'amisqata uyarikojrí astawan yachayta jap'in.

Proverbios 15:32 Referans Kwoze

Apocalipsis 3:19

Tukuy munakusqasniyta k'amini, jasut'initaj. Sonqochakuy ari, juchamantataj kutirikuy.

Proverbios 1:7

Yachaypa qallarikuynenqa, Señorta manchachikuymin; wampu runasqa qhesachanku yachayta, yachachiytawan.

Isaías 1:5

Qankunaqa, contraypi sayaykukuytapuni munankichej. Cuerpoykichejpi manaña ch'usaj kanchu maynejpichus jasut'inaypaj. Tukuy umaykichejqa nanasqa, tukuy ukhuykichejpis llauch'ipacha.

Proverbios 18:15

Allin yuyayniyojqa yachayta astawan jap'in, yachayniyojkunaj ningrenqa yachayta mask'an.

Santiago 1:22

Diospa palabrantaqa ama uyarillaychejchu, astawanqa junt'aychej; manachayqa qankuna kikiykichej ch'aukiyakunkichej.

Jeremías 5:3

Señor, qanqa cheqan runasta mask'ashanki. Jasut'erqanki, manataj nanachikorqankuchu; t'unaykorqankipis, manataj yachayta munarqankuchu. Ancha k'ullukojkunas kanku, rumismanta aswan sinch'istaj, manapuni allin ñanman kutirimuyta munarqankuchu.

Proverbios 29:1

Pichus k'amejtinku sonqonta rumiyachejqa, ujllata chinkayman renqa mana ujtawan kutirimuyniyojta, jinamanta paypajqa manaña jampi kanqachu.

Proverbios 17:16

Imapajtaj wampoqa qolqe oqharisqa yachayta rantej jamunrí, mana yuyaynin kashajtinri?

Proverbios 15:21

Mana yuyayniyojqa, wampu kayninwan kusikun; yuyayniyoj kajrí, imatachus ruwasqasninta reparakun.

Proverbios 15:14

Sumaj yuyayniyoj umaqa yachayta mask'an, wampusrí qhasi yuyaykunallawan sajsakunku.

Salmos 50:17

K'amisqayta qanqa mana jap'ikunkichu, nitaj parlasqaymantapis dakunkichu.

Deuteronomio 21:20

Nichunkutaj: Wawaykoqa ancha k'ullu uma, mana kasuwaykuchu, nitaj nisqaykutapis uyarikunchu, ancha viciosman, machaykunamampis qosqa, nispa.

Deuteronomio 21:18

Sichus mayqempata wawan mana uyarikunmanchu, nitaj kasukunmanchu tatan maman jasut'ejtinkupis chayqa, tatasnin payta pusachunku llajtapi kaj kurajkunajpaman.

Hebreos 12:15

Allinta qhawakuychej, pajtá pipis Diospa yanapayninmanta karunchakunman; pajtá ima jaya saphipis p'utumuspa onqochisunkichejman, chaynejtataj ashkhas onqoyta chimpachikunkuman.

Proverbios 13:18

Pichus allin yuyaychasqata qhesachajpajqa wajchayaylla, p'enqaytaj kanqa; pichus yuyaychasqasta jap'ikojrí allimpaj qhawasqa kanqa.

Proverbios 15:5

Wampu runaqa tatampa reparachisqanta mana jap'ikunchu; pichus kay imasta jap'ejrí, yachayniyoj kasqanta rikuchin.

Proverbios 15:31

Pichus allin k'amiykunata jap'ikojqa. yachayniyojkunawan khuska kanqa.

Proverbios 15:33

Señorta manchachikoyqa yachaypi wiñachin; allimpi qhawasqa kanapajqa, ñaupajta llamp'u sonqo kaytaraj yachana.

Eclesiastés 7:5

Aswan allinmin yachayniyoj runaj k'amisqanta uyareyqa, wampu runaspa alabasqasninkuta uyarinamanta nisqaqa.

Isaías 3:9

Paykunaj uyallankutaj willashan imaynachus kasqankuta. Sodoma runas jina, mana pakarispa juchasninkutaqa tukuyman willanku. Imachus paykunamantaqa kanqapis, paykunallataj jasut'ita wakichikunku.

Proverbios 10:17

K'amisqata kasukoj runaqa kausay ñanta purin; k'amisqata mana kasukojrí, chinkay ñanta rin.

Proverbios 19:20

Yuyaychasqataqa uyariy, k'amisqatapis jap'ikuy; ajinamanta chayanki sumaj yachayniyoj kayman.