Proverbios 15:27 - Qheshwa Biblia DC

²⁷ Kapushajtin waj imastapis astawan munapayajqa wasillantataj urmachin; pichus lluk'iykuchikuyta qhesachajrí, kausanqa.

DIOSPA QHELQACHISQAN DEUTEROCANONICAL

²⁷ Pichus mana allinta ruwaspa qhapajyayta munajqa ayllunta mana allintachu ruwan. Pichus lluk'ichikuyta qhesachajrí unayta kawsanqa.

DIOSPA QHELQACHISQ

²⁷ Pichus mana allinta ruwaspa qhapajyayta munajqa ayllunta mana allintachu ruwan. Pichus lluk'ichikuyta qhesachajrí unayta kawsanqa.

Proverbios 15:27 Referans Kwoze

Proverbios 1:19

Chaymin wajpa imasninta munapayajkunaj tukukuyninkoqa, imatachus munasqallankuwantaj wañuchisqas kanqanku.

Éxodo 23:8

Ama imatapis lluk'ichikunkichu, imaraykuchus lluk'eyqa runasta ciegoyachin, jinamanta mana juchayojtaqa juchajoyta rikhurichinku.

Jeremías 17:11

Pichus mana llank'aspalla qhapajyakojqa, rijch'akun chay mana paypa runtusnillanta ojllakapoj pampa yuthusman. Chay qhapaj kaynintaqa wayna kaynillampitaj saqenan kanqa, qhepamantaj uj wampu kasqallan yachakonqa.

Proverbios 11:29

Pichus wasinta mana allinta qhawajpataqa, ch'usajpacha qhepakun; wampu runarí yachayniyojpa wata runallampuni kanqa.

Deuteronomio 16:19

Ama justiciataqa cheqan kajmanta karunchachinkichejchu, amataj wakillanman kutikunkichejchu. Ama qolqetapis lluk'ichikunkichejchu. Chay lluk'iykunaqa aswan yachayniyoj runastapis pantaykuchin, cheqan runaspa nisqasnintapis waj jinaman tukuchin.

Éxodo 18:21

Chantapis qan ajllay israelitas ukhumanta allin yuyayniyoj qharista, Diosta manchachikojkunata, imastapis cheqanta ruwajkunata, qolqellamanta mana wañojkunata. Paykunata churaray sapa t'aqapi kurajkunas kanankupaj; paykunataj kamachichunku wakenqa waranqa runasta, wakintaj pachaj runasta, wakintaj phishqa chunka runasta, wakintataj chunka runasta kamachinankupaj.

Proverbios 29:4

Cheqanta ruwaj reyqa ayllunta sumajta sayachin; impuestosllata mañaj runaqa mana allinman tukuchin.

Proverbios 28:16

Mana yuyayniyoj wampu kamachejqa astawan yapakonqa mana allin kayta; qolqeta mana munapayajqa unayta kausanqa.

Proverbios 20:21

Qallariypi may apurayllata kapuykunata tarisqaqa, qhepamanqa mana bendicisqachu kanqa.

Proverbios 11:19

Cheqan kajpa qhepanta pureyqa, kausayman pusan; juchaj qhepanta puriyrí wañuyman pusan.

2 Reyes 5:27

Chayraykutaj kunanqa Naamampa lepra onqoynin qanman chimpaykusonqa, mirayniykimampis wiñaypaj. Chantataj Eliseoj ñaupaqenmanta llojserqa lepra onqoyniyoj, rit'i jina yurajlla.

Josué 6:18

Qankunaqa llajtapi imaschus kashan chaykunata, ama pakankichejchu, ni llujchirillankichejpischu, chay tukuy imasqa chinkachisqas kananku tiyan, Señorman rikuchiku jina jaywasqa, manachus jinata ruwankichej chayqa, Israel jaraman maldicionta apamunkichej, mana allin kaylla pejtu kanqa.

Deuteronomio 7:26

Qankunaqa amapuni wasiykichejman apakapunkichejchu ima millay kajllatapis, ama chinkachisqas kanaykichejpaj. Chay tukuy imasninkoqa chinkachinapaj nisqaña. Chayrayku chaykunasta chejninaykichej tiyan.

1 Timoteo 6:9

Qhapajyayta munajkunaqa, sajra munaywan atipachikuspa, tojllapi jina urmanku, tukuy qhasi munapayaykunaman. Chaykunaqa runasta wañuyman apanku, chinkaymantaj.

1 Timoteo 6:10

Tukuy sajra kajpa saphenqa qolqeta munakuy. Chayta munapayaspa wakenqa Diosmanta t'aqakorqanku, ashkha imaymana llakiykunapitaj rikukorqanku.

1 Samuel 12:3

Kunanqa kaypi qankunawan kashani: Sichus pejpa bueyesninta, chayri burrontapis jap'ikaporqani, chayri pitapis tumparqani, chayri llakicherqani, chayri piwampis lluk'iykuchikuspa t'inkata jap'erqani chayqa, kunampacha Señorpa ñaupaqempi juchachawachun, ajllasqan chay reypa ñaupaqempipis niwaychej, noqataj mashkhachus qonay kasqanta qopusqaykichej.

Proverbios 15:26

Señorqa sajra runaspa imatachus ruwasqankuta millachikun; llimphu runaspa parlasqasninkuwan kusikun.

Proverbios 23:4

Amam anchata kallpakuychu qhapajyanaykimanta, chayllamanta llakikunaykita saqey.

Proverbios 28:25

Pichus anchata imatapis munapayajqa maqanakusta oqharichin, pichus Señorpi atienekojrí tukuy imapi ñaupajman renqa.

1 Reyes 2:40

Chanta Simeeqa burronta karunaykuspa, Aquispaman Gatman chayarqa kamachisninta mask'aspa. Ajinamanta Simeeqa Gatmanta kamachisninta pusarikamorqa.

Salmos 15:5

Pichus qolqenta manun mana interesniyojta. Pichus mana rantichikunchu pillawampis, llimphu sonqoyoj contrampi. Jinata ruwaj runaqa ni jayk'aj urmanqachu.