Proverbios 14:28 - Qheshwa Biblia DC

²⁸ Ashkha runasta kamachejtin reyqa allimpaj qhawasqa; pisi runasllata kamachejtinrí mana allimpaj qhawasqachu.

DIOSPA QHELQACHISQAN DEUTEROCANONICAL

²⁸ Ashkha runata kuraj kamachejqa manchay uyarisqa kanqa. Pisi runata kamachejrí pisipaj qhawasqa kanqa.

DIOSPA QHELQACHISQ

²⁸ Ashkha runata kuraj kamachejqa manchay uyarisqa kanqa. Pisi runata kamachejrí pisipaj qhawasqa kanqa.

Proverbios 14:28 Referans Kwoze

2 Reyes 13:7

Joacazpata manaña ashkhachu runas karqa, imaraykuchus Siriamanta rey Hazael tukuyninkutapuni wañuykucherqa, pampapitaj jallp'ata jina saruykorqa. Paypataqa tiyaporqaraj phishqa chunka soldados caballospi rejkuna, chunka carretas, chunka waranqa soldadospiwan.

Éxodo 1:22

Chaymanta faraonqa tukuy llajtata wajyachispa nerqa: Kunanqa tukuy qhari wawas nacejkunata mayuman wijch'umuychej, warmi wawastataj saqellaychej kausajta.

1 Reyes 20:27

Israelitaspis soldadosninkuta waturillarqankutaj, chanta wakichikusqankuta oqharikuspataj rerqanku sirioswan maqanakoj. Israelitasqa paykunaj ñaupaqenkupi jarakorqanku iskay cabra tropas jinalla, siriostaj tukuynin pampata junt'aykorqanku.

Éxodo 1:12

Jinata astawan jasut'ispa llank'achishajtinkupis, israelitasqa astawan miraykuspa ashkhayarqanku. Chayrayku egipciosqa astawan manchachikorqanku israelitasmanta.

2 Samuel 19:7

Kunan llojsiriy ari, sonqochamuytaj chay kamachisniykita, manachayqa Señorpa sutimpi jurayki, mana uj runallapis qanman kutikojkunamantaqa kunan ch'isi qanwan qhepanqachu. Kaytaj aswan jatun llakiy kanman qampaj, tukuy llakiykunas jamususqankumanta wayna kasqaykimantapacha kunankama nisqaqa.

Proverbios 14:27

Señorta jatunchayqa kausaypa juturin, wañuypa tojllanmanta orqhon.

Proverbios 14:29

Pichus mana usqhayta phiñakojqa yachayniyoj. Pichus usqhayta phiñakojqa ancha wampu.

2 Samuel 24:3

Joabtaj reyman kuticherqa: Qan reyniypa Señor Diosnenqa, uj pachaj jinatawan aylluta mirachichun kunan kasqanmanta nisqaqa, qan reyniytaj kausanki chayta rikunaykipaj. Niway, imapajtaj qan reyneyqa yupachiyta munankiri?

Jeremías 13:20

Ñawisniykichejta oqhariychej, qhawariychejtaj imaynatachus wichaynejmanta jamushasqanta. Maypitaj kashan jap'ichikorqayki chay t'aqari, umaykita oqharichishasorqa chayri?