Proverbios 14:18 - Qheshwa Biblia DC

¹⁸ Mana yuyayniyojkunaj chayaqenqa wampu kaymin; yuyayniyojkunaqa yachaywan pillusqas kanku.

DIOSPA QHELQACHISQAN DEUTEROCANONICAL

¹⁸ Mana yuyayniyoj runakunaj t'inkankoqa wampu kaymin. Yuyayniyojkunarí yachayta jap'enqanku imatachus ruwanankuta yachanankupaj.

DIOSPA QHELQACHISQ

¹⁸ Mana yuyayniyoj runakunaj t'inkankoqa wampu kaymin. Yuyayniyojkunarí yachayta jap'enqanku imatachus ruwanankuta yachanankupaj.

Proverbios 14:18 Referans Kwoze

1 Pedro 1:18

Qankuna yachankichej Dios kacharichisusqanta chay qhasi mana kaj kausayniykichejmanta, mayqentachus tatasniykichejmanta jap'erqankichej; mana tukukoj imaswanchu rantispa, mana qoriwan jinachu, nitaj qolqewan jinachu, astawanqa, Cristoj qhapaj yawarninwan. Payqa mana ch'ichiyoj, mana onqoyniyoj cordero jinataj wañuchisqa karqa.

1 Pedro 5:4

Jatun michej rikhurimojtintaj, mana ismoj, lliphipej pilluta jap'inkichej.

2 Timoteo 4:8

Chayrayku, noqapaj kaj pilloqa waqaychasqaña kashan. Chaytataj qowanqa Señor, cheqan kaj juez, jaqay p'unchaypi. Manataj noqallamanchu qowanqa, astawanqa jamunan p'unchayta munakuywan tukuy suyajkunamampis.

Daniel (hebreo) 12:3

Yachayniyoj runasqa, janaj pacha jina lliphipiranqanku. Ashkha runasman cheqa kajta yachachejkunataj, wiñaypaj lliphirenqanku estrellas jina!

Jeremías 44:17

Manachayqa ruwallasqaykupuni imatachus ruwanaykuta nerqayku chaykunata. Jaywallasqaykupuni inciensosta, vinotapis ch'allasqayku Cielomanta Reina nisqa diosaman, imaynatachus kunankama reyesniyku, noqayku, ñaupa tatasniyku ruwarqanku ajinata, Judá llajtaspi, jinallataj Jerusalén callespipis; ñaupajtaqa ashkha mikhunasniyku tiyapuwarqayku atipachikunaykupaj jina, tukuy imapi allin riwarqayku, manataj ima ñak'ariypis jamuwarqaykuchu.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

Proverbios 3:35

Allimpaj qhawasqa kaymin yachayniyojkunaj t'inkankoqa, wampuspa t'inkankutaj mana allimpaj qhawasqa kay.

Proverbios 14:17

Rato phiñakuyniyojqa imatapis ruwallan mana unanchaspa. pichus unanchajqa mana imamampis yaykullanchu.

Proverbios 14:19

Sajra runasqa allin runasman k'umuykonqanku; sajra runasqa cheqan runaspa wasin punkuman mañakoj renqanku.