Proverbios 14:14 - Qheshwa Biblia DC

¹⁴ Wampu runaqa imaynatachus purisqanwan amisqa kashan; allin runarí ruwasqasninmanta kusikonqa.

DIOSPA QHELQACHISQAN DEUTEROCANONICAL

¹⁴ Wampu runaqa mana allinta purisqanwan kusikun. Allinta ruwaj runarí sumaj ruwasqanwan kusikun.

DIOSPA QHELQACHISQ

¹⁴ Wampu runaqa mana allinta purisqanwan kusikun. Allinta ruwaj runarí sumaj ruwasqanwan kusikun.

Proverbios 14:14 Referans Kwoze

Gálatas 6:8

Aychapaj tarpojqa, aychamanta wañuyta jap'enqa. Pichus Espiritupaj tarpojtaj, Espiritumanta wiñay kausayta jap'enqa.

Proverbios 12:14

Sapa uj jap'inku parlasqankuman jina; ruwasqankuman jinataj t'inkataqa jap'enqanku.

Hebreos 3:12

Hermanos, ama qankunamanta pipis mana creej, sajra sonqoyoj kachunchu, kausaj Diosmanta ama t'aqasqa kanampaj.

Jeremías 8:5

Chantaqa qan Israel, imaraykutaj wasanchawarqankiri? Jerusalén, imaraykutaj qan wiñaypaj qhesachawarqankiri? Imaraykutaj astawan rumi sonqoman tukushankiri, manataj kutirimpuyta munankichuri?

Gálatas 6:4

Ajinaqa sapa uj pay kikimpa ruwasqanta qhawakuchun; chantá paypa kallpanwan kusikuchun, amataj wajpa ruwasqanwanqa.

San Juan 4:14

Noqaj qosqay yakuta ujyajqa, manaña jayk'ajpis ch'akichikonqa chu. Noqaj qosqay yakoqa paypi mana ch'akej pujyu jina kanqa; chay yakutaj wiñay kausaypaj phullchenqa.

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Sofonías 1:6

T'unaykullasajtaj noqamanta karunchakojkunata, sutiytataj mana mask'ajkunata, nitaj jamuriwaspa tapurikuwankuchu chaykunata.

Jeremías 17:5

Señorqa nin: Ñak'achun pichus runasllapi atienekojqa; runaj yanapayninta mask'ajqa, sonqompitaj Diosmanta karunchakojqa.

Proverbios 14:10

Sonqoqa llakiykunasninta rejsin, manataj pi mana rejsisqanwampis kusikunchu.

2 Corintios 1:12

Noqaykoj kusikuyniykoqa kay jina kashan: Sonqoyku niwayku allinta, llamp'u sonqos, maychus kajta purisqaykuta. Manataj runaj yachayninman jinachu, astawanqa Diospa khuyakuyninman jina allinta kausakorqayku kay pacha runaswan, astawanqa qankunawan.

Oseas 4:16

Israelqa mana kasukunchu uj chukara waka jina, ajinatarí Señorqa michinmanchu sumaj qhallaj pastosnimpi corderosninta jina?

Ezequiel 22:31

Chayrayku paykunaj patankuman jasut'iyta urmachimorqani. Nina k'ajaj phiñakuyniywantaj paykunata tukucherqani, paykuna sajra kausaypi purisqasninkuman jina. Noqa Señormin chayta nini.

Salmos 109:17

Maldicionta mask'an chayqa, maldicisqa kachun. Bendicionta mana munarqachu chayqa, ama jap'ichunchu.

Proverbios 9:12

Sichus yachayniyoj kanki chayqa, tukuy ima ruwasqayki qanllapajtaj kanqa. Sichus machu machu kanki chayri, qanllataj juchayojqa kanki.

Proverbios 12:21

Cheqan runamanqa ni ima sajrapis chayanqachu, sajra runarí tukuy ima sajra kajllata jap'enqa.

Proverbios 14:15

Uj wampu runaqa tukuy nisqankuta jap'ikullan; yuyayniyoj runarí allintaraj qhawakun maynintachus rinanta.

Proverbios 18:20

Imatachus simimpa parlasqanwan runaj wijsanqa junt'anqa; imatachus simin parlan chaywan sajsakonqa.