Proverbios 14:10 - Qheshwa Biblia DC

¹⁰ Sonqoqa llakiykunasninta rejsin, manataj pi mana rejsisqanwampis kusikunchu.

DIOSPA QHELQACHISQAN DEUTEROCANONICAL

¹⁰ Runaj sonqollan imachus llakichisqanta yachakun. Manataj pipis paywan khuska kusiysikunchu.

DIOSPA QHELQACHISQ

¹⁰ Runaj sonqollan imachus llakichisqanta yachakun. Manataj pipis paywan khuska kusiysikunchu.

Proverbios 14:10 Referans Kwoze

Filipenses 4:7

Diospa sonqo tiyakuynintaj, tukuy runaspa yuyayninta atipan, waqaychanqataj sonqoykichejta, yuyayniykichejta ima Cristo Jesuspi.

Proverbios 18:14

Uj onqojtaqa wapuchakuynin yanapan; onqosqa kashaspa mana wapuchakojtarí, pitaj yanapanqari?

Proverbios 15:13

Sonqompi kusiy kajtin, uyaqa kusisqa; sonqo llakisqa kajtinrí, uyapis llakisqallataj.

Job 10:1

Sonqoyqa kay kausayniymanta sayk'usqaña kashan, tukuy llakiyniyta willakusajpuni, atisqayta parlasaj llakiy kausayniymanta.

Apocalipsis 2:17

Ningriyoj kajqa uyarichun imatachus Espíritu iglesiasman nisqanta. Atipajmanqa pakasqa mana nisqata mikhuchisaj, juch'uy yuraj rumitataj qosaj. Chay juch'uy rumipitaj uj mosoj suti escribisqa. Chaytaqa mana pipis rejsinchu, astawanqa pichus chayta jap'ejlla rejsin.

1 Pedro 1:8

Jesucristotaqa munakunkichej mana rikuspalla; kunanqa mana rikuspalla paypi creenkichej, kusikunkichejtaj mana niy atina kusiywan, janaj pacha jatun k'anchaywan ima.

San Juan 14:18

Mana sapaykichejtachu saqesqaykichej; qankunaman jamusajpuni.

Job 7:11

Chayrayku simiytaqa khicharinaypuni tiyan, kay ñak'ariyniypi parlarinaypuni tiyan, kay jina llakiyniypi atisqayta parlarisajpuni.

1 Samuel 1:10

Anataj waqaspa, sonqon ukhupi may llakisqataj Señormanta mañakoj churakorqa.

San Juan 12:27

Kunanqa almay ancha phutisqa kashan; ima nisajtajri? Tatáy kunan imachus kananmanta salvaway! Astawanqa, kaypajpuni jamorqani.

Ezequiel 3:14

Diospa atiynin jap'iwaspa jaqaymanta orqhowarqa, noqataj may llakisqa waqaspataj riporqani. Chaywampis Señorqa sinch'ita makinwan jap'iwarqa.

Salmos 25:14

Señorqa payta manchachikojkunawan khuska kausakun, tratontataj rejsichenqa.

Job 9:18

Astawan sinch'ita llakichiwan, mana samarikojllatapis saqewanmanchu.

2 Reyes 4:27

Warmitaj maypichus Diospa runan kasharqa chayman chayaytawan, paypa chakisninmanta jap'iykukorqa. Giezitaj kacharichiyta munaspa chimparqa. Diospa runantaj nerqa: Saqellay imaraykuchus paypa alman ancha phutiypi tarikun, Señortaj manaraj sut'inchawanchu, imamantachus llakisqa kasqanta.

San Juan 14:23

Jesús payman kutichispa nerqa: Noqata munakuwajqa, palabrayta waqaychanqa; Tataytaj payta munakonqa, payman jamusqayku, paywantaj tiyakusqayku.

Génesis 42:21

Chanta paykuna ukhu ninakusharqanku: Cheqamanta noqanchejqa wauqenchejta mana allintachu ruwarqanchej, juchallikorqanchej. Mayta waqashajtin mana payta khuyakorqanchejchu, may jinata waqashajta rikushaspa. Chayrayku kunanqa noqanchejmanñataj kay llakiy chayamuwanchej.

Job 21:25

Wakinri may llakiypi kausanku, wañupunkutaj mana ujllatapis misk'ejta mikhuykuspa.

1 Samuel 1:15

Mana jinachu, wiraqochíy, nispa Anaqa kuticherqa: Mana ujyarqanichu ima vinotapis, nitaj poqosqa ujyanastapis, manachayqa sinch'i llakisqa kashani; chay llakiyniytataj Señorpa ñaupaqempi waqashani sonqoy tiyaykunampaj.