Proverbios 13:18 - Qheshwa Biblia DC

¹⁸ Pichus allin yuyaychasqata qhesachajpajqa wajchayaylla, p'enqaytaj kanqa; pichus yuyaychasqasta jap'ikojrí allimpaj qhawasqa kanqa.

DIOSPA QHELQACHISQAN DEUTEROCANONICAL

¹⁸ Pichus yuyaychasqata pisipaj qhawajpajqa wajchayaylla, p'enqaytaj kanqa. Pichus k'amisqata jap'ikojrí jatunchasqa kanqa.

DIOSPA QHELQACHISQ

¹⁸ Pichus yuyaychasqata pisipaj qhawajpajqa wajchayaylla, p'enqaytaj kanqa. Pichus k'amisqata jap'ikojrí jatunchasqa kanqa.

Proverbios 13:18 Referans Kwoze

Proverbios 15:5

Wampu runaqa tatampa reparachisqanta mana jap'ikunchu; pichus kay imasta jap'ejrí, yachayniyoj kasqanta rikuchin.

Proverbios 12:1

K'amisqata munakoyqa yachayta munakuymin; k'amisqata chejniyrí mana ima yachayniyoj wampu kaymin.

Proverbios 25:12

Qori sorteja jina, sumaj qorimanta walqa jinataj, yachaywan k'amisqata pichus jap'ikojpajqa.

Proverbios 13:13

Pichus kamachisqasta mana kasojqa waqanqa; pichus kamachisqasta kasojrí, t'inkachisqa kanqa.

Proverbios 19:6

K'acha runa kajtaqa tukuy runas mask'anku, tukuy runas kausaqen kayta munanku khuyakoj kasqanrayku.

Proverbios 9:9

Yachayniyojman yachachiy, aswan yachayniyojtaj kanqa; allin runaman yachachisqaqa astawan yachachiyta yapanqa.

Hebreos 12:25

Qhawakuychej, ama qhesachaspa parlamojta, imaraykuchus jaqaykunaqa kay pachapi parlajta qhesacharqanku, chayraykutaj jasut'imanta mana ayqerqankuchu. Noqanchejtaj janaj pachamanta parlamojta qhesachasun chayqa, manallataj ayqesunchu.

Salmos 141:5

Cheqan runaj jasut'iwasqanqa allimpaj kanqa, k'amiwasqanqa k'acha q'apaj jampi jina kanqa. Chaykunata mana noqaqa qhesachanichu. Jasut'iwajtinkupis chay runaspajqa Diosmanta mañapullasajpuni.

Proverbios 13:19

Ima munasqapis junt'akojtenqa may kusiy. Wampu runasqa sajra ruwaymanta t'aqakuyta chejninku.

Proverbios 13:25

Cheqan runaqa sajsakunankama mikhun, juchasaparí yarqhasqallapuni kashan.

Eclesiastés 7:5

Aswan allinmin yachayniyoj runaj k'amisqanta uyareyqa, wampu runaspa alabasqasninkuta uyarinamanta nisqaqa.

Jeremías 3:25

May p'enqasqas k'umuykukunachej ari, manaña allimpajchu qhawasqas kanchej, imaraykuchus wawasmantapacha kunankama, noqanchej ñaupa tatasninchejpis juchallerqanchej Señor Diosninchejpa contrampi, manataj payta kasorqanchejchu.