Proverbios 10:6 - Qheshwa Biblia DC

⁶ Cheqan runaj patanmanqa bendiciones urmamun, sajra runatari chejnikuylla jeq'eqachin.

DIOSPA QHELQACHISQAN DEUTEROCANONICAL

⁶ Allinta ruwaj runapaj saminchaykuna kanqa, millayta ruwaj runatarí chhoqonakuylla atipan.

DIOSPA QHELQACHISQ

⁶ Allinta ruwaj runapaj saminchaykuna kanqa, millayta ruwaj runatarí chhoqonakuylla atipan.

Proverbios 10:6 Referans Kwoze

Deuteronomio 28:2

Sichus qankuna Señor Diosniykichejpa nisqasninta uyarinkichej chayqa, tukuy kay bendiciones jamusonqachej qankunaman.

Proverbios 28:20

Cheqan kaj runaqa allin imasta jap'enqa; sinch'ita qhapajyayta munajqa, jasut'isqa kanqa.

Proverbios 24:25

Pikunachus juchayojta jasut'inku chaykunamanqa allimpuni rin, runasqa chayrayku paykunata alabanku.

Proverbios 10:11

Cheqan runaspa parlasqanqa kusiy kausay, sajra runaspa parlasqanrí chejninakuywan jeq'eqaylla.

Job 29:13

Pichus chinkapunampaj jinaña kasharqa chay runa agradecekuwarqa, viudasqa paykunata yanapajtiy mayta kusikorqanku.

Romanos 3:19

Yachanchej, leypa tukuy nisqanta, leypi kajkunapaj churasqa kasqanta; tukuy runa ch'inyanampaj, mundontintaj Diospa ñaupaqempi juchachasqa rikhurinampaj.

Proverbios 11:26

Pichus tukuyninta trigota jap'ikapojtaqa runa maldicin, pichus vendejtarí bendicin.

Salmos 107:42

Chayta cheqan runas rikunku, kusikunkutaj, tukuy runastaj siminkuta wisq'anku.

Ester (hebreo) 7:8

Chanta reyqa huertamanta kutimorqa, maynejpichus mikhorqanku chayman. Amantaj maypichus Ester kasharqa chay camanman wijch'uykukusqa ama wañuchinanta mañakuspa. Reytaj chayta rikuspa nerqa: Kikin wasiypichu reinata alqochayta munanki? Chayta rey nejtinkamataj reypa runasnin Amampa uyanta qhataykorqanku. Chaypi kashaj reypa ujnin kaj kamachin Harbonataj reyman nerqa: Amampa wasimpi runa sipina ruwasqa kashan iskay chunka iskayniyoj metros jina patanejman. Chayta ruwacherqa kikin Amán, qanmanta allinta parlaj Mardoqueota chaypi sipichinampaj. Reytaj chayta uyarispa nerqa: Chayman Amanta warkhumuychej, nispa.

Proverbios 10:5

Cosecha tiempopi cosechajqa yachayniyoj, cosecha tiempopi puñoyqa p'enqay.

Abdías 1:10

Qhepakunki q'ala p'enqaywan junt'asqa wiñaypajtaj t'una ruwasqa kanki Jacob hermanoykita sajrawan rikusqaykirayku wañuchisqaykiraykutaj.

Proverbios 3:33

Señorpa maldicionnenqa juchasapaj wasimpi kashan, cheqan runaj wasintataj bendicin.

Isaías 3:10

Cheqan purej runata niychej allin rinanta, imaraykuchus makimpa llank'asqanta mikhonqa.