Proverbios 10:25 - Qheshwa Biblia DC

²⁵ Imaynatachus muyoj wayra chinkarin, ajinata sajra runaqa chinkarin; cheqan runarí kikimpipuni wiñaypaj sayan.

DIOSPA QHELQACHISQAN DEUTEROCANONICAL

²⁵ Millayta ruwaj runaqa muyoj wayra jina chinkarin, cheqan runarí wiñaypaj sayallanqapuni.

DIOSPA QHELQACHISQ

²⁵ Millayta ruwaj runaqa muyoj wayra jina chinkarin, cheqan runarí wiñaypaj sayallanqapuni.

Proverbios 10:25 Referans Kwoze

Salmos 15:5

Pichus qolqenta manun mana interesniyojta. Pichus mana rantichikunchu pillawampis, llimphu sonqoyoj contrampi. Jinata ruwaj runaqa ni jayk'aj urmanqachu.

Salmos 58:9

Manaraj reparakushajtinku khishkas jina ruphaykuchunku. Q'omer qhora jinataj t'irasqas kachunku.

Proverbios 12:3

Sajra ruwayqa mana pitapis allinta sayachinchu; cheqan runasrí unaypaj sumaj saphinchasqas kanku.

2 Timoteo 2:19

Diospa cimiento churasqanqa sumajta sayan, kay jina selloyoj: Señorqa paypata kajkunata rejsin. Juchamanta t'aqakuchun pichus Señorpa sutinta oqharejqa.

1 Timoteo 6:19

Ajinapi paykuna kikinkupaj kapuykunata tantachunku jamoj p'unchaykunapaj, wiñay kausaymanta mana kacharikuspa.

Efesios 2:20

Qankuna apostolespa, profetaspa wakichisqanku patapi sayachisqas kankichej; chay kuraj kaj rumitaj kikin Jesucristo.

San Mateo 16:18

Noqarí niyki, qan Pedro kasqaykita. Kay chhanka patapitaj iglesiayta sayarichisaj. Infiernoj atiynimpis mana iglesiataqa atipanqachu.

Isaías 40:24

Paykunaqa chaypachallaraj plantasqa sach'aman rijch'akunku, manaraj allinta saphinchakojman. Paykunaman sinch'ita Dios wayrachimojtenqa ch'akipunkupacha, muyu wayrapis jamuytawan q'opata jina apakapun.

Proverbios 12:7

Juchasapastaqa Dios urmachenqa amaña astawan kanankupaj; cheqan runaspa wasinrí sayallanqapuni mana imanasqa.

Proverbios 1:27

mayk'ajchus manchachikuykuna, manchay waqay, llakiykuna ima jamusojtiykichej, mayk'ajchus sonqo nanayta phutichisojtiykichej, muyoj wayra t'ustiykun ajinata.

Job 21:18

Mayk'ajtaj paykuna paja jina t'aqasqas kasqankuri, muyoj wayra jamuytawan apan jinari?

Proverbios 10:30

Cheqan runaqa ni jayk'aj kuyuchisqachu kanqa. Sajra runarí ni jayk'aj jallp'api tiyanqachu.

Job 17:9

Paykunaqa nillankupuni cheqan kasqankuta, llimphu makiyoj kasqankutawan.

Job 20:8

Mosqoy jina chinkaponqa, tuta mosqoypi rikuspa jinalla chinkanqa, nitaj pipis tariyta atenqachu.

Salmos 58:10

Diosta yuyajkuna kusikonqanku sajra runata jasut'isqata rikuspa. Chakisnintataj yawarninkupi ch'aranchakonqa.

Salmos 125:1

Señorpi atienekojkunaqa, Sión orqo jina sumaj sayasqa kanku, mana kuyuchiy atina.