Oseas 9:9 - Qheshwa Biblia DC

⁹ Q'ala millay kausayman qonkaporqankichej chay Gabaaj tiemposnimpi jina. Chaywampis Señor yuyarikonqa tukuy juchasinkumanta jasut'enqataj chay juchasninkumanta.

DIOSPA QHELQACHISQAN DEUTEROCANONICAL

⁹ Imaynatachus ñawpa israelitakuna Gabaa llajtapi ruwasqanku, jinallatataj qankunapis millayta juchallinkichej. Chaywanpis Diosqa millay ruwasqaykichejta mana qonqanqachu, manachayqa juchallikusqaykichejmanta jasut'isonqachej.

DIOSPA QHELQACHISQ

⁹ Imaynatachus ñawpa israelitakuna Gabaa llajtapi ruwasqanku, jinallatataj qankunapis millayta juchallinkichej. Chaywanpis Diosqa millay ruwasqaykichejta mana qonqanqachu, manachayqa juchallikusqaykichejmanta jasut'isonqachej.

Oseas 9:9 Referans Kwoze

Oseas 10:9

Señor nin: Israelqa mana saqenchu juchalliyta, maypachachus Gabaapi juchallerqa chaymantapacha. Juchallampipuni kashan! Chayraykumari guerrapis Gabaapi chay sajra runasman chayanqa.

Jueces 19:16

Jinapis ña allin tutañaqa uj machu runa campopi llank'asqanmanta kutimpusharqa chaynintataj pasarqa. Chay machu runaqa Efraimpa orqosninmanta karqa, chaypitaj tiyakorqa waj llajtayoj runa jinalla, chaywampis Gabaapi tiyakojkunaqa tukuyninku karqanku Benjamimpa ayllunmanta.

Oseas 8:13

Paykunapajqa may sumaj kasqa chay ñak'ariy rikuchikusqa, chay rikuchikustataj jaywanku, chay rikuchikusmanta jaywasqankumanta aychastataj mikhunku; jinapis noqa Señor chaykunawanqa mana kusisqachu kani; noqa yuyarikusaj chay millay ruwasqasninkumanta jasut'isajtaj chay juchasninkumanta, Egiptoman paykunata kutirichispa.

Isaías 31:6

Israelpa wawasnin, Diosman kutiriychej ari, pejpa contrantachus millay imasta ruwarqankichej, chayman.

Isaías 24:5

Jallp'aqa chaypi tiyakojkunanejta ch'ichichasqa; imaraykuchus leyesta p'akinku, kamachisqasta mana kasunkuchu, wiñaypaj ruwasqa tratota p'akinku.

Jueces 19:12

Levitataj kuticherqa: Mana Israelmanta kaj llajtamanqa mana chimpaykusunchu. Rinanchej tiyan Gabaakama.

Jueces 20:43

Benjaminmanta kajkunaqa israelitaswan muyuykusqas rikhurerqanku, paykunataj qhatiykuspa Menuhamantapacha Gabaaj inti llojsimuynejkama t'ustita ruwaykorqanku.

Jeremías 14:10

Señorqa kayta Israel ayllunmanta parlaspa nerqa: Ujnejmanta ujnejman puriyta kay aylloyqa maytapuni misk'ichikun. Chayrayku, qhawajteyqa mana allimpajchu rijch'awan. Kunan juchasninkumanta yuyarikuspa, paykunamanta cuentata mañasaj.

Oseas 4:9

Tukuy aylluta jinataj sacerdotestapis chay ruwasqankuman jina jasut'isaj.

Oseas 5:8

Gabaapi tocaychej maqanakuyman wajyana putututa! Ramapitaj tocaychej trompetata! Bet-avempitaj mancharichiychej! Benjaminmanta kajkunata kharkatichiychej!

Oseas 7:2

Mana yachankuchu noqa qhawashasqayta chay tukuy sajra ruwasqasninkuta. Kunanqa chay kikin ruwasqasninku paykunaman muyuykun, chay tukuytaj rikuynimpi kashanku.

Oseas 9:8

Dios churarqa profetanta Efrainta qhawanampaj, qankunatajrí chay purinanman tojllasta mast'arqankichej: Diospa yupaychana wasimpipis chejninkichej.

Sofonías 3:7

Yuyarqani ajinamanta Jerusalén llajta manchachikunawanta. K'amisqaytataj jap'ikunanta, chay jinamanta noqa jasut'ejtiy ama aylluntin wañunampaj. Aswampis paykunaqa usqhaychakorqanku tukuy laya sajra ruwanasman.

Éxodo 32:7

Señortaj Moisesman nerqa: Kunanqa riy, uraykuy, imaraykuchus Egiptomanta orqhomusqayki runasqa millayta juchallikunku.

Jueces 19:22

Sinch'i kusiypi karishajtinkutaj, chay llajtamanta aswan sajra runas kajkuna wasita muyuykorqanku, punkutataj takayta qallarerqanku, nerqankutaj chay wasiyoj machu runata: Chay chayaqamoj runata orqhomuy! Paywan puñuyta munayku!, nispa.

Ezequiel 21:28

Runa, imaschus sutiypi jamunankumanta willaray; chay amonitasman niy: Israelpa contranta parlanku chay amonitaspa contranta Señorqa kay jinata nin: Espadaqa jallp'amanta orqhosqaña kashan amonita runasta ruwarachinampaj, llosq'ochasqataj lliphipirinampaj t'unaykunampajtaj.