Oseas 9:1 - Qheshwa Biblia DC

¹ Ama kusikuychu Israel; ama kusikuywan phinkiriychu waj llajta jinaqa. Qanqa qhenchachakunki Diosniykita saqerpayaspa. Maypichus grano trillakun chay eraspi, qanman gustasunki chay qhenchachakusqaykimanta t'inkasta jap'ikuy.

DIOSPA QHELQACHISQAN DEUTEROCANONICAL

¹ Ama kusikuychu, Israel, nillataj kusikuywan phinkiriychu waj suyu jinaqa. Qanqa, grano trillana erapi Diosta wasanchaspa, waynaykikunawan khuchichakunki. Khuchichakusqaykimantataj pagota jap'iyta misk'irichikunki.

DIOSPA QHELQACHISQ

¹ Ama kusikuychu, Israel, nillataj kusikuywan phinkiriychu waj suyu jinaqa. Qanqa, grano trillana erapi Diosta wasanchaspa, waynaykikunawan khuchichakunki. Khuchichakusqaykimantataj pagota jap'iyta misk'irichikunki.

Oseas 9:1 Referans Kwoze

Oseas 10:5

Samariamanta runakunaqa kharkatitinku; waqanku chay Bet-avempi waka uñata chinkachisqankumanta. Chaymantamá tukuy llajta, sacerdotesnintin jik'un jik'unta waqashanku, chay alabasqa kashan chinkasqanrayku.

Oseas 4:12

Aylloyqa k'aspi lantisllata tapurakunku; chay llant'a k'aspiswantaj adivinaranku, qhenchachakuywan atipachikuspa. Aylloyqa pantay ñanninta rishan, qhenchachakuypi jinamanta t'aqakuspa Diosmanta.

Jeremías 44:17

Manachayqa ruwallasqaykupuni imatachus ruwanaykuta nerqayku chaykunata. Jaywallasqaykupuni inciensosta, vinotapis ch'allasqayku Cielomanta Reina nisqa diosaman, imaynatachus kunankama reyesniyku, noqayku, ñaupa tatasniyku ruwarqanku ajinata, Judá llajtaspi, jinallataj Jerusalén callespipis; ñaupajtaqa ashkha mikhunasniyku tiyapuwarqayku atipachikunaykupaj jina, tukuy imapi allin riwarqayku, manataj ima ñak'ariypis jamuwarqaykuchu.

Santiago 5:1

Kunanqa, qhapajkuna, waqaychej ari, qhapariychej qankunaman llakiykuna jamunanmanta.

Santiago 4:16

Chaywampis kunanqa may wapus kankichej alabakuspa. Tukuy chay alabakoyqa mana walejchu, sajramin.

Amós 6:13

Qankunaqa qhasi mana kajta kusikunkichej: Atiytaqa kallpanchejwan tarinchej, nispa.

Oseas 5:7

Señorman mana cheqantachu purerqanku, wawasninkoqa waj tatasniyojtaj rikhurerqanku, chayrayku kunanqa uj killallapi jallp'asninkupis chinkachisqas kanqanku.

Oseas 5:4

Runaspa tukuy millay ruwasqasninku mana saqenchu Diosman kutirikojta. Qhenchachakuyllawan atipasqas kaspa Señortapis mana rejsiyta atinkuchu.

Oseas 2:12

Q'alata pampachasaj uvas sach'asninta higos sach'asnintapis, chaykunamanta payqa nirej: Kaykunaqa munasqasniypa qowasqasninku kanku, nispa. Q'ala chhari chharisllamanña tukuchisaj chaypitaj monte animaleslla mikhuykonqanku.

Ezequiel 21:10

Wañurachinapaj afilasqaña kashan, llusq'ochasqataj kashan k'ancharinampaj. Kusikusunchejchu? Wawaypa tojnunta qhesacharqa mana kaj k'aspillapis kanman jinata.

Ezequiel 20:32

Qankunaqa nerqankichej: Kay jallp'api tiyakoj llajtayoj runas jina kasunchej, nispa; paykunaqa k'aspita, chantá rumita yupaychanku. Chaytaj mana jinachu kanqa.

Lamentaciones 4:21

Uzpa jallp'ampi tiyakoj Edom, mayta kusikuy ari. Qanmampis chay jaya copata ujyanaqa chayamullasonqataj. Ajinamanta qanqa machaykunki, mana p'achayojtaj kanki.

Isaías 17:11

Plantarqanki chay p'unchaypacha wiñacherqanki; q'ayantimpachataj t'ikacherqanki. Chaywampis, chay poqoynenqa llakiy p'unchaypi chinkaponqa, chay mana allin kaytaj mana jampina kanqa.

Amós 8:10

Wañusqasmanta waqayman fiestasniykichejta tukuchisaj. Takisqasniykichejtapis aya p'ampaypi waqayman tukuchisaj. Luto p'achasta churachisqaykichej. Umasniykichejta ruthuchisqaykichej, llakiypi kasqaykichej yachakunampaj. Waqankichejtaj uj runa k'ata wawan wañupojtin waqan jinata. Tukuy ima tukukonqa may llakiypi.

Salmos 73:27

Pikunachus qanmanta karunchakojkuna, wañonqanku. Qanta mana qhatisojkunatataj pampachanki.

Amós 4:5

Mana levadurayoj t'antasta ruphachiychej graciasta qona ofrendata jina, ofrenda qosqaykichejtataj tukuyman willaychej. Chaymin qankunapajqa sumaj. Ajinata nin Señorqa.

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Jeremías 2:20

Unaymantaña qanqa contraypi oqharikorqanki, mana kasuwarqankichu, nerqankitaj: Mana uyariyta munanichu, nispa. Tukuy orqo puntasnimpi, thansa sach'asnimpa llanthusnimpi ima qhenchachakorqanki.

Ezequiel 16:15

Chay jina k'acha kasqaykiman atienekorqanki, tukuy runas k'acha kasqaykita yachasqankuraykutaj uj phisu warmiman tukorqanki. Ukhuykitataj tukuy purej qharisman jaywarqanki.

Ezequiel 16:30

Noqa Señormin cheqamanta nini: Sonqoyki onqosqa karqa. Chayrayku qhencha warmi jina, mana p'enqakuspa pureranki.