Oseas 8:14 - Qheshwa Biblia DC

¹⁴ Israelqa oqharin palaciosta, chay ruwajninmantataj qonqakapun. Judapis oqharin ashkha llajtasta sinch'i ruwasqasta, noqataj chay tukuyta ninapi q'olachisaj tukuy palaciosnintinta ruphanampaj.

DIOSPA QHELQACHISQAN DEUTEROCANONICAL

¹⁴ Israelqa kamachina wasikunata ruwarin, ruwajnin Diosmantatajrí qonqakapuwan. Judapis ashkha sumaj perqasqa llajtakunata oqharin. Noqatajrí, chay llajtakunaman ninata jap'iykuchisaj, tukuy jatuchaj wasinkuna ruphananpaj.

DIOSPA QHELQACHISQ

¹⁴ Israelqa kamachina wasikunata ruwarin, ruwajnin Diosmantatajrí qonqakapuwan. Judapis ashkha sumaj perqasqa llajtakunata oqharin. Noqatajrí, chay llajtakunaman ninata jap'iykuchisaj, tukuy jatuchaj wasinkuna ruphananpaj.

Oseas 8:14 Referans Kwoze

Deuteronomio 32:18

Israel qanqa qonqapunki jark'akusoj tataykimanta. Kausayta qosoj Diosniykimanta.

Jeremías 17:27

Sichus qankuna kay kamachisniyta mana kasukunkichejchu, chay samakuna p'unchaypi yupaychanawaykichejta, jinataj cargasta Jerusalenman samakuna p'unchaypi mana apaykunatawan mana junt'awankichejchu chayqa, llajtaj punkusninman ninata churasaj, chay ninataj Jerusalempa palaciosninta ruphaykonqa tukuchinankama, manataj pipis thasnuyta atenqachu.

Amós 2:5

Chayrayku Judaman ninata jap'iykuchisaj, chay nina Jerusalempa palaciosninta q'olaykonqa.

Oseas 13:6

Pero maypachachus mikhunawan atipachikorqankichej chaypachaqa, sonqoykichej ukhupi mayta runaykachaspa noqata qonqarparipuwarqankichej.

Isaías 17:10

Qanqa salwajniyki Diosta qonqaporqanki. Mana qanqa jark'asoj chhankamanta yuyarikorqankichu. Astawampis qanqa sumaj sach'asta plantarqanki, waj dioskunata yupaychanallaykipaj.

Amós 1:10

Chayrayku Tiro llajtaj perqasninman ninata jap'iykuchisaj, chay ninataj palaciosninkuta q'olaykonqa.

Efesios 2:10

Diospa ruwasqanmin kanchej. Chaytaqa Cristo Jesuspi ruwawarqanchej allinkunata ruwananchejpaj. Chaykunataqa Dios wakicherqa ñaupajmantaña, chaykunapi purinanchejpaj.

Amós 1:14

Chayrayku Rabá llajtaj perqasninman ninata jap'iykuchisaj. Chay ninataj q'olaykonqa palaciosninkuta, may maqanakuy ch'ajwa ukhupi, may qhaparikuy llakiy p'unchaypitaj ukhupi.

Amós 1:12

Chayrayku Temanman ninata jap'iykuchisaj, chay ninataj Bosraj palaciosninta q'olaykonqa.

Amós 1:4

Chayrayku Hazaelpa wasinman ninata jap'iykuchisaj, chay ninataj q'olaykonqa Ben-Hadadpa palaciosninta.

Oseas 2:13

Jasut'isaj chay lantisninkuman inciensosta q'osñichispa tiemponkuta usuchisqankuman jina. Noqamanta qonqapuspa, anilloswan jinataj collareswan t'ikanchaykukuspa chay munasqasninta qhatiykachasqanmanta. Noqa Señor chayta nini.

Jeremías 23:27

Chay ujkuna ujkunataj mosqokusqasninkumanta willanakusqasninkuwan, aylluyta noqamanta qonqachiyta munanku, imaynatachus ñaupa tatasninkupis qonqarpariwarqanku, Baalpa qhepantataj riporqanku, ajinata.

Jeremías 3:21

Ch'in orqospi qhapariykuna uyarikun: Chaykunaqa kanku khuyakuyta mañakuspa israelitaspa waqaynin. Cheqan ñanmanta t'aqakaporqanku, noqa Señor Diosninkutataj qonqakapuwarqanku.

Jeremías 2:32

Qonqakapunmanchu uj warmi chay k'achanchakunasninmanta, jinallataj casarakapoj warmi k'achanchakunasninta? Chaywampis aylloyqa astawanraj noqamantaqa qonqakaporqa.

Isaías 43:21

Kay israelitastaqa noqapaj ruwakorqani, paykuntaj noqata yupaychawaspa takenqanku.

Isaías 42:25

Chayrayku, paykunaj patankuman manchay k'ajaj phiñakuyninta jich'amorqa, manchay ch'ajwapi kanankupaj. Tukuynejman jinata jap'iykucherqa. Chaywampis mana unancharqankuchu. Chay jinata ruphachishajtimpis mana kasorqankuchu.

Isaías 42:13

Señorqa atipaj runa jina rikhurimonqa, ch'ajwapi maqanakoj runa jina phiñakonqa, jatunmanta manchayta qhaparispa enemigosninta atipanampaj.

Isaías 29:23

Wawasniykeqa paykuna ukhupi imastachus ruwasqasniyta rikonqanku. Paykuna nenqanku noqaqa Santo kasqayta, Israelpa Diosnintataj kasuwanqanku.

Salmos 106:21

Paykunaqa salvaj Diosninkuta qonqarqanku, mayqenchus paykunata salvan. Egiptopi jatuchaj t'ukuna imasta ruwajta qonqarqanku.

2 Crónicas 27:4

Judá orqosnejpipis llajtasta jatarichillarqataj, sach'arara cheqaspipis jark'akuna wasista, torresta ima ruwachillarqataj.

2 Crónicas 26:10

Oqharillarqataj torresta, ch'in pampanejpi, allarqataj ashkha pozosta. Ashkha uywasniyoj kasqanrayku chay ura pampasnimpi, jinataj orqosnejpipis. Campospi llank'aj runasnimpis kallarqankutaj, uvas sach'asniyoj huertasnimpi chay orqosnejpi, pampasnejpi huertasnimpipis, imaraykuchus payqa chajra sonqo karqa.

1 Reyes 16:31

Imaraykuchus Nabatpa wawan Jeroboampa ñankunasnimpi usqhayllata purerqa, casarakorqataj sidoniospa reyninku Et-baalpa wawan Jezabelwan, chaymantaqa Baalta yupaychamorqa sirverqataj.

1 Reyes 12:31

Ruwallarqataj lomas patapi yupaychana wasista, chanta sacerdotestawan churarqa runasllamanta manataj Levéj ayllunmantachu.

2 Reyes 18:13

Ezequías Judapi chunka tawayoj watataña kamachishajtin, Asiriamanta rey Senaqueribqa Judamanta tukuynin sumaj jark'asqa llajtaspa contrampi llojsimorqa, jap'erqataj.

Salmos 95:6

Jamuychej; qonqorisqas yupaychanachej. Qonqorikunachej Señorpa ñaupaqempi, imaraykuchus pay ruwawarqanchej.

Isaías 9:9

Chaytataj tukuy Efraín runas yachanqanku, tukuy Samariapi tiyakojkuna. Paykunataj may kasqankuta yuyakuspa wapuchaspa nerqanku: Ladrilloschus urmanku chayqa, sumaj ch'eqosqa rumiswanñataj ruwasunchej. Sicómoro k'aspistachus k'uturanku chayqa, cedro sach'astañataj churasunchej.

Jeremías 5:17

Poqochisqasniykita, t'antaykitapis mikhukaponqanku, chantapis qhari wawasniykita, warmi wawasniykitapis oqoykonqanku. Ovejasniykita, wakasniykitapis mikhullanqankutaj, uvas poqoykunasniykita, higos poqoykunasniykita ima. Chay armasninkuwan, chay atienekoj kanki chay ruwasqa llajtasniykita phirenqanku.

Ezequiel 23:35

Chayrayku noqa Señorqa nini: Noqamanta qonqasqaykirayku, wasanchawasqaykiraykutaj qan jasut'isqa kanayki tiyan, munayniykipi purisqaykimanta, qhenchachakuy juchaspi kausasqaykimantawan.

Oseas 4:6

Aylloyqa mana yuyayniyoj, chayrayku chinkachisqa karqa. Qantajrí, sacerdote, yachayta qhesacharqanki, noqapis qhesachasqayki sacerdoteypaj kanaykita. Qan qonqaporqanki Diosniykimanta yachachiykunasta, jinata noqapis qonqapusaj mirayniykimanta.