Oseas 7:1 - Qheshwa Biblia DC

¹ Maypachachus Israel aylluywan allin kaymanña yaykuyta munasharqani, maypachachus jampikapuyta munasharqani, jinallamanta Efraín jinataj Samariapis juchasninkuta, chay millay ruwasqasninkutapis sut'iman rikhuricherqanku; imaraykuchus tukuyninku llullas kanku, suwas jina wasisman yaykuykunku, kikin ñan patapi runasmantapis qhechuraj churakunku.

DIOSPA QHELQACHISQAN DEUTEROCANONICAL

¹ Tata Dios nillantaj: Maypachachus Efrainta, Samariatawan jampikapuyta munarqani chaypacha, juchanku, millay ruwasqanku ima sut'i rikukunku. Tukuyninku llulla kanku. Paykunaqa suwa jina wasikunaman yaykuykunku, ñan patapitaj kallpaman atinikuspa, runamanta kapuyninkuta qhechurparinku.

DIOSPA QHELQACHISQ

¹ Tata Dios nillantaj: Maypachachus Efrainta, Samariatawan jampikapuyta munarqani chaypacha, juchanku, millay ruwasqanku ima sut'i rikukunku. Tukuyninku llulla kanku. Paykunaqa suwa jina wasikunaman yaykuykunku, ñan patapitaj kallpaman atinikuspa, runamanta kapuyninkuta qhechurparinku.

Oseas 7:1 Referans Kwoze

Oseas 7:13

Ay paykunamanta, noqamanta t'aqakuwasqankurayku! Phirichikonqankuraj contrayta oqharikusqankurayku. Munani paykunata salvayta, jinapis paykunaqa contraypi llullasta parlanku.

Oseas 6:4

Señorqa nin: Efraín, imatataj qanwan ruwasajri? Judá, qanwampis imatataj ruwasajri? Noqapaj munakuyniykichejqa, paqarinkunaspi phuyojta rikunkichej ajinalla, chayri tuta tutamanta chhullarpayamun chay ratollataj chinkarpayapun ajinalla.

Oseas 4:2

May chhikasta paykuna ukhupeqa qhasillamanta juranku, llullakunku, wañuchinakunku, suwanakunkutaj chantá chay qhencheríos, sajra ruwaykunas, wañuchinaykunaspis qhepampi, qhepampi kallampuni.

San Lucas 13:34

Jerusalén, Jerusalén, profetasta wañuchej llajta; qanman kachamusqastapis rumiswan ch'anqarqanki! Mashkha kutita, wawasniykita tantayta munarqani, imaynatachus wallpa chillwisninta lijrasnin uraman tantaykun ajinata, qantaj mana munarqankichu!

San Mateo 23:37

Jerusalén, Jerusalén, profetasta wañuchej, qanman kachamusqastapis rumiswan ch'anqaj! Mashkha kutitachus wawasniykita tantayta munarqani, imaynatachus wallpa chillwisninta lijrasnin uraman tantaykun ajinata, qantaj mana munarqankichu.

Miqueas 6:16

imaraykuchus qhaterqanki Omri jinataj Acabpa ayllumpa kamachisqasninta chantá ruwasqasninkutapis, imaynatachus paykuna ruwarqanku ajinallataj qampis ruwarqanki. Chayraykumin noqa ruwasaj qanwan, chaypi tiyakojkunasniykiwantaj llakiyta asipayasunankuta, Aylluypa p'enqaynintaj pataykiman urmamonqa.

Amós 8:14

Samariaj lantisninrayku jurajkuna nenqanku: Oh Dan, diosniykej kausayninmanta; qampis Beerseba dioskunasniykichej kausayninmanta, nejkunapis urmanqanku manaña ujtawan sayarimunankupaj.

Oseas 11:12

Efraenqa llullerasninwan muyuykuwan; Israel ayllupi ch'aukeriyasninwan muyuykuwan. Judatajrí, Diosmanta t'aqakapun, kunantaj sumajta purikushan chay lantisninwan.

Oseas 10:5

Samariamanta runakunaqa kharkatitinku; waqanku chay Bet-avempi waka uñata chinkachisqankumanta. Chaymantamá tukuy llajta, sacerdotesnintin jik'un jik'unta waqashanku, chay alabasqa kashan chinkasqanrayku.

Oseas 8:9

Asiriaman wicharisqankurayku uj qhella monte burro jina. Efrainrí t'inkasta aparqa munasqasninta tarinampaj!

Oseas 8:5

Qan, Samaria, chay yupaychasqayki waka uñata millachikuni. Phiñakuyniy k'ajarin paypa contrampi. May unaypirajchus llimphuchakuyta atenqankupis, israelitasqa ari? Samariaqa, chay waka uñaqa mana Dioschu! Chayqa uj runaj makisnillanmanta llojserqa; chayraykumin phirisqa kanqa.

Oseas 5:1

Sacerdotekuna, uyariychej kayta; allinta uyariychej, Israel runakuna; reypa wasimpi kajkunapis uyariychej: Qankunaj contraykichejpimin juicio kanqa, imaraykuchus Mizpapi uj misk'anata churarqankichej uj ch'ipatataj aysarqankichej, Tabor orqo patapi.

Oseas 4:17

Efraenqa lanti yupaychaykunaman qokapun. Tukuyninku machasqas jina urmaranqanku! K'iskimantataj qhenchachakorqanku, astawampis p'enqaypi kayta munarqanku honrayoj kanamanta nisqaqa.

Ezequiel 23:4

Kuraj kajpa sutenqa Ahola karqa. [Chaytaj Samaria kashan]. Sullk'antaj Aholiba sutiyoj karqa. [Chaytaj Jerusalén kashan]. Paykunawan casarakorqani, nacechipuwarqankutaj qhari wawasta, warmi wawastawan.

Ezequiel 16:46

Samaria nisqa llajta kuraj ñañaykeqa wichaynejpi kasharqa, ranchosnimpiwan ima. Sodoma nisqa llajta sullk'a ñañaykitaj uranejpi kasharqa, ranchosnimpiwan ima.

Jeremías 51:9

Babiloniata jampiykunña jinapis manapuni thañinchu. Saqerpariychej. Jakuchej kaymanta. Sapa uj llajtanchejmankama ripunachej. Chay millayta juchachakusqanqa janaj pachakama chayan, phuyuskama oqharikun.

Isaías 59:12

Juchasniykoqa ñaupaqeykipi ashkhaman tukun; juchasnillaykutaj mana allin kasqaykuta ch'ataykuwanku; noqallaykuwampuni juchasniykoqa kashan; yachakuykutaj juchayoj kasqaykuta.

Isaías 28:1

Ay, Samaria, machasqa llajta, Efraimpa runaykachajnin pillun qawisqa t'ikawan jina k'achanchasqa, sumaj valle jallp'aj patampi kaj, vinoj atipasqan llajta!

Ezequiel 24:13

Jerusalén, chay jina millay ch'ichichakusqasniykita llimphuchasuyta munarqani, qantaj manapuni llimphuchakorqankichu, llimphoqa kanki maypachachus noqa phiñakuyniyta qampi thasnusaj chaypacha.

Oseas 11:8

Imaynallatataj saqesqayki, Efraín? Imaynatataj qonqarparisqayki Israel? Atiymanchu Adma llajtata jina phirisuyta, chayri imaynatachus Zeboim llajtawan ruwarqani ajinallatataj qamwampis ruwayta? Sonqoyqa nanasqaña kashan, qampaj khuyakuywan junt'asqa!

Isaías 59:13

Chaykunaqa kashan: Oqharikuy, Señorpa contranta llullakuy, Diosninchejmanta t'aqakuy, waj runaj contranta rimay, churanakuy, sonqonchejpi qhasi palabrasta jap'iy. Llulla palabrasta ima sonqonchejpi jap'erqanchej.

Isaías 59:14

Cheqan kaj ruwayqa noqanchejmanta karunchakun, cheqanta ruwayqa noqanchejmanta karupi kashan; cheqan kajqa plazapi misk'akun, maychus kajta ruwaytaj mana jamuyta atinchu.

Oseas 12:1

Efraenqa wayrallata upispa kausan: Tukuy p'unchaynintinta inti llojsimuy wayraj qhepanta ripun. Llullerasninta yapashallampuni, millay phiñaywan ruwaykunasnintapis, Asiriawan tratosta ruwarikun, aceite t'inkastataj Egiptoman aparichin.

Oseas 12:2

Señor pleitota oqharin Israelwan. Jacobpa ayllunta jasut'enqa chay jinata ruwasqanmanta, chantá pagaponqa chay ruwasqanman jina.

Amós 3:9

Asdodpa palaciosnimpi, Egiptoj palaciosnimpiwan willamuychej, niychejtaj: Samaria orqosman tantakamuychej, qhawaychejtaj imayna pejtuchus chaypi kasqanta, imaynatatajchus runasta ñak'arichisqankuta.

Amós 3:10

Señorqa nin: Mana yachankuchu imatapis allinta ruwayta, palaciosninkupitaj kallpawan mithaspa suwasqasninkuta waqaychanku.