Oseas 5:15 - Qheshwa Biblia DC

¹⁵ Jinata ruwaytawankama tiyakunay llajtayman kutimpusaj, juchasniyoj kasqankuta reparakuytawankamataj mask'aj jamunawanku. Ñak'ariypi rikhurisparaj mask'aj tukuwanqanku!

DIOSPA QHELQACHISQAN DEUTEROCANONICAL

¹⁵ Chantá jinata ruwaytawankama, maypichus kanayman kutipusaj, paykuna juchayoj kasqankuta rejsikapuspa, noqata mask'anawankukama. Ñak'ariypi rikhurispa, noqata mask'awanqankupuni, nispa.

DIOSPA QHELQACHISQ

¹⁵ Chantá jinata ruwaytawankama, maypichus kanayman kutipusaj, paykuna juchayoj kasqankuta rejsikapuspa, noqata mask'anawankukama. Ñak'ariypi rikhurispa, noqata mask'awanqankupuni, nispa.

Oseas 5:15 Referans Kwoze

Isaías 26:16

Chay jina llakiypi tarikuspa qanta mask'asorqayku, Señor; ajinata jasut'iwajtiyki astawan mañakorqayku.

Salmos 78:34

Dios wañuchejtin chaypacharaj mask'aj kanku, payman kutirispa mana samarispa mask'aj kanku.

Salmos 50:15

Llakiy p'unchaypi wajyakuway, noqa librasqayki, qantaj jatunchawanki.

Jeremías 3:13

Juchayoj kasqaykita reparakuy, Señor Diosniykita mana kasoj kasqaykita, mana rejsisqakunawan tukuy ch'ampa sach'as uraspi qhenchachakusqaykita, kamachiykunasniyta mana kasusqaykita ima. Noqa Señormin chayta nini.

Jeremías 2:27

Uj k'aspita ninkichej: Qan tatay kanki!, nispa. Uj rumitataj ninkichej: Qan mamay kanki!, nispa. Noqamantaj wasanchakuwankichej, manataj uyaykichejta rikuchikuwankichejchu. Maypachachus ñak'ariypi rikhuriytawankamari, nishawankichej: Jamuy salvanawaykupaj!, nispa.

San Lucas 13:25

Wasiyoj jatarikuspa punkuta wisq'ajtinña, qankunaqa jawapi rikhurispa punkuta takankichej: Señor, kichaririwayku!, nispa. Kutichispataj nisonqachej: Mana rejsiykichejchu maymantachus kasqaykichejta.

Oseas 3:5

Chay qhepantaqa, israelitas kutimuspa Señor Diosninkuta mask'anqanku, jinataj reyninku Davidtapis. Qhepa p'unchaykunapeqa, tukuy sonqowan yupaychaypi Señorman qayllaykonqanku, Paypa tukuy khuyakoj imasninmantaj.

Ezequiel 36:31

Chaypachataj, mana allin purisqaykichejmanta, sajra imasta ruwasqaykichejmantawan yuyarikunkichej. Qankuna kikiykichej sajra purisqaykichejmanta, mana allin imasta ruwasqasniykichejmantawan p'enqakunkichej.

Ezequiel 6:9

Chay nacioneswan ayqekojkunaqa noqamanta yuyarikuwanqanku. Yuyarikullanqankutaj imaynatachus noqa paykunata ñak'arichisqayta noqawan mana allinta purisqankurayku, lantista yupaychanankupaj noqamanta karunchakuspa. Paykuna kikinku p'enqachikonqanku tukuy sajra ruwayninkumanta, tukuy ima khuchiriosta ruwasqankumanta ima.

Isaías 26:9

Ch'isenqa tukuy sonqo qanllapi yuyani, tukuy munakuyniywan sut'iyayta mask'ayki. Qan kay pachapi tukuy imata cheqanchajtiykeqa, jallp'a patapi kaj runas yachanqanku imachus cheqan kasqanta.

Miqueas 1:3

Señormin llojsimonqa maypichus tiyakushan chaymanta thaskispataj pay jamonqa montesniykichejpa orqosninta pampachaspa.

Oseas 5:6

Ovejasnintin wakasnintin Señorta mask'aj renqanku, manataj tarenqankuchu, imaraykuchus Señorqa paykunamanta t'aqakaporqa.

Ezequiel 20:43

Chaypitaj yuyarikunkichej tukuy mana allinta purisqaykichejmanta, sajra imasta ruwaspa ch'ichichakusqaykichejmantawan. Qankuna kikiykichejtataj millachikunkichej tukuy juchasniykichejmanta.

Ezequiel 11:23

Chantá Diospa k'anchaynenqa llajta chaupimanta oqharikuspa karuman riporqa. Llajtamanta inti llojsimuy cheqapi kaj loma patapi tiyaykukorqa.

Ezequiel 10:4

Chantá Señorpa k'anchaynenqa querubinespa patanmanta, Diosta yupaychana wasiman yaykuna chaynejman purirerqa. Phuyutaj Diosta yupaychana wasiman junt'aykorqa. Señorpa k'anchaynintaj patio junt'ata k'anchaykorqa.

Ezequiel 8:6

Chaymanta niwarqa: Rikunkichu Israel runakunaj millay ruwasqasninkuta? Chaykunaqa ajllakusqay llimphu wasiymanta karunchachiwanku. Kaymanta aswan millay imastaraj rikunki, nispa.

Isaías 26:21

Qhaway, Señorqa tiyakunanmanta llojsimonqa, jallp'a patapi tiyakojkuna paypa contranta juchallejkunata jasut'inampaj. Jallp'aqa manaña pakayta atenqachu yawar jich'asqata wañuchisqa kajkunatawan.

Salmos 132:14

Kaymin chay wiñaypaj samakunay orqoqa. Kaypi tiyakusaj, imaraykuchus ajinata munarqani.

Salmos 83:16

Sinch'ita p'enqaykuchiy, Señor, qanta mask'asunankupaj.

Job 33:27

Chay runataj nenqa: Juchachakuni, mana cheqan kajta ruwani; Diostaj chay jina kashajtiy mana juchayman jinachu jasut'iwan.

Proverbios 8:17

Noqa munakuni pichus munakuwajta. Pischus mask'awajkunaqa tariwanku.

Jueces 4:3

Jabimpata isq'on pachaj fierromanta carrosnin karqa, iskay chunka watastaña israelitasta sinch'i llakiypi ñak'arichisqa, chayrayku paykunaqa Señormanta yanapayninta mañakuspa qhaparikorqanku.

Génesis 42:21

Chanta paykuna ukhu ninakusharqanku: Cheqamanta noqanchejqa wauqenchejta mana allintachu ruwarqanchej, juchallikorqanchej. Mayta waqashajtin mana payta khuyakorqanchejchu, may jinata waqashajta rikushaspa. Chayrayku kunanqa noqanchejmanñataj kay llakiy chayamuwanchej.

Números 21:7

Chaymanta israelitasqa maypichus Moisés kasharqa chayman rispa nimorqanku: Noqayku juchallikuyku ajinata parlaspa Señorpa contranta, qampa contraykitawan. Señormanta mañapuwayku ari, kay katarista noqaykumanta ithirichinanta!, nispa. Chaymanta Moisesqa Señormanta mañakorqa israelitasta perdonananta.

Isaías 18:4

Señorqa kay jinata niwan: Ch'inlla kakusaj, tiyakunaymanta qhawamullasaj, imaynatachus inti k'ancharimojtin k'ajarin ajinata, imaynatachus cosecha tiempopi q'oñimojtin, chhulla phuyu phuyuykun ajinata.

Jeremías 3:14

Señor nillantaj: Kutirimuychej mana kasukoj wawas, imaraykuchus noqa qankunaj Señorniykichej kani. Noqa jap'isaj sapa llajtamanta ujta, iskaytataj sapa ayllumanta. Sionmantaj kutichisqaykichej.

Salmos 107:6

Llakiyninkupitaj Señorta qhaparikorqanku, paytaj chay ñak'ariyninkumanta librarqa.

Salmos 107:13

Llakiyninkupitaj Señorta qhaparikorqanku, paytaj chay ñak'ariyninkumanta orqhorqa.

Salmos 107:19

Llakiyninkupitaj Señorta qhaparikorqanku, paytaj ñak'ariyninkumanta orqhorqa.

Salmos 107:28

Llakiyninkupitaj Señorta qhaparikorqanku, paytaj llakiyninkumanta orqhorqa.

Lamentaciones 3:40

Allinta reparakunachej, Señorta mask'anachej, paymantaj kutirikunachej.