Oseas 4:15 - Qheshwa Biblia DC

¹⁵ Israel, sichus qan qhenchachakunki chayqa, jinapis Judaqa ama juchayojchu rikhurichun. Ama Gilgalman qankuna riychejchu, amataj Bet-avenmampis wichariychejchu, amallataj Señorpa kausayninraykupis juraychejchu!

DIOSPA QHELQACHISQAN DEUTEROCANONICAL

¹⁵ Israel, sichus qan phisu warmi jina wajkunaman jaywakunki chayqa, Judallapis ama kikillantataj juchallichunchu. Judá, ama Gilgalman riychejchu, nitaj Bet Avenmanpis wichariychejchu lantikunata yupaychaj. Amallataj Tata Diospa sutinpi tiluychejchu.

DIOSPA QHELQACHISQ

¹⁵ Israel, sichus qan phisu warmi jina wajkunaman jaywakunki chayqa, Judallapis ama kikillantataj juchallichunchu. Judá, ama Gilgalman riychejchu, nitaj Bet Avenmanpis wichariychejchu lantikunata yupaychaj. Amallataj Tata Diospa sutinpi tiluychejchu.

Oseas 4:15 Referans Kwoze

Oseas 12:11

Galaadpi tiyan kay pacha dioskunasninku; pero chaykunaqa qhasi mana kaj dioskunalla kanku. Gilgalpiri torosmanta rikuchikusninkuta jaywanku. Chay altarkunasninkupi, campo surk'uspi rumi qollus jina kanku.

Oseas 9:15

Señor nin: Gilgalpi tukuy kaj juchata ruwarqanku, chaypitaj chejnikuyta qallarerqani. Chay sajra ruwasqasninkuraykutaj wasiymanta paykunata wijch'usaj; manaña munakullasajpunichu, chay kuraj runasninkupis tukuyninku contraypi oqharikorqanku.

Amós 4:4

Riychej Betelman, Gilgalman ima; chaypitaj juchawan yapakamuychej, sayariychejtaj astawan noqaj contraypi, paqarimpi apamuychej rikuchikusta, diezmostataj sapa kinsa p'unchaymanta.

Amós 8:14

Samariaj lantisninrayku jurajkuna nenqanku: Oh Dan, diosniykej kausayninmanta; qampis Beerseba dioskunasniykichej kausayninmanta, nejkunapis urmanqanku manaña ujtawan sayarimunankupaj.

Amós 5:5

Ama Betelmanqa qayllaychejchu, amataj riychejchu Gilgalman, nitaj Beersebanejtapis riychejchu; imaraykuchus Gilgalmanta kajkunaqa presos apasqas kanqanku, Beteltaj chinkachisqa kanqa.

Oseas 10:8

Juchasapaspa lanti wasinku t'unasqas kanqanku, maypichus Israel ayllu juchallej chaykuna. Chay altaresninku pataspitaj qhepus khishkaspis wiñanqanku, runastaj orqosta nenqanku: Pakaykuwayku!, nispa; chhankastataj nenqanku: Pataykuman urmaykuwayku!, nispa.

Oseas 10:5

Samariamanta runakunaqa kharkatitinku; waqanku chay Bet-avempi waka uñata chinkachisqankumanta. Chaymantamá tukuy llajta, sacerdotesnintin jik'un jik'unta waqashanku, chay alabasqa kashan chinkasqanrayku.

Oseas 5:8

Gabaapi tocaychej maqanakuyman wajyana putututa! Ramapitaj tocaychej trompetata! Bet-avempitaj mancharichiychej! Benjaminmanta kajkunata kharkatichiychej!

Jeremías 5:2

Señorpa kausayninrayku jurajkunapis, llullakuspa juranku.

Efesios 5:11

Laqhapi kajkunaj qhasi mana kaj ruwasqasninkuta ama ruwaysiychejchu. Manachayqa paykunata k'amiychej.

Amós 6:10

Imayna jatun manchachikuychus kanqapis, chayrayku mayqen wañusqajtapis ayllun wasi ukhumanta jawaman orqhomojtin, uj nenqa chay ukhupi purejta: Tiyanchu pipis qanwan khuska purej? Chay ujtaj nenqa: Mana; ñaupaj kajtaj nenqa: Ch'in kakuy, pajtá Señorpa sutinta oqharishawaj, nispa.

Oseas 11:12

Efraenqa llullerasninwan muyuykuwan; Israel ayllupi ch'aukeriyasninwan muyuykuwan. Judatajrí, Diosmanta t'aqakapun, kunantaj sumajta purikushan chay lantisninwan.

Oseas 4:12

Aylloyqa k'aspi lantisllata tapurakunku; chay llant'a k'aspiswantaj adivinaranku, qhenchachakuywan atipachikuspa. Aylloyqa pantay ñanninta rishan, qhenchachakuypi jinamanta t'aqakuspa Diosmanta.

Ezequiel 20:39

Israel ayllu, kay jinata qankunaman Señorqa nisunkichej: Sichus noqata qankuna mana kasuwankichejchu chayqa, sapa ujniykichej lantisniykichejpa qhepanta ripuychej, paykunata yupaychamuychej. Ama llimphu sutiytaqa ch'ichichaychejchu rikuchikusniykichejta jaywaspa, nitaj lantisniykichejta yupaychaspapis.

Isaías 48:1

Jacobpa ayllun, kayta uyariy. Israelpa sutinwan sutichasqa runas, Judá ayllumanta mirasqas kajkuna, Señorpa sutinta oqharispa parlajkuna, Israelpa Diosninmanta yuyarikojkuna. Chaywampis, chayta ruwankichej mana cheqa kaywanchu, nitaj cheqan sonqowanchu.

Jeremías 44:26

Tukuyniykichej Judamanta kaj runas Egiptopi tiyakojkuna Señorpa nisqanta uyariychej: Jatun sutiyrayku jurani, manaña pipis Judamanta kajkunaqa manaña ujtawan parlanqachu tukuynin Egipto jallp'api sutiyta oqharenqankuchu, Señorpa sutinrayku, nispaqa.

Josué 5:9

Chaymanta Señorqa Josueman nerqa: Kay circuncisión ruwakusqanwanqa egipciospa p'enqakuyninta qhechuykichej, nispa. Chayrayku chay cheqaqa kunankama Gilgal nisqa sutiyoj.

Josué 7:2

Josueqa Jericomantapacha runasta kacharqa Hai llajtata qhawamunankupaj; Chay llajtataj kashan Betelpa inti llojsimuynimpi, Bet-aven qayllapi. Paykunaman nerqa imaynatachus chay jallp'asta qhawaramunankuta. Paykunataj rispa sumajta Haita qhawaramorqanku.

2 Crónicas 17:4

Manachayqa tatampa Diosninta mask'arqa, kamachisqasninta junt'aspa, manataj Israel runaspa ruwasqasninkuman jinachu ruwarqa.

2 Crónicas 21:11

Chay jawaqa Judá orqopi lantispaj wasista jataricherqa, pay juchayoj karqa Jerusalempi tiyakojkuna Señormanta t'aqakapunankupaj, jinataj Judapi tiyakojkunapis Señorpa contrampi juchallikunankupaj.

Oseas 12:1

Efraenqa wayrallata upispa kausan: Tukuy p'unchaynintinta inti llojsimuy wayraj qhepanta ripun. Llullerasninta yapashallampuni, millay phiñaywan ruwaykunasnintapis, Asiriawan tratosta ruwarikun, aceite t'inkastataj Egiptoman aparichin.

Oseas 12:12

Jacob ayqerqa Arampa camposninman, chaypitaj warminta tarinampaj ovejas michejmanta kanan karqa.