Oseas 4:12 - Qheshwa Biblia DC

¹² Aylloyqa k'aspi lantisllata tapurakunku; chay llant'a k'aspiswantaj adivinaranku, qhenchachakuywan atipachikuspa. Aylloyqa pantay ñanninta rishan, qhenchachakuypi jinamanta t'aqakuspa Diosmanta.

DIOSPA QHELQACHISQAN DEUTEROCANONICAL

¹² Chayrayku aylloyqa k'ullumanta lantikunallata tapukunku, jinataj chay k'ullu kutichinanta suyanku. Lantikunata yupaychaspa khuchichakunku. Paykunaqa Diosninkumanta t'aqakunku sajra puriyman qokunankupaj.

DIOSPA QHELQACHISQ

¹² Chayrayku aylloyqa k'ullumanta lantikunallata tapukunku, jinataj chay k'ullu kutichinanta suyanku. Lantikunata yupaychaspa khuchichakunku. Paykunaqa Diosninkumanta t'aqakunku sajra puriyman qokunankupaj.

Oseas 4:12 Referans Kwoze

Oseas 5:4

Runaspa tukuy millay ruwasqasninku mana saqenchu Diosman kutirikojta. Qhenchachakuyllawan atipasqas kaspa Señortapis mana rejsiyta atinkuchu.

Jeremías 2:27

Uj k'aspita ninkichej: Qan tatay kanki!, nispa. Uj rumitataj ninkichej: Qan mamay kanki!, nispa. Noqamantaj wasanchakuwankichej, manataj uyaykichejta rikuchikuwankichejchu. Maypachachus ñak'ariypi rikhuriytawankamari, nishawankichej: Jamuy salvanawaykupaj!, nispa.

Habacuc 2:19

Ay!, qanmanta, imaraykuchus k'aspimanta lantista rijch'ariy ninkichej, mana parlaj rumistataj sayarikuy ninkichej. Chaykunaqa imamantapis willaykuyta atiwasunmanchu? Mana, imaraykuchus mana kausayniyojchu kanku qoriwan chayri qolqewan qhatasqas kaspapis.

Deuteronomio 31:16

Chaymanta Señorqa Moisesman nerqa: Qanqa wañupunkiña, kay israelita runastaj waj nacionespa dioskunasninkuwan juchallikonqanku kunan yaykonqanku chay jallp'api. Jinamanta paykunaqa qonqapuwanqanku, paykunawan ruwasqay tratotataj p'akenqanku.

Números 15:39

Ajinamanta chay flecosnejta yuyarikunkichej tukuy kamachiykunasniyta qosusqaymanta, junt'ankichejtaj. Ajinata munayniykichejwan mana atipachikunkichejchu, chay mana allinta ruwaspa qhatinawaykichejmanta.

Miqueas 2:11

Mayqempis qhasi kajta llullakun, nintaj: Noqa sut'inchasqaykichej vinomanta licormantataj, chaymari profetapaj nisqa chay ayllumanta churasqa kanqa.

Oseas 9:1

Ama kusikuychu Israel; ama kusikuywan phinkiriychu waj llajta jinaqa. Qanqa qhenchachakunki Diosniykita saqerpayaspa. Maypichus grano trillakun chay eraspi, qanman gustasunki chay qhenchachakusqaykimanta t'inkasta jap'ikuy.

Ezequiel 21:21

Babilonia reyqa sayaykun maynejmantachus iskaynin ñankuna qallarikushanku chaypi suerteta choqanampaj. Varasta thalan, dioskunasninkuta tapurin, uywaspa kukupisninkutataj qhawarin.

Jeremías 10:8

Tukuy paykuna wampus kanku, mana uj chhikan yachayninkupis kanchu. Uj juch'uy k'aspillaqa mana imatapis yachachinchu.

Salmos 73:27

Pikunachus qanmanta karunchakojkuna, wañonqanku. Qanta mana qhatisojkunatataj pampachanki.

2 Crónicas 21:13

Manachayqa Israelpa reykunasnimpa ñankunasnimpi purinki, qan juchayoj karqanki, Judá jinataj Jerusalempi tiyakojkunapis Señormanta t'aqakunankupaj, imaynatachus ruwarqa Acabpa ayllun ajinata. Chay jawaqa hermanosniykita qanmanta aswan allin runasta wañuracherqanki.

Levítico 17:7

Amaña jayk'ajpis rikuchikusninkuta jaywanqankuchu chay supaykunaman, mayqenkunatachus yupaychanku, mayqenkunanejtachus juchachakunku. Kay kamacheyqa wiñaypaj kanqa, qankunapaj, tukuy mirayniykichejpajpis.

Salmos 106:39

Ajinamanta paykunapis sapa ruwasqasninkuwan ch'ichichakorqanku, millay ruwasqankuwantaj qhenchachakorqanku.

Oseas 14:3

Asiriaqa manamin salvayta atiwasqaykuchu, nillataj caballospipis ayqesqaykuchu. Manaña kayqa Diosniyku nispa, noqaykoj kikiykoj ruwasqasnillaykutaqa sutichasqaykuchu; imaraykuchus qanllapimin Señor uj wajcha wawaqa khuyakuyta tarenqa.

Jueces 18:5

Chaypacha paykunaqa nerqanku: Diosta tapuriy kay viajeykupi allinchus riwasqayku, chayta.

2 Reyes 17:7

Chayqa karqa israelitas Señor Diosninkoj contrampi juchallikusqankurayku, pichus paykunataqa Egiptomanta rey faraompa makinmanta orqhomorqa chaypa contrampi, waj dioskunata yupay chasqankurayku.

Jeremías 23:13

Noqa rikuni Samariamanta profetasta, mana allimpaj rijch'awaj imasta ruwashajta: Paykuna Baalpa sutillampi willaranku, Israel aylluytarí pantacherqanku.

Ezequiel 20:32

Qankunaqa nerqankichej: Kay jallp'api tiyakoj llajtayoj runas jina kasunchej, nispa; paykunaqa k'aspita, chantá rumita yupaychanku. Chaytaj mana jinachu kanqa.

Oseas 6:10

Israelpeqa rikuni manchay millay ch'ichi ruwaykunasta. Efraenqa ujwantaj ujwantaj qhenchacharakun, Israeltaj kikin juchallamantaj sat'iykukun.