Oseas 2:18 - Qheshwa Biblia DC

¹⁸ Jaqay tiempopeqa Israelman kutisqata uj tratota ruwasaj, montepi kaj animaleswan, phawaj p'isqoswan, katariswan ima, jinallatataj kay jallp'amanta qhechusaj, wach'inasta, t'ojsinasta, maqanakustapis, jinamanta llajtayqa ni imata manchachikuspa sumajta samarikunampaj.

DIOSPA QHELQACHISQAN DEUTEROCANONICAL

¹⁸ 18 (20) Chaypachallataj noqa israelitakunaj allinninkupaj tratota ruwasaj k'ita animalkunawan, p'isqokunawan, katarikunawan ima. Jinallatataj kay suyumanta chinkachisaj flechakunata, maqanakutapis, ajinamanta aylluy mana manchachikuspa samarikunanpaj.

DIOSPA QHELQACHISQ

¹⁸ 18 (20) Chaypachallataj noqa israelitakunaj allinninkupaj tratota ruwasaj k'ita animalkunawan, p'isqokunawan, katarikunawan ima. Jinallatataj kay suyumanta chinkachisaj flechakunata, maqanakutapis, ajinamanta aylluy mana manchachikuspa samarikunanpaj.

Oseas 2:18 Referans Kwoze

Ezequiel 34:25

Sonqo tiyaykuchej tratota paykunawan ruwasaj, jallp'amantaqa tukuy millay khurusta wijch'usaj, ovejasniy mana ima llakiyniyoj ch'in pampaspi tiyakunankupaj. Orqospitaj mana ima llakiyniyoj puñukonqanku.

Jeremías 23:6

Chay p'unchaykunasnimpeqa Judá salvasqa kanqa, Israelpis sumaj waqaychasqa tiyarikonqa. Kay sutiwanmin chaypacha sutichanqanku: Señormin cheqan kajta ruwaysiwajninchejqa, nispa.

Isaías 2:4

Señortaj nacionesta juzganqa, ashkha runastataj cheqanchanqa. Espadasninkuta arado rejasman tukuchenqanku, fierro choqanasninkumanta hocesta ruwakaponqanku. Nitaj mayqen naciompis maqanakunasninta waj naciompa contranta wakichikonqachu, nitaj ch'ajwapajpis oqharikonqachu.

Salmos 46:9

Ch'ajwastaqa mundontimpi sayachin. Maqanakuna flechasta, lanzastapis p'akiran, carretastataj rupharachin.

Isaías 65:25

Atojwan ovejawanqa uj michejniyojlla kanqanku. Leonqa waka jina ichhuta mikhonqa. Katareqa ñut'u jallp'ata mikhonqa. Chay ajllakusqay lomapeqa manaña pipis llakichenqachu, manañataj ñak'arichenqankuchu paykunata, nispa nin Señorqa.

Job 5:23

Rumis ukhupipis chajrasniykeqa poqollanqankupuni, chaykunawampis tratoyoj kawaj jina, phiña animales kausaqesniyki kanqanku.

Zacarías 14:9

Chay p'unchaypeqa Señorlla kamachenqa tukuynin jallp'api. Chaypacha uj k'ata Señorlla kanqa, uj k'atallataj sutimpis kanqa.

Zacarías 14:4

Chay p'unchaypitaj Señorqa, Jerusalén chimpapi kashan chay Olivos orqoman chakisninta churakurenqa, chay inti llojsimuynejman jina. Uj jatun valleta aysarikonqa inti llojsimuy ladomanta inti yaykuy ladoman jina, chaytaj Olivos orqotaqa iskayman t'aqanqa. Khuskan orqoqa patanejman apasqa kanqa, khuskannintaj uranejman.

Zacarías 3:10

Chay p'unchay chayamojtenqa ujkuna ujkunata wajyarinakuyta atinkichej, uvaspa llanthumpi jinataj higos sach'aspa llanthumpi samarikunkichej. Noqa Tukuy Atiyniyoj Señorniykichej chayta niykichej.

Zacarías 2:11

Kayta rikuspa ashkha runakuna Señorman chimpamonqanku. Paytaj nenqa: Kay runakuna ayllullaytaj kanqanku, nispa. Jinamanta kausakusaj qankunawan khuska. Ajinamanta yachanaykichejpaj Tukuy Atiyniyoj Señor qankunaman kachamuwasqanta.

Jeremías 33:16

Jaqay p'unchaykunapi Judaqa salvasqa kanqa, Jerusalentaj sumaj waqaychasqa kausakonqa. Chaypacha sutinmanta wajyanqanku: Señormin cheqa kayninwan atipayninchejqa.

Jeremías 30:10

Noqa Señor nillanitaj: Jacobpa ayllun kamachiy, ama mancharikuychu. Qan, Israel, ama mancharikuychu. Qanta, wawasniykitapis noqa kacharichimusaj, chay karu llajtasmanta, maypichus wijch'usqas kashankichej chaymanta. Watejmanta sonqo tiyasqa kaypi tiyakunki, ch'inllapi mana pejpa mancharichinan.

Isaías 26:1

Chay p'unchaypi kay takiyta Judá jallp'api takenqanku: Kunanqa sumaj jark'achisqa llajta tiyapuwayku; chaypi pakakunaykupaj iskay perqaswan muyuykucherqa.

Isaías 2:17

Runaj wapuykachaynenqa k'umuykuchisqa, runaj machu machu kaynenqa urmachisqa kanqa. Chay p'unchaypeqa Señorlla jatunchasqa kanqa.

Isaías 2:11

Jatunmanta qhawaykachayninkoqa k'umuykuchisqa kanqa, runaykachayninkutaj pampaman urmasqa kanqa. Chay p'unchaypeqa Señorlla jatunchasqa kanqa.

Salmos 23:2

Q'omer pampaspi michiwan, sumaj yakusmantaj pusawan.

Zacarías 9:10

Paymin Efraimpa carrosninta phirenqa, Jerusalempa caballosninta chantá maqanakupi k'uru k'aspisninkutapis. Paymin tukuy llajtakunaman kusiy kausaymanta willaranqa, kamachenqataj uj mar qochamanta uj mar qochakama, Eufrates mayumanta kay pachaj waj k'uchunkama.

Job 5:22

Yarqhaypi urmaypipis asirikunki, k'ita sajra animalesmantapis mana manchachikunkichu.

Salmos 148:10

tukuy uywas, k'ita animales ima, qhatatakoj animales, tukuy lijrayojkuna ima, Señorta yupaychaychej.

Isaías 32:18

Runasneyqa sonqo tiyakuy wasispi tiyakonqanku, sumaj jark'asqa tiyakunaspi, chaypitaj munayninman jina samarikonqa.

Ezequiel 39:1

Qan ari runa, Gogpa contrampi parlaspa niy: Señorqa kay jinata nin: Gog, noqa contraykipi kani. Qanqa Mesecpata, Tubalpatawan jatun kamachejninku kashanki.

Isaías 54:5

Qanta ruwasorqa chaymin qampa qosaykeqa; sutintaj Tukuy Atiyniyoj Señor; Israelpa Santo Diosninmin kacharichisojniykeqa. Payqa tukuy kay pachapi kajkunaj Diosninku.