Oseas 14:3 - Qheshwa Biblia DC

³ Asiriaqa manamin salvayta atiwasqaykuchu, nillataj caballospipis ayqesqaykuchu. Manaña kayqa Diosniyku nispa, noqaykoj kikiykoj ruwasqasnillaykutaqa sutichasqaykuchu; imaraykuchus qanllapimin Señor uj wajcha wawaqa khuyakuyta tarenqa.

DIOSPA QHELQACHISQAN DEUTEROCANONICAL

³ Asiriaqa manamin qhespichiyta atiwasqaykuchu, nillataj caballokunapipis ayqesqaykuchu. Manaña: Diosniyku, nispa, noqaykoj ruwasqayku lantikunata nisqaykuchu, imaraykuchus qanllapimin wajcha wawakuna khuyakuyta tarinku.

DIOSPA QHELQACHISQ

³ Asiriaqa manamin qhespichiyta atiwasqaykuchu, nillataj caballokunapipis ayqesqaykuchu. Manaña: Diosniyku, nispa, noqaykoj ruwasqayku lantikunata nisqaykuchu, imaraykuchus qanllapimin wajcha wawakuna khuyakuyta tarinku.

Oseas 14:3 Referans Kwoze

Salmos 68:5

Diosninchej santo wasimpi tiyakun, payqa wajchaspa tatan. Viudastataj waqaychan.

Salmos 10:14

Qan kikiyki rikunki may jatun sajra kayninkuta. Sajra kayninkutaqa rikunki. Chayrayku ruwasqankuman jina pagota qopunki. Qanmanqa mana piniyojkuna chayamusunku, qan wajcha runasta yanapanki.

Oseas 14:8

Efraintaj nenqa: Ima dakuwanñataj chay lantikunamantari?, nispa. Noqamin uyarini, qhawanitaj aylluytaqa! Noqa kani uj pino jina q'omerllapuni, noqapitaj aylloyqa poqoyninta tarenqa.

Oseas 5:13

Efraín onqosqa kasqanta rikuspa, Judataj nanachikusqasninta rikukuspa, Efraenqa Asiriaman renqa jatun reypa yanapanta mañakoj, reytaj mana sanoyachiyta atenqachu, nitaj nanasqasnintapi jampiykuyta atenqachu.

Oseas 2:17

Siminkumantataj qhechusaj, chay baalesmanta parlayta, ni jayk'aj sutillantapis oqharenqankuñachu.

Isaías 31:1

Ay, Egiptoman uraykojkuna yanapachikunankurayku, caballosninkuman atienekojkuna, ashkha carretaspi atienekojkuna, caballospi wapu rejkunapi atienekojkuna, manataj Israelpa Santo Diosninta qhawarinkuchu.

Isaías 30:16

Mana chayqa qankunaqa nerqankichej: Mana, astawanqa caballospi ayqesqayku. Ayqellaychej ari. Chaymanta nillarqankichejtaj: Sumajta correj carretasman wicharisqayku. Arí, qhatisojkunaqa usqhayllata jap'irparisonqachej.

Salmos 33:17

Caballosllaqa mana pitapis salvanmanchu; may jina kallpayoj kashaspipis, manapuni atinkumanchu.

San Juan 14:18

Mana sapaykichejtachu saqesqaykichej; qankunaman jamusajpuni.

Oseas 12:1

Efraenqa wayrallata upispa kausan: Tukuy p'unchaynintinta inti llojsimuy wayraj qhepanta ripun. Llullerasninta yapashallampuni, millay phiñaywan ruwaykunasnintapis, Asiriawan tratosta ruwarikun, aceite t'inkastataj Egiptoman aparichin.

Oseas 8:9

Asiriaman wicharisqankurayku uj qhella monte burro jina. Efrainrí t'inkasta aparqa munasqasninta tarinampaj!

Oseas 7:11

Efraenqa, uj paloma jina umphu, mana allin yuyayniyoj; Egiptomanta yanapata mañakun, chantarí Asiriamampis qayllaykullantaj.

Ezequiel 37:23

Manañataj qhasi mana kaj dioskunapi ch'ichichakonqankuchu, ni millay puriyninkupi, nitaj sajra ruwayninkupipis, chaykunanejta juchallikorqanku. Noqa paykunata llimphuchasaj. Ajinamanta aylluy kanqanku, noqataj paykunaj Diosninku kasaj.

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Isaías 36:8

Kunanqa uj tratota ruway ari Asiriamanta wiraqochi reyniywan. Noqa qoykiman iskay waranqa caballosta, sichus chay caballospi rinankupaj runasta tariwaj chayqa.

Isaías 31:3

Egipciosqa runaslla kanku mana dioskunachu; caballosninkoqa aychalla kanku, manataj espirituschu. Chayrayku Señorqa makinta oqharejtin, chay yanapaj urmanqa, jinallataj yanapachikojpis. Jinamanta tukuyninku ujllapi urmachisqas kanqanku.

Isaías 30:2

Usqhay usqhayta Egiptoman rinku mana noqata tapuriwaspalla, faraonwan yanapachikuyta munaspa, Egiptoj ojllaynimpi pakasqa kayta munaspa.

Isaías 27:9

Ajinamanta Jacobpa millay juchasnenqa perdonasqa kanqa. Chaytaj ruwasqa kanqa kay jinata ruwanan kajtin: Tukuy altaresninta cal rumista jina jallp'aman tukuchinan kajtin, amaña yupaychana k'ulluspis kachunchu, amataj intiman rijch'akoj lantispis.

Isaías 2:20

Chay p'unchaykunapi runasqa, qorimanta, qolqemanta ima yupaychanankupaj ruwakusqanku lantista, juk'uchasman, ch'iñisman ima wijch'onqanku.

Isaías 1:29

Chantá qankunaqa p'enqachikunkichej, encina sach'asta chhikatapuni munakusqaykichejmanta, may huertapichus kusikusqaykichejmantawan.

Salmos 146:9

Señorqa karu llajtayojkunata qhawan. Yanapantaj viudasta, wajcha wawastapis. Sajra runaspa ñanninta wist'uyachin.

Salmos 146:3

Ama kamachej runaspeqa atienekuychejchu; ama atienekuychejchu runasllapi, mana salvayta atejkunapi.

2 Crónicas 16:7

Chay tiempopeqa profeta Hanni Judáj reynin Asata waturej rerqa, nerqataj: Siriaj reynimpa soldadosnin makisninkumanta llusp'inku Siriaj reynimpi atienikusqaykirayku, manataj Señor Diosniykipichu.

Deuteronomio 17:16

Chay reyqa ama ashkha caballosta rantichunchu, nitaj Egiptomampis runasta kachachunchu astawan caballosta rantejta. Señorqa nisorqachejña: Amaña jayk'ajpis Egiptoman kutirinkichejchu, nispa.

Zacarías 13:2

Tukuy kaj jallp'api lantikunata phirisaj, sutisnintinta chinkachinaypaj jinamanta manaña pipis qhaparikunankupaj. Jinallatataj profetasninkuta chay jallp'amanta chinkachisaj, chantá millay espirituyoj kajkunatapis. Noqa Señor niykichej.

Jeremías 49:11

Saqeway wajcha wawasniykita, noqa qhawapusqayki, warmi sapasniykipis noqaman atienekuwachunku.

Oseas 4:12

Aylloyqa k'aspi lantisllata tapurakunku; chay llant'a k'aspiswantaj adivinaranku, qhenchachakuywan atipachikuspa. Aylloyqa pantay ñanninta rishan, qhenchachakuypi jinamanta t'aqakuspa Diosmanta.

Oseas 13:2

Kunan juchallapiraj kashanku! Qolqesninkuta unuyarichispa lantista ruwarikunku sapa munarispa, chay ruwajkunaspa munasqanman jina. Chaymanta ninku: Rikuchikusta jaywaychej! nispa; runastaj much'arinku chay waka uñasman rijch'akun lantista.

Jonás 2:10

Chay qhepata Señorqa kamacherqa chay jatun challwa yaku cantoman Jonasta lanzarparimunanta.