Oseas 13:6 - Qheshwa Biblia DC

⁶ Pero maypachachus mikhunawan atipachikorqankichej chaypachaqa, sonqoykichej ukhupi mayta runaykachaspa noqata qonqarparipuwarqankichej.

DIOSPA QHELQACHISQAN DEUTEROCANONICAL

⁶ Chaywanpis maypachachus mikhunawan atipacherqaykichej chaypacha, sajsakuspa, sonqoykichej ukhupi mayta jatunchakorqankichej, jinataj noqata qonqarpariwarqankichej.

DIOSPA QHELQACHISQ

⁶ Chaywanpis maypachachus mikhunawan atipacherqaykichej chaypacha, sajsakuspa, sonqoykichej ukhupi mayta jatunchakorqankichej, jinataj noqata qonqarpariwarqankichej.

Oseas 13:6 Referans Kwoze

Salmos 10:4

Payqa wapu wapulla senqanta q'entin: Diosqa mana kanchu. Mana kanchu noqata tapuwajqa, nispa. Chayllata payqa yuyan.

Nehemías 9:35

Chaywampis paykunaqa jallp'ankupi munasqankupi kashaspa, ashkha allichaj imasta qoshajtiykipis, jinataj chay jatuchaj allin poqoj jallp'asta qoshajtiykipis, manapuni qantaqa yupaychasorqankuchu, nitaj sajra ruwasqankumanta t'aqakuspa kutirimusorqankuchu.

Deuteronomio 32:18

Israel qanqa qonqapunki jark'akusoj tataykimanta. Kausayta qosoj Diosniykimanta.

Oseas 10:1

Israelqa, uj uva sach'a jina poqoywan junt'a kashan; pero aswan ashkhata poqochisqankoqa aswan ashkha altaresta jatarichinankupaj karqa; jallp'ankupis aswan k'achitu karqa; astawan k'acha t'aqasqa rumista ruwanankupaj karqa.

Oseas 8:4

Mana noqallawan reykunata churarqokunku. Kuraj kamachejkunasninkutapis mana yachasqallay churarqokunku. Qolqesninkuta qorisninkutapis oqharerqanku lantikunata ruwanankupaj, jinamanta paykuna kikinkuta phirikuspa.

Oseas 2:13

Jasut'isaj chay lantisninkuman inciensosta q'osñichispa tiemponkuta usuchisqankuman jina. Noqamanta qonqapuspa, anilloswan jinataj collareswan t'ikanchaykukuspa chay munasqasninta qhatiykachasqanmanta. Noqa Señor chayta nini.

Isaías 17:10

Qanqa salwajniyki Diosta qonqaporqanki. Mana qanqa jark'asoj chhankamanta yuyarikorqankichu. Astawampis qanqa sumaj sach'asta plantarqanki, waj dioskunata yupaychanallaykipaj.

Proverbios 30:9

Mikhunay ashkha kanman chayqa, qanta qonqapuykiman, niykimantaj qanta mana rejsisusqayta; sichus pisiwanman chayri, suwakuymanñataj qokuyman. Ajinamanta Diosniypa llimphu sutinta qhesachayman.

Jeremías 5:7

Señorqa nin: Imaynatataj kay tukuymanta perdonaykimanri? Wawasniyki saqerpariwanku, jurankutaj qhasi mana kaj dioskunasninkunejta. Ashkha mikhunawan atipacherqani, jinapis paykunaqa qhenchachakorqanku, tukuyninkutaj qhencharioman qokaporqanku.

Ezequiel 23:35

Chayrayku noqa Señorqa nini: Noqamanta qonqasqaykirayku, wasanchawasqaykiraykutaj qan jasut'isqa kanayki tiyan, munayniykipi purisqaykimanta, qhenchachakuy juchaspi kausasqaykimantawan.

Ezequiel 28:5

Jatun yachayniykiwan tratosta ruwaspa, kapuyniykita ashkhayacherqanki. Chay jina ashkha kapuyniykiraykutaj sonqoykipi jatunchakorqanki.

Oseas 2:7

Munasqa qharisninta qhatiykonqa. Chaypacha nenqa: Kutiykapusaj ñaupa qosayman, imaraykuchus paywan kunanmanta aswan sumajta purej kani, nispa.

Oseas 4:6

Aylloyqa mana yuyayniyoj, chayrayku chinkachisqa karqa. Qantajrí, sacerdote, yachayta qhesacharqanki, noqapis qhesachasqayki sacerdoteypaj kanaykita. Qan qonqaporqanki Diosniykimanta yachachiykunasta, jinata noqapis qonqapusaj mirayniykimanta.

Oseas 4:7

Sacerdotesqa may chhika kasqankuman jina, chhikallatataj contraypi juchallerqanku; chayrayku honrayoj kasqankuta p'enqayman tukuchisaj.

Oseas 7:14

Qhaparqachanku camankupi kashaspa manataj sonqowanchu wajyakuwanku. Trigota jinataj vinota mañakuspa nanarachikunku. Contraypi oqharikorqanku!

Oseas 8:14

Israelqa oqharin palaciosta, chay ruwajninmantataj qonqakapun. Judapis oqharin ashkha llajtasta sinch'i ruwasqasta, noqataj chay tukuyta ninapi q'olachisaj tukuy palaciosnintinta ruphanampaj.

Oseas 12:8

Efraenqa nin: Qhapajyaykuni, allin kaj qhatiriwan, jinapis ni pi ch'atanawan kanqachu chay gananciasniyta llullakuspa tarisqaymanta!

Oseas 5:14

Imaynatachus uj león oqoykunampaj phawaykun, ajinata noqapis Efrainta Judatawan ruwasaj; noqa kikiy t'unarpariytawankama ripusaj; jap'ejtiykamaqa ni pipis qhechuyta atiwanqachu.