Oseas 13:10 - Qheshwa Biblia DC

¹⁰ Kunanrí, maypitaj reyniyki tukuy llajtasniykipi jark'akunasumpaj kashan? Maypitaj kashanku kurajkunasniykiri, paykunamantachus mañarqanki reyta kuraj kaj runasniykitapis chaykunari?

DIOSPA QHELQACHISQAN DEUTEROCANONICAL

¹⁰ Kunanrí, maypitaj kuraj kamachejniyki kashan tukuy suyuykipi jark'akunasunpaj? Maypitaj kashanku kurajniykikuna, pikunamantachus kuraj kamachejniykipaj, kurajniykikunapaj ima mañakuwarqanki, chaykunari?

DIOSPA QHELQACHISQ

¹⁰ Kunanrí, maypitaj kuraj kamachejniyki kashan tukuy suyuykipi jark'akunasunpaj? Maypitaj kashanku kurajniykikuna, pikunamantachus kuraj kamachejniykipaj, kurajniykikunapaj ima mañakuwarqanki, chaykunari?

Oseas 13:10 Referans Kwoze

Oseas 8:4

Mana noqallawan reykunata churarqokunku. Kuraj kamachejkunasninkutapis mana yachasqallay churarqokunku. Qolqesninkuta qorisninkutapis oqharerqanku lantikunata ruwanankupaj, jinamanta paykuna kikinkuta phirikuspa.

Oseas 10:3

Kay ayllu kunan nerqa: Mana tiyapuwanchu reyniyku, mana tukuy sonqowan Señorta yupaychasqaykurayku. Chaywampis, reyrí, imatataj ruwayta atinman noqanchejraykuri?

San Juan 1:49

Chaymantataj Natanael nerqa: Maestro, qanqa Diospa Churin kanki, Israelpa Reynin.

Zacarías 14:9

Chay p'unchaypeqa Señorlla kamachenqa tukuynin jallp'api. Chaypacha uj k'ata Señorlla kanqa, uj k'atallataj sutimpis kanqa.

Oseas 13:4

Señor nin: Noqa Señor Diosniyki kani Egiptopi kasqaykimantapacha: Ama pitapis Diosniykipaj jina rejsiychu manachayqa noqallata, noqallamin salvajniykeqa kani.

Jeremías 8:19

Aylluypa waqasqasnenqa tukuy jallp'aspiña uyarikun: Señorqa manañachu Siompi kashan? Manañachu reynenqa chaypi kashan?, nispa. Señortaj kutichin: Imaraykutaj phiñachiwarqankichej chay lantikunata yupaychaspa, mana rejsisqa dioskunatari?, nispa.

Jeremías 2:28

Judá, maypitaj chay ruwakusqasniyki dioskuna kashankuri? Mashkhachus llajtasniyki chay chhikallataj dioskunasniyki tiyapusunku. Ñak'ariyman chayajtiyki paykuna jamuspa salvasuchunku.

Isaías 43:15

Noqamin kani Señorniykichej, Santo Diosniykichej, Israelta ruwaj, reyniykichejtaj.

Isaías 33:22

Señorqa cheqanchawajninchej, Señorqa kamachiwajninchej, Señorqa reyninchej. Pay kikinmin salvawasunchej.

Salmos 149:2

Israel ayllu ruwajnimpi kusikuchun, Sión llajta reynimpi qhochukuchun.

Salmos 89:18

Señorqa jark'awajninchej, Israelpi ajllasqa reyninchej.

Salmos 74:12

Unaymantapachaña qan reyniy kanki. Salvacionta kay pachapi wakichinki.

Salmos 44:4

Qan Diosníy, reyníy, aylluykita atipacherqanki.

Salmos 10:16

Señorqa wiñaypaj rey. Diospi mana creejkunaqa llajtankumanta wijch'usqas kanqanku.

2 Reyes 17:4

Chanta Asiriamanta reyqa reparakorqa Oseas paypa contrampi oqharikushasqanta, Egiptoj reynin Soman kamachisninta kachasqanta, chantapis Asiria reymanqa mana tasata pagarqañachu, imaynatachus sapa wata pagaj ajinataqa. Chayrayku Asiriamanta reyqa kamacherqa Oseasta carcelman wisq'aykunankuta.

1 Reyes 12:20

Tukuynin israelitastaj Jeroboam kutimusqanta uyarispa, tantasqas kasharqanku chayman wajyachimuspataj, tukuy Israelpi kamachejta churarqanku, ni mayqen ayllupis qhepakorqachu Davidpa mirayninta qhatejqa, manachayqa Judá ayllumanta kajkunalla.

Oseas 3:4

Israelitasqa unayta kanqanku mana reyniyoj nitaj kamachejkunasniyoj, nitaj rikuchikusta jaywaspa, nitaj ch'eqosqa rumista yupaychaspa, mana sacerdote p'achasniyoj nitaj ayllu ukhupi lantikunasniyoj.

Oseas 7:7

Arí, tukuy paykunamanta ruphaykushanku imaynatachus uj horno kamachejkunasninta q'olaykushanman jinata. Tukuy reykunasninku urmarqanku, manañataj ni ujpis kanchu qhaparikuwajkunaqa.

1 Samuel 8:7

Señortaj kay jinata kuticherqa: Uyarillay imastachus israelitas mañakusqankuta, manamin qantachu qhesachasunku, manachayqa noqata, ama paykunata kamachinaypaj.

Lamentaciones 4:20

Señorpa ajllakusqan, pichus noqaykuta kausachiwajniykoqa preso urman. Paymanta noqaykoqa nej kayku: Tukuy nacionespa chaupimpi paypa llanthullampi kausasunchej, nispa.