Oseas 12:7 - Qheshwa Biblia DC

⁷ Señor nin: Canaanqa falso pesanata makimpi jap'ishan, imaraykuchus runasta ch'aukeyay aytaqa gustan.

DIOSPA QHELQACHISQAN DEUTEROCANONICAL

⁷ 7 (8) Tata Dios nin: Canaanqa mana cabalta pesaj balanzata apaykachan, imaraykuchus runakunata q'otiyaspa misk'irichikun.

DIOSPA QHELQACHISQ

⁷ 7 (8) Tata Dios nin: Canaanqa mana cabalta pesaj balanzata apaykachan, imaraykuchus runakunata q'otiyaspa misk'irichikun.

Oseas 12:7 Referans Kwoze

Proverbios 11:1

Señorqa chejnikun mana cheqan kaj pesasta, cheqan pesastarí munakun.

Santiago 5:4

Qankunataj mana pagarqankichejchu, chajraykichejpi llank'ajkunaman cosechata oqharispa, ch'aukiyasqas kasqankurayku. Chay cosechata oqharejkunataj qhaparishanku contraykichejpi; chaytaj atiyniyoj Señorpa ningrinman chayan.

San Juan 2:16

Palomasta qhatojkunamantaj nerqa: Kaykunata orqhoychej kaymanta. Tataypa wasintaqa ama qhatuna wasiman tukuchiychejchu.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

Zacarías 14:21

Judapi, jinataj Jerusalempi mankasqa Tukuy Atiyniyoj Señorman t'aqasqas kanqanku. Pillapis uj rikuchikuta qoyta munajqa chay mankasta oqharispa, uywaspa aychanta chayachispa qoyta atillanqa. Chay p'unchaypeqa manaña kanqachu qhatojkuna Tukuy Atiyniyoj Señorpa yupaychana wasimpi.

Miqueas 7:2

Kay pachapi manaña kanchu cheqan runas nitaj Diosman sinch'ita sayaj kajkunapis; tukuy suyashanku wañuchillaytaña, chay hora chayamunallanta ruwanankupaj; ujkuna ujkunataj misk'achinakunku.

Amós 5:11

Qankunaqa mana atiwajchejchu rumimanta ruwasqaykichej wasispi, nitaj vinotapis ujyawajchejchu tarpusqaykichej uvasmanta; wajchasta sarusqaykichejrayku; trigomanta impuestota mañasqaykichejrayku.

Amós 4:1

Uyarichej kay palabrasta, sumaj mentasqa warmis, Samaria orqospi tiyakojkuna. Qankuna ñak'arichinkichej wajchasta, pisichikojkunata maqankichej. Qosasniykichejtataj kamachinkichej: Apamuychej vinota, ujyanachejtaj, nispa.

Amós 3:9

Asdodpa palaciosnimpi, Egiptoj palaciosnimpiwan willamuychej, niychejtaj: Samaria orqosman tantakamuychej, qhawaychejtaj imayna pejtuchus chaypi kasqanta, imaynatatajchus runasta ñak'arichisqankuta.

Amós 2:7

Wajchasta ñak'arichinku, k'umuykachachinkutaj, manataj imatapis cheqanta ruwayta munankuchu pisi yachayniyoj runaspaj. Tatantaj wawantaj uj warmillawan puñuykunku. Ajinamanta llimphu sutiyta ch'ichichanku.

Ezequiel 22:29

Llajta runasqa mayta sajrayanku, suwankutaj. Wajcha runasta mana kapuyniyojkunatapis munasqankuta ruwanku. Waj llajtamanta kajkunatapis mana allinta ruwaspa ñak'arichinku.

Ezequiel 16:3

Kay jinata Jerusalenmanta nin Señorqa: Rikhuriyniykeqa, nacekuyniykipis Canaán jallp'api karqa. Tataykeqa amorreosmanta karqa, mamaykita hitita karqa.

Isaías 3:5

Runasqa paykunapura qhollpinakonqanku, ujkuna ujkunawan purajmanta maqanakonqanku. Waynasqa machu runaspa contranta oqharikonqanku, wajcha runastaj qhapaj runaswan maqanakonqanku.

Proverbios 16:11

Cheqan pesaswan, chimpuswanqa Señorpatamin; chay tukuy pesasqa paypa ruwasqasnin.

1 Samuel 12:3

Kunanqa kaypi qankunawan kashani: Sichus pejpa bueyesninta, chayri burrontapis jap'ikaporqani, chayri pitapis tumparqani, chayri llakicherqani, chayri piwampis lluk'iykuchikuspa t'inkata jap'erqani chayqa, kunampacha Señorpa ñaupaqempi juchachawachun, ajllasqan chay reypa ñaupaqempipis niwaychej, noqataj mashkhachus qonay kasqanta qopusqaykichej.

Miqueas 2:1

Ay, jaqaykunamanta piskunachus mosqoykunasninkupipis juchasta ruwanankupaj umachakushallankupuni, q'ayantin sut'iyamojtinkamataj chayta ruwanku imaraykuchus makisninkupi atiy kasqanrayku!

Ezequiel 28:5

Jatun yachayniykiwan tratosta ruwaspa, kapuyniykita ashkhayacherqanki. Chay jina ashkha kapuyniykiraykutaj sonqoykipi jatunchakorqanki.

Zacarías 5:8

Angeltaj niwarqa: Chay warmeqa sajra kay, nispa. Chay medina ukhuman tanqaykuspataj titi kirpananwan wisq'aykorqa.

Génesis 49:18

Señorníy, suyarqani qan salvanawaykita!

Isaías 56:1

Señorqa nin: Cheqan kaj ruwayta ruwaychejpuni, imatapis cheqanta ruwaychej, imaraykuchus salvanay p'unchayqa qayllapiña kashan, cheqanchayniypis chayamushanña.

Oseas 14:2

Señorman kutiriychej, kay jina mañakuywan qayllaykuychej. Perdonapuwayku tukuy juchasniykumanta, kay allin ruwasqasniykutataj jap'iy, kay yupaychaykunasta apamusqaykutapis jap'iy.

Joel 2:12

Kunanqa Señor nin: Noqaman tukuy sonqo kutirimuychej. Ayunota ruwaychej, qhaparikuychej, waqaychejtaj!