Oseas 12:2 - Qheshwa Biblia DC

² Señor pleitota oqharin Israelwan. Jacobpa ayllunta jasut'enqa chay jinata ruwasqanmanta, chantá pagaponqa chay ruwasqanman jina.

DIOSPA QHELQACHISQAN DEUTEROCANONICAL

² 2 (3) Tata Diosqa Israelwan quejaman yaykun. Jacobpa ayllunta mana allin kajta ruwasqankuman jina jasut'enqa, chantá ruwasqanman jinataj pagaponqa.

DIOSPA QHELQACHISQ

² 2 (3) Tata Diosqa Israelwan quejaman yaykun. Jacobpa ayllunta mana allin kajta ruwasqankuman jina jasut'enqa, chantá ruwasqanman jinataj pagaponqa.

Oseas 12:2 Referans Kwoze

Miqueas 6:2

Uyariychej qankuna, orqos, jinataj jallp'aj sinch'i rumisnimpis: Señor renqa llajtampa contrampi cuentata mañaj; uj phiñanakuymantaj yaykonqa Israel ayllumpa contrampi.

Oseas 4:1

Israelitas, uyariychej Señorpa nisqanta. Pay yaykunña phiñanakuyman kay llajtapi tukuy tiyakojkunawan, imaraykuchus manaña paykuna ukhupi kanchu cheqamanta munakuy, manachayqa ch'aukeyanakuylla, nitaj Diostapis rejsinkuchu.

Isaías 10:6

Asiriosta juchasapa runasman kachasaj, k'ajajta phiñachiwaj llajtaman pusasaj, imankuchus kajta, kapuyninkutapis qhechumunampaj, callespi t'uruta jina sarunampaj.

Gálatas 6:7

Ama ch'aukiyakuychejchu; Dioswanqa mana pujllakuy kanchu; chayrayku runa imatachus tarpun, chayllatataj oqharenqa.

Romanos 2:6

Paytaj sapa ujman qoponqa ruwasqanman jina.

San Mateo 16:27

Runaj Churenqa, Tatampa janaj pacha k'anchaynimpi jamonqa angelesninwan. Chaypachataj sapa ujman qoponqa ruwasqanman jina.

Oseas 8:13

Paykunapajqa may sumaj kasqa chay ñak'ariy rikuchikusqa, chay rikuchikustataj jaywanku, chay rikuchikusmanta jaywasqankumanta aychastataj mikhunku; jinapis noqa Señor chaykunawanqa mana kusisqachu kani; noqa yuyarikusaj chay millay ruwasqasninkumanta jasut'isajtaj chay juchasninkumanta, Egiptoman paykunata kutirichispa.

Oseas 4:9

Tukuy aylluta jinataj sacerdotestapis chay ruwasqankuman jina jasut'isaj.

Oseas 2:13

Jasut'isaj chay lantisninkuman inciensosta q'osñichispa tiemponkuta usuchisqankuman jina. Noqamanta qonqapuspa, anilloswan jinataj collareswan t'ikanchaykukuspa chay munasqasninta qhatiykachasqanmanta. Noqa Señor chayta nini.

Jeremías 25:31

Chay ch'ajwayqa kay pachaj cantosninman chayanqa, imaraykuchus Señorqa uj naciompa contrampi juiciota oqharenqa. Pay tukuy runasta cheqanchanampaj wajyanqa, chay juchayojkunatarí wañuyman wijch'uykunampaj. Señormin chaytaqa nin.

Isaías 59:18

Chayta churakorqa sapa uj enemigosninman ruwasqankuman jina qopunampaj. Mayta phiñakuspa enemigosninta jasut'enqa, astawanqa mar qocha cantospi kajkunata.

Isaías 24:21

Chaypacha Señorqa janaj pachapi atiyniyojkunata jasut'enqa; jinallataj kay jallp'a patapi kaj reykunatapis.

Isaías 10:12

Señorqa Sión orqopi, Jerusalempiwan ruwaspaña, Asiria reytañataj jasut'enqa, anchata wapuykachasqanta, may kasqanta yuyakusqanmantataj.

Isaías 3:11

Imaynachus kanqa juchasapa runaqa! Paytaqa mana allinchu renqa. Paymanqa imastachus ruwasqanman jina pagasqa kanqa.

Oseas 9:9

Q'ala millay kausayman qonkaporqankichej chay Gabaaj tiemposnimpi jina. Chaywampis Señor yuyarikonqa tukuy juchasinkumanta jasut'enqataj chay juchasninkumanta.

Oseas 7:2

Mana yachankuchu noqa qhawashasqayta chay tukuy sajra ruwasqasninkuta. Kunanqa chay kikin ruwasqasninku paykunaman muyuykun, chay tukuytaj rikuynimpi kashanku.

Oseas 9:15

Señor nin: Gilgalpi tukuy kaj juchata ruwarqanku, chaypitaj chejnikuyta qallarerqani. Chay sajra ruwasqasninkuraykutaj wasiymanta paykunata wijch'usaj; manaña munakullasajpunichu, chay kuraj runasninkupis tukuyninku contraypi oqharikorqanku.

Amós 2:4

Ajinata nin Señorqa: Judamanta kaj runasqa ashkha sajra imasta ruwaspa juchallikunku, chayrayku paykunata jasut'isajpuni; paykunaqa Señorpa yachachiykunasninta qhesacharqanku, manataj kamachisqasninta kasorqankuchu. Manachayqa tatasninku ima lantistachus yupaycharqanku, chaykunallatataj yupaycharqanku.

2 Reyes 17:4

Chanta Asiriamanta reyqa reparakorqa Oseas paypa contrampi oqharikushasqanta, Egiptoj reynin Soman kamachisninta kachasqanta, chantapis Asiria reymanqa mana tasata pagarqañachu, imaynatachus sapa wata pagaj ajinataqa. Chayrayku Asiriamanta reyqa kamacherqa Oseasta carcelman wisq'aykunankuta.

Job 15:2

Yachayniyoj runaqa mana qhasi manakaj palabraswanchu kutichin, nitaj yuyayninta wayra kaj palabraswanchu junt'achin.

Salmos 78:36

Qallunkuwan, siminkuwantaj, k'acha llullakuykunasta nej kanku.

Eclesiastés 5:15

Imaynatachus mamampa wijsanmanta q'alalla llojserqa, ajinallatataj q'alalla kutiponqa mana imayoj. Llank'asqanmantaqa mana imatapis apanqachu, imaynachus nacerqa kikillantaj chinkaponqa.

Isaías 30:6

Neguevpi animalesmanta sut'inchay: Llakiy ñak'ariy jallp'anejta, maypichus leoneslla imaymana phawaj kataris ima tiyanku, chaynejta tukuy kapuyninkuta, qhapajyayninkutawan burrospi, camellospi ima apanku mana yanapayta atej Egipto llajtaman.

Oseas 7:1

Maypachachus Israel aylluywan allin kaymanña yaykuyta munasharqani, maypachachus jampikapuyta munasharqani, jinallamanta Efraín jinataj Samariapis juchasninkuta, chay millay ruwasqasninkutapis sut'iman rikhuricherqanku; imaraykuchus tukuyninku llullas kanku, suwas jina wasisman yaykuykunku, kikin ñan patapi runasmantapis qhechuraj churakunku.

Oseas 7:11

Efraenqa, uj paloma jina umphu, mana allin yuyayniyoj; Egiptomanta yanapata mañakun, chantarí Asiriamampis qayllaykullantaj.

Oseas 8:9

Asiriaman wicharisqankurayku uj qhella monte burro jina. Efrainrí t'inkasta aparqa munasqasninta tarinampaj!

Oseas 8:10

Jinapis chay llajtas ukhupi t'inkasta rak'irachun. Kunan noqa paykunata ch'eqerachisajpuni, jinamanta uj tiempotaqa mana reykunasninku nitaj kurajkunasninku kanqachu;