Oseas 11:9 - Qheshwa Biblia DC

⁹ Mana phiñakuyniy k'ajarisqanman jinachu ruwasaj: Mana watejmanta Efrainta t'unasajñachu, imaraykuchus noqa Dios kani, mana runachu, noqamin Santo kani, chaupiykichejpi kashani chay, manataj t'unata ruwajchu jamuykichej.

DIOSPA QHELQACHISQAN DEUTEROCANONICAL

⁹ Mana phiñakuyniy k'ajarisqanman jinachu ruwasaj. Mana ujtawan Efrainta chinkachisajñachu, imaraykuchus noqaqa Dios kani, manataj runachu. Noqa chawpiykichejpi May Llimphu Kaj Diosmin kani, manataj phiñasqachu qankunaman jamusaj.

DIOSPA QHELQACHISQ

⁹ Mana phiñakuyniy k'ajarisqanman jinachu ruwasaj. Mana ujtawan Efrainta chinkachisajñachu, imaraykuchus noqaqa Dios kani, manataj runachu. Noqa chawpiykichejpi May Llimphu Kaj Diosmin kani, manataj phiñasqachu qankunaman jamusaj.

Oseas 11:9 Referans Kwoze

Números 23:19

Diosqa mana wañojkuna jinachu, mana llullakunchu, nitaj imatachus nisqantapis q'ewichinchu. Imatachus nisqanta payqa junt'an. Imatachus nisqantapis payqa qompuni.

Jeremías 30:11

Noqa Señor nillanitaj, qanwan salvasunaypaj kashasqayta. Tukuy nacionesta tukuchisaj maypichá ch'eqeracherqayki chaykunata. Jinapis qantaqa mana tukuchisqaykichu; jasut'isqayki juchallikusqaykiman jinalla. Manapuni saqesqaykichu mana jasut'ispaqa.

Isaías 12:6

Siompi tiyakojkuna kusiywan takiychej, imaraykuchus Israelpa Santo Diosnenqa qankunaj chaupiykichejpi kashan, tukuy jatun kayninwan.

Malaquías 3:6

Señormin noqa kani; kikillampunitaj kani. Chayrayku qankuna, Jacobmanta mirajkuna, mana t'unasqachu karqankichej.

Oseas 14:4

Señor nin: Noqa jampisaj juchachakusqankumanta; noqa munakusaj mana merecesqankuraykupis, imaraykuchus phiñakuyneyqa paykunamanta t'aqakapunña.

2 Samuel 20:10

Amasaqa mana qhawarikorqachu Joab makimpi espadata jap'ishasqantaqa. Jinallamanta Joabqa chaywan wijsampi t'ojsirparerqa, tukuynin wijsantaj thallikamorqa. Wañorqataj Joab mana ujtawan t'ojsejtillan. Chaymantataj Joabwan hermanon Abisaiwan imaqa Bicrej wawan Sebata qhatillarqankupuni.

Isaías 48:9

Sutiyrayku phiñakuyniyta ñit'iykukuni. Noqa jatunchasqa kanayrayku mana chinkacherqaykichu.

Salmos 78:38

Diostaj paykunamanta khuyakoj, sajra kayninkuta pampachaj paykunata mana tukuchispa; ashkha kuti ithiricherqa phiñakuyninta, manataj phiñakuywan atipachikorqachu.

1 Samuel 26:8

Chanta Abisaeqa Davidman nerqa: Dios makisniykiman enemigosniykita churan. Saqeway kunan, kay kikin lanzallanwantaj pampaman tinkuchispa wañuchinayta. Payqa uj takayllapaj kashan.

Deuteronomio 13:17

Qankunaqa chay tukuy imas chinkachisqa kananmanta ama imatapis jap'ikapunkichejchu. Chayta ruwankichej chayqa, Señorpa sinch'i phiñakuynenqa tiyaykonqa, qankunatataj khuyasonqachej. Qankunata perdonaspataj ashkhata mirachisonqachej, tatasniykichejman juraspa nisqanman jina.

Salmos 46:5

Diosninchej chay llajta chaupipi kashan, paytaj sayachenqa, sut'iyajtintaj yanapanqa.

Isaías 5:24

Chayrayku, imaynatachus ninaqa ichhuta q'olaykun, larwaynintaj ch'aki laqhesta ujllata rupharparin, ajinata qankunaqa chinkarparinkichej. Saphinmanta ismoj yura jina, t'ikasnintaj ñut'u jallp'aman tukupun, ajinata. Qankunaqa Tukuy Atiyniyoj Israelpa Santo Diosnimpa kamachisqantaqa mana kasunkichejchu.

Isaías 31:1

Ay, Egiptoman uraykojkuna yanapachikunankurayku, caballosninkuman atienekojkuna, ashkha carretaspi atienekojkuna, caballospi wapu rejkunapi atienekojkuna, manataj Israelpa Santo Diosninta qhawarinkuchu.

Isaías 41:14

Ama manchachikuychu pisi kallpayoj Israel, Jacobpa ayllun. Noqa yanapajniyki kani. Noqa Israelpa Santo Diosnin, Salvadorniyki kani.

Isaías 41:16

Chaymantaqa wayrachinki, wayrataj apakaponqa, muyoj wayrataj kayman jaqayman t'akaranqa. Qantaj Señorpi kusikunki. Israelpa Santo Diosninmantataj mayta kusisqa yuyarikunki.

Jeremías 26:3

Ichapis kasusunkuman, chay sajra ruwaykunasninkutataj saqenkuman, jinamanta noqapis manaña chay sajra ruwasqasninkumanta jasut'iymanñachu, imaynatachus yuyasharqani jinataqa.

Salmos 85:4

Salvawajniyku Dios, salvawayku kunampis ari, amañataj noqaykupaj phiñasqa kaychu.

Oseas 12:1

Efraenqa wayrallata upispa kausan: Tukuy p'unchaynintinta inti llojsimuy wayraj qhepanta ripun. Llullerasninta yapashallampuni, millay phiñaywan ruwaykunasnintapis, Asiriawan tratosta ruwarikun, aceite t'inkastataj Egiptoman aparichin.