Oseas 11:5 - Qheshwa Biblia DC

⁵ Chaywampis paykunaqa manapuni kutirimuwayta munarqankuchu. Chayraykumari Egiptoman kutirinanku karqa. Asiriataj paykuna patapi kamachenqa.

DIOSPA QHELQACHISQAN DEUTEROCANONICAL

⁵ Chaywanpis paykunaqa mana noqaman kutirimuwayta munarqankuchu. Chayraykumari Egiptoman kutirinanku kanqa, Asiriataj paykunata kamachenqa.

DIOSPA QHELQACHISQ

⁵ Chaywanpis paykunaqa mana noqaman kutirimuwayta munarqankuchu. Chayraykumari Egiptoman kutirinanku kanqa, Asiriataj paykunata kamachenqa.

Oseas 11:5 Referans Kwoze

Oseas 7:16

Lantikunaman kutiporqanku; uj wist'u arcoj wach'in waj ladollaman ripun ajinata, paykunapis waj ladollaman ripunku. Phiña palabraswan parlasqankurayku kurajkunasninku t'ojsinaswan t'ojsisqas wañonqanku, Egiptopitaj paykunamanta asiykukonqanku.

Oseas 8:13

Paykunapajqa may sumaj kasqa chay ñak'ariy rikuchikusqa, chay rikuchikustataj jaywanku, chay rikuchikusmanta jaywasqankumanta aychastataj mikhunku; jinapis noqa Señor chaykunawanqa mana kusisqachu kani; noqa yuyarikusaj chay millay ruwasqasninkumanta jasut'isajtaj chay juchasninkumanta, Egiptoman paykunata kutirichispa.

Oseas 10:6

Chaywampis, kikin waka uña lanti Asiriaman apasqa kanqa chay jatun reyman jaywakapunankupaj. Jinamanta Efraenqa p'enqasqa rikhurenqa. Israelpis p'enqasqa rikhurenqa chay lantimanta.

Oseas 9:3

Efraenqa Egiptoman kutiponqa, Asiriapitaj mikhonqa ch'ichi mikhunasta. Manaña Señorpa jallp'ampeqa tiyakonqachu.

Amós 5:27

Damascomanta aswan jaqayman apachichisqaykichej. Ajinata nin Tukuy Atiyniyoj Señor Diosqa. Chaymin sutenqa.

Amós 4:6

Noqa yarqhayta apachimorqaykichej tukuy llajtasniykichejman; noqa mikhunamanta pisicherqaykichej, tukuy llajtasniykichejpi. Chaywampis qankunaqa mana noqaman kutirimuwankichejchu. Ajinata nin Señorqa.

Oseas 9:6

Paykunaqa chinkachisqas kanamanta ayqenku. Egiptotaj jap'ikaponqa, Menfispitaj p'ampasqas kanqanku. Qolqe jallch'anasninkupirí itapallu qhoraslla junt'aykonqanku, jarasninkupipis khishkaslla junt'aykonqanku.

Oseas 6:1

Tukuy jamuychej, Señorman kutirimpuychej. Pay phiriwarqanchej, jinapis payllataj jampiwasunchej. Nanachiwarqanchej, payllataj sanoyachiwasunchej.

Oseas 5:13

Efraín onqosqa kasqanta rikuspa, Judataj nanachikusqasninta rikukuspa, Efraenqa Asiriaman renqa jatun reypa yanapanta mañakoj, reytaj mana sanoyachiyta atenqachu, nitaj nanasqasnintapi jampiykuyta atenqachu.

2 Reyes 15:29

Israelmanta rey Pekaj p'unchaykunasnimpitaj asiriospa reynin Tiglat-pileser jamuspataj Israelmanta wakin llajtasta jap'ikaporqa: Ijonta, Abel-bet-amaacata, Janoata, Cedestsa, Hazorta, Galaadta, Galileata tukuynin Neftalitawan. Chaymantataj Asiriaman presosta aparqa.

2 Reyes 15:19

Asiriamanta Pulqa Israel llajtayojkunata maqaj jamorqa; Israelpa reynin Manahemtaj Pulman apacherqa kinsa chunka kinsayoj waranqa kilo qolqeta, ajinamanta paypa reinonta sayachiyta yanapanampaj.

Deuteronomio 17:16

Chay reyqa ama ashkha caballosta rantichunchu, nitaj Egiptomampis runasta kachachunchu astawan caballosta rantejta. Señorqa nisorqachejña: Amaña jayk'ajpis Egiptoman kutirinkichejchu, nispa.

Amós 4:11

Jasut'erqaykichej t'unanaykama, imaynatachus Sodomata Gomorratawan jasut'erqani jinata. Nina brasas orqhosqa jina karqankichej. Qankunataj mana kutirimuwankichejchu. Ajinata nin Señorqa.