Oseas 11:2 - Qheshwa Biblia DC

² Noqa payta astawan wajyasqayrayku, astawan pay noqamanta t'aqakapushawarqa. Aylloyqa jaywasharqa rikuchikusninta qhasi llulla dioskunallaman, inciensostataj q'osñichisharqa lantisman.

DIOSPA QHELQACHISQAN DEUTEROCANONICAL

² Chaywanpis astawan payta wajyashajtiy, astawan noqamanta karunchakuwarqa. Payqa uywa ñak'asqata qhasi manakaj dioskunaman jaywarqa, inciensotataj lantikunaman q'oshñicherqa.

DIOSPA QHELQACHISQ

² Chaywanpis astawan payta wajyashajtiy, astawan noqamanta karunchakuwarqa. Payqa uywa ñak'asqata qhasi manakaj dioskunaman jaywarqa, inciensotataj lantikunaman q'oshñicherqa.

Oseas 11:2 Referans Kwoze

Oseas 2:13

Jasut'isaj chay lantisninkuman inciensosta q'osñichispa tiemponkuta usuchisqankuman jina. Noqamanta qonqapuspa, anilloswan jinataj collareswan t'ikanchaykukuspa chay munasqasninta qhatiykachasqanmanta. Noqa Señor chayta nini.

Jeremías 18:15

Aylloyqa qonqarparipuwan, chay qhasi dioskunasninmantaj inciensosta jaywakapun. Chay ñaupa cheqan ñanmanta chinkarparin, waj mana rejsisqa ñankunasta qhatiykuspa.

Isaías 65:7

Chantá Señorqa nillantaj: Juchasniykichejrayku, ñaupa tatasniykichejpa juchasninrayku ima, paykunaqa orqo puntaspi inciensosta ruphacherqanku, jinallataj loma pataspipis. Chayrayku noqaqa ñaupa juchasniykichejman jina pagota qopusqaykichej. Señorqa chayta nerqa.

Oseas 11:7

Israel aylloyqa noqamanta karullapipuni kayta munashan. Mayta oqharerqanku pataman, ni pipis paykunata yanapanchu.

Hechos 7:51

Estebanqa nillarqataj: Qankunaqa mana yuyayniyoj rumi sonqos, mana uyarikojtaj kankichej. Chayrayku Santo Espíritoj contrampi kankichej, ñaupa tatasniykichej jina, wapuchakunkichejtaj.

San Juan 3:19

Kaytaj chay juchachayqa, kay pachaman k'anchay jamorqa, runakunataj laqhata k'anchaymanta nisqaqa astawan munakorqanku, sajra ruwanaspi kausasqankurayku.

San Lucas 13:34

Jerusalén, Jerusalén, profetasta wañuchej llajta; qanman kachamusqastapis rumiswan ch'anqarqanki! Mashkha kutita, wawasniykita tantayta munarqani, imaynatachus wallpa chillwisninta lijrasnin uraman tantaykun ajinata, qantaj mana munarqankichu!

Zacarías 7:11

Runastaj mana kasuta ruwarqankuchu. Tukuyninku wasanchakorqanku mana uyarejtaj tukorqanku.

Nehemías 9:30

Ashkha watasta qanqa paykunawan pacienciakorqanki, Espirituykinejta, profetasniykinejtataj paykunaman willachej kanki, chaytapis manallataj kasojchu kanku. Chayraykutaj waj nacionespa kamachiynin uraman churarqanki.

1 Reyes 18:19

Kamachiy ari kunanqa, tukuynin israelitas Carmelo orqoman tantakamunankuta, Baalpa tawa pachaj phishqa chunkayoj profetasninta, Aseraj tawa pachaj profetasnintawan ima, pikunachus Jezabelpa mesanmanta mikhunku chaykunata.

1 Reyes 12:33

Pusaj kaj killapi chunka phishqayoj p'unchaypi, altarta ruwarqa chay patapi uywa ñak'asqasta jaywarqa Betelpi. Kikin sonqonmanta orqhokuspa chay killapi israelitaspaj fiestata ruwarqa, llojserqataj chay altarman inciensota ruphachej.

Jueces 10:6

Israelitasqa watejmanta ruwallarqankutaj Señorpa contranta, yupaychaspa Baalman jinataj Astarteman rijch'akoj lantista, ajinallatataj Siriamanta dioskunasninkuta, Sidonmanta, Moabmanta, Amonmanta, jinataj Filisteojkunatawan. Señorta saqerparispa manaña yupaycharqankuchu.

Jueces 3:7

Israelitasqa qonqaporqanku Señor Diosninkuta, Paypa mana munasqantataj ruwarqanku, yupaycharqankutaj Baalman Astartemanwan tukuy laya rijch'aj lantista.

Jueces 2:13

Señorta saqerparerqanku Baalta yupaychanankupaj, Astartej tukuy laya lantisninta ima.

Zacarías 1:4

Ama ñaupa tatasniykichej jinachu ruwaychej. Paykunaman Diospa ñaupa profetasnin parlarqanku noqaj sutiypi: Saqeychej sajra puriyta t'aqakuychejtaj chay millay ruwaykunamanta, noqa Señor kayta niykichej. Paykunataj mana uyariwarqankutaj nitaj nisqayta kasuwarqankuchu.

Oseas 4:13

Jatun orqo puntaspi juch'uy orqo puntaspipis inciensosta q'oshñichinku jaywankutaj rikuchikusta; jinallatataj roble sach'as uraspi, alamospapi encinaspa phatu llanthusnin uraspipis. Chayrayku warmi wawasniykichej qhenchachakunku, ñojch'asniykichejpis waj qhariswantaj qhenchachakullankutaj.

Jeremías 44:5

Jinapis qankunaqa nisqayta mana ruwarqankichejchu, nitaj kasuwarqankichejchu. Juchasta saqenaykichejtaqa, inciensosta waj dioskunallaman q'osñichinkichej.

Oseas 4:17

Efraenqa lanti yupaychaykunaman qokapun. Tukuyninku machasqas jina urmaranqanku! K'iskimantataj qhenchachakorqanku, astawampis p'enqaypi kayta munarqanku honrayoj kanamanta nisqaqa.