Oseas 10:5 - Qheshwa Biblia DC

⁵ Samariamanta runakunaqa kharkatitinku; waqanku chay Bet-avempi waka uñata chinkachisqankumanta. Chaymantamá tukuy llajta, sacerdotesnintin jik'un jik'unta waqashanku, chay alabasqa kashan chinkasqanrayku.

DIOSPA QHELQACHISQAN DEUTEROCANONICAL

⁵ Samariamanta runakuna kharkatitinku, jinataj Bet Avenpi torillo lanti chinkachisqa kasqanmanta waqashanku. Chaymantamá chay llajtayojkuna, sacerdotekuna ima waqashanku, maypaj qhawasqanku lantinkuta wajkuna apakapusqankurayku.

DIOSPA QHELQACHISQ

⁵ Samariamanta runakuna kharkatitinku, jinataj Bet Avenpi torillo lanti chinkachisqa kasqanmanta waqashanku. Chaymantamá chay llajtayojkuna, sacerdotekuna ima waqashanku, maypaj qhawasqanku lantinkuta wajkuna apakapusqankurayku.

Oseas 10:5 Referans Kwoze

Oseas 9:11

Efraimpaj may jatun kasqanqa uj phawaj p'isqo jina phawanqa. Mana astawan wawas nacekonqañachu, manaña wijsayoj onqoy warmis kanqañachu manaña astawan wawas nacenankupaj.

Oseas 5:8

Gabaapi tocaychej maqanakuyman wajyana putututa! Ramapitaj tocaychej trompetata! Bet-avempitaj mancharichiychej! Benjaminmanta kajkunata kharkatichiychej!

Oseas 4:15

Israel, sichus qan qhenchachakunki chayqa, jinapis Judaqa ama juchayojchu rikhurichun. Ama Gilgalman qankuna riychejchu, amataj Bet-avenmampis wichariychejchu, amallataj Señorpa kausayninraykupis juraychejchu!

2 Reyes 23:5

Chanta lanti yupaychaj sacerdotesta qharqorqa, pikunatachus Judamanta reyes churarqanku lomas pata altarespi inciensota q'osñichinankupaj, Judamanta tukuy llajtaspi, Jerusalempi qayllasnimpiwan. Jinallatataj Baalman inciensota q'osñichinankuta, intiman killaman, ch'askasman, janaj pachapi tukuynin qoyllurkunamanwan.

Oseas 13:2

Kunan juchallapiraj kashanku! Qolqesninkuta unuyarichispa lantista ruwarikunku sapa munarispa, chay ruwajkunaspa munasqanman jina. Chaymanta ninku: Rikuchikusta jaywaychej! nispa; runastaj much'arinku chay waka uñasman rijch'akun lantista.

Hechos 19:27

Chayqa mana walejchu noqanchejpajqa, imaraykuchus qolqe jap'inanchej tukukaponqa. Astawanqa mana chayllachu, Dianaj templon qhesachasqa kanqa, jatun atiynintaj chinkarenqa. Yachankichej jina, Dianataqa tukuy Asiapi, kay tukuy mundontimpi runas yupaychanku.

Sofonías 1:4

Judapi tiyakoj runaspa contrampi makiyta churamusaj, Jerusalempi tiyakoj tukuynin runaspa contrampi ima. Chinkachisajtaj kay lugarmanta Baal llulla diosta tukuy laya yupaychana kajta. Sacerdotesnimpa sutisnintawampacha chinkachisaj.

2 Crónicas 11:15

Jeroboamqa waj sacerdotesta paypaj ajllakorqa, loma pata altarespi Señorman jaywanankupaj. Jinataj supaykunasta yupaychanakupaj, chanta chay waka uñasta ruwacherqa, chaykunasta yupaychanankupaj.

2 Reyes 17:16

Señor Diosninkoj tukuy kamachisqasninta saqerparerqanku. Paykunataj metalta unuyachispa iskay waka lantista ruwakorqanku. Asera k'ullu lantistapis ruwakullarqankutaj. Chay jawaqa yupaychallarqankutaj Baalta, cielopi tukuy qoyllurkunatawan.

2 Reyes 10:29

Chay tukuywampis, Jehoqa manataj Nabatpa wawan Jeroboampaj juchasninmanta t'aqakorqachu, imaswanchus Israelta juchallicherqa chaykunamanta. Ajinata saqellarqa qorimanta waka uñasta Betelpi, Dampi ima.

Jueces 18:24

Micaiataj kuticherqa: Qankuna apakapushankichej ruwakorqani chay lantisniyta, sacerdoteytapis apakapushallankichejtaj, mana imayojtataj saqerparishawankichej, chantá tapuwashankichejrajtaj. Ima pasasunki?, nispa.

Josué 7:2

Josueqa Jericomantapacha runasta kacharqa Hai llajtata qhawamunankupaj; Chay llajtataj kashan Betelpa inti llojsimuynimpi, Bet-aven qayllapi. Paykunaman nerqa imaynatachus chay jallp'asta qhawaramunankuta. Paykunataj rispa sumajta Haita qhawaramorqanku.

2 Crónicas 13:8

Kunan qankunaqa churanakuyta munashankichej Davidpa mirayninnejta kamachisqa kashan chay Señorpa reinonman chaytaqa ruwashankichej, may ashkha kasqaykichejman atienikuspa. Chay jawaqa qorimanta waka uñasta Jeroboam ruwapusorqachej dioskunata jina yupaychanaykichejpaj.

Isaías 46:2

Chay dioskunaqa p'enqaywan wijch'ukunku, manataj salvakuytapis atinkuchu. Paykuna kikinku apachisqas, wijch'usqastaj kanku.

Oseas 9:1

Ama kusikuychu Israel; ama kusikuywan phinkiriychu waj llajta jinaqa. Qanqa qhenchachakunki Diosniykita saqerpayaspa. Maypichus grano trillakun chay eraspi, qanman gustasunki chay qhenchachakusqaykimanta t'inkasta jap'ikuy.

Amós 3:14

Ima p'unchaychus Israelmanta cuentata mañasaj juchata ruwasqasninmanta, chaypacha Betelpa altaresninta phirisaj, wajrasnimpis p'akikuspa pampaman urmanqanku.