Oseas 10:12 - Qheshwa Biblia DC

¹² Paykunaman nerqani: Allin cheqa kajta tarpuychej, munakuy cosechata oqhariychej. Wakichiychej jallp'ata watejmanta tarpunaykichejpaj, imaraykuchus Señorta mask'ana tiempoña, pay jamunankama apamuspa qankunaman salvacionmanta parata.

DIOSPA QHELQACHISQAN DEUTEROCANONICAL

¹² Paykunata nerqani: Cheqan kaj ruwayta tarpuychej, munakuytataj oqharinkichej. Barbechota ruwaychej, imaraykuchus Tata Diosta mask'ana p'unchay chayamunña. Pay jamuspa qhespichisonqachej, chaytaj ch'aki jallp'apaj para jina kanqa.

DIOSPA QHELQACHISQ

¹² Paykunata nerqani: Cheqan kaj ruwayta tarpuychej, munakuytataj oqharinkichej. Barbechota ruwaychej, imaraykuchus Tata Diosta mask'ana p'unchay chayamunña. Pay jamuspa qhespichisonqachej, chaytaj ch'aki jallp'apaj para jina kanqa.

Oseas 10:12 Referans Kwoze

Santiago 3:18

Cheqan kajpa poqoynenqa, sonqo tiyakuypi tarpusqa, allin kausaypi kajkunapaj.

Isaías 45:8

Cielo, qanqa patamanta ch'ajchumuy, phuyus, qankunapis cheqanchayta parachimuychej; chaytataj jallp'aqa jap'enqa, chaywantaj jallp'aqa salvacionta cheqanchaytapis poqochun. Kay imastaqa noqa Señor ruwachini.

Proverbios 11:18

Juchasapa runaqa uj ch'aukiyay pagota jap'in; pichis cheqan kajta ruwajqa sumaj t'inkata jap'enqa.

Isaías 55:6

Señorta mask'aychej kunan tariyta atishaspa; kunan qayllapi kashajtin, Diosta wajyakuychej.

Oseas 6:3

Atisqanchejta kallpachakunachej Señorta rejsinanchejpaj! Señor jamonqapuni noqanchejman, imaynatachus inteqa cheqamanta llojsimunampuni kashan ajinata, chayri imaynatachus paraqa jallp'ata qarpanampuni kashan tiempompeqa, ajinata.

Isaías 44:3

Noqaqa ch'aki pampaspi yakuta phullchichisaj. Ch'aki jallp'aspipis yakuta puririchisaj. Mirayniykiman Espirituyta apachimusaj. Allin imastataj apachimusaj.

Eclesiastés 11:6

Tutamanta mujuta tarpunki, ch'isiyaykuytapis tarpullankitaj; qantaj mana yachankichu mayqenchus aswan allin kasqanta, tutamanta kajchus, chayri ch'isiyaykuyta kajchus, chayri iskayninchus uj rejlla kasqanta.

Salmos 105:4

Señorman riychej, atiyninman atienekuychej, paytataj tukuy tiempo mask'aychej.

San Lucas 13:24

K'ullku punkunejta yaykunaykichejpaj kallpakuychej; imaraykuchus ashkhas munanqanku yaykuyta, manataj atenqankuchu.

Amós 5:15

Sajra kajta chejniychej, allin kajtataj munakuychej. Cheqan ruwayta sayachiychej juzgana cheqapi; ichapis jinamanta Tukuy Atiyniyoj Señor Dios khuyasonqachej Israelmanta puchoj runasta.

Amós 5:6

Señorman qayllaychej, chantaqa kausankichejtaj. manachus jinata ruwankichej chayqa, Pay ninata apachimonqa Israelpa patanman; Betelpitaj mana pipis kanqachu chay ninata thasnoj.

Isaías 31:1

Ay, Egiptoman uraykojkuna yanapachikunankurayku, caballosninkuman atienekojkuna, ashkha carretaspi atienekojkuna, caballospi wapu rejkunapi atienekojkuna, manataj Israelpa Santo Diosninta qhawarinkuchu.

Amós 5:4

Israelitasmanqa ajinatamin nin Señor Diosqa: Qayllamuwaychej noqaman, chantaqa kausankichejtaj.

Oseas 12:6

Ajinaqa ari, Israel kutirikuy Diosniykiman; ruwasqasniyki kachun munakuypi cheqa kajpitaj, Diosniykipitaj confiakullaypuni.

Amós 5:8

Señormin chay chhika ashkha qoyllurkunata ruwajqa, tutatapis p'unchayman tukuchin, p'unchaytapis laqhaman tukuchin; Pay mar qochamanta yakutapis wajyaspa jallp'a pataman parachimun; Paymin jatuchaj perqasta urmachin, raqaymantaj tukuchin. Paypa sutenqa Señormin.

Oseas 8:7

Paykunaqa wayrasta tarporqanku, oqharerqankutaj sinch'i muyoj wayrata. Mana kanqachu cosechanankupaj jina chajrasninkupis nitaj jak'utapis orqhoyta atenqankuchu trigoj espigasninmanta; sichus orqhonkuman chaypis waj llajtasniyojlla mikhukaponqanku.

Hechos 2:18

Chay p'unchaykunapi Espirituymanta chayachisaj qhari kamachisniyman, ajinallatataj warmi kamachisniymampis. Diosmantataj profetas jina willanqanku.

Ezequiel 34:26

Ovejasniytaqa santo lomaypa muyuyninman churasaj, tukuy ima junt'asqasta tiyachisaj. Tiempompi parachimusaj, chay parataj paykunaj allinnimpaj kanqa.

Isaías 32:20

Yakusniyoj tarpojkunaqa kusisqas tiyakunkichej, burrosniykichejtawan, wakasniykichejtawantaj mana llakikuspa kacharparinkichej.

Isaías 30:23

Señorqa chajrasniykipaj parachimonqa, jallp'aman tarpojtiykikama. Jallp'ataj tarpojtiykikama trigota sumajta poqochenqa. Chaypacha wakasniykeqa sumaj pasto pampaspi michisqa kanqanku.

Jeremías 50:4

Señorqa nin: Jaqay p'unchaykunapi israelitas, jinataj Judamanta kajkuna ima noqa Señor Diosninkuta waqaspa mask'awanqanku.

Isaías 5:6

Ch'impachata ruwasaj. Manaña puntasninta k'utonqankuchu, nitaj qhoranqankuchu. Khishkalla junt'aykonqa waj qhoraspiwan. Phuyusman nisaj amaña chaynejman paramunanta.

Proverbios 18:21

Wañuywan kausaywanqa simej atiynimpi kashan; pichus chaykunata munakojqa chaywan sajsakonqa.

Salmos 72:6

Reyqa qhorasta qarpaj jina kachun, chhulla jina jallp'ata qarpajtaj.

2 Corintios 9:10

Dios qon tarpojman mujuta, t'antataj mikhunampaj. Ashkhayachenqataj chajrasniykichejta, yapanqataj allin ruwasqaykichejpa poqoyninta.

Isaías 48:18

Allin kanman karqa sichus kamachisusqayta kasuwankiman chayqa. Kusiyniykeqa uj mayu yaku jina ashkhayanman karqa, atipasqaykipis mar qochaj yaku oqharikusqasnin jina kanman karqa.

Oseas 14:1

Israel, kutirikuy Señor Diosniykiman, imaraykuchus juchasniykirayku urmarqanki!

Isaías 54:14

Cheqan kajwan sumaj sayachisqa kanki; ñak'ariymanta karunchakunki, manañataj manchachikunkichu, imaraykuchus manchachikoyqa manaña qanman qayllamusonqachu.