Números 9:6 - Qheshwa Biblia DC

⁶ Wakin runastajri ch'ichichasqas kasharqanku wañusqasta llankhasqankurayku. Chayrayku paykunaqa chay p'unchaypi Pascuata mana ruwaysikuyta aterqankuchu. Jina kaspa paykunaqa Moiseswan, Aaronwan ima parlaj rerqanku.

DIOSPA QHELQACHISQAN DEUTEROCANONICAL

⁶ Chaywanpis wakin israelitakuna wañusqata llankhasqankurayku mana llimphupaj qhawasqa kasharqanku. Chayrayku paykunaqa chay p'unchaypi mana Pascuata ruwayta aterqankuchu. Jinaqa Moiseswan, chantá Aaronwan ima parlaj rerqanku.

DIOSPA QHELQACHISQ

⁶ Chaywanpis wakin israelitakuna wañusqata llankhasqankurayku mana llimphupaj qhawasqa kasharqanku. Chayrayku paykunaqa chay p'unchaypi mana Pascuata ruwayta aterqankuchu. Jinaqa Moiseswan, chantá Aaronwan ima parlaj rerqanku.

Números 9:6 Referans Kwoze

Números 27:2

Chay phishqa warmis qayllaykorqanku Dioswan tinkukuna toldo punkupi Moisesman, sacerdote Eleazarman, israelitasmanta tukuy kuraj runasmanwan, nerqankutaj:

Éxodo 18:15

Moisestaj payman nerqa: Runasqa jamuwanku Diosmanta tapukunawankupaj. Imaschus paykuna ukhupi kajtimpis noqaman jamuwanku noqa imatapis ninaypaj, mayqenchus juchayoj, chayri mana juchayojpis kasqankuta, chantapis noqa yachani Dios imatachus kamachisqanta, yachachisqasninta ima.

Números 19:16

Pillapis jaramanta jawapi runa wañusqata, pejpa wañuchisqanta, chayri runa tulluta, chayri aya p'ampanatapis llankhajqa, qanchis p'unchayta ch'ichipaj qhawasqa kanqa.

Números 19:11

Pillapis ima ayatapis llankhajqa, qanchis p'unchayta ch'ichipaj qhawasqa kanqa.

San Juan 18:28

Jesusta pusarqanku Caifaspamanta, pretorio nisqa wasiman. Sut'iyamuytataj chay pusajkunaqa, mana pretorioman yaykorqankuchu, mana ch'ichichakuyta munaspa; ajinamanta Pascua mikhuyta mikhunankupaj.

Números 19:18

Chaymantaqa llimphupaj qhawasqa kaj runa chay yakuwan, hisopo ramawan chhapuspa ch'ajchumuchun: Toldota, toldo ukhupi imaschus kajta, chaypi kaj runastawan. Jinallataj pichus aya tullusta, runa wañuchisqata, chayri runa wañusqata, chayri aya p'ampanata llankhajta.

Éxodo 18:26

Chay kutimantapacha paykuna ukhupi cheqancharqanku. Israelitas imachus mana ruwayta aterqankuchu chayllata Moisesmanqa willamorqanku, imaschus pisi ruwana kajtaqa paykunallaña ruwarqanku.

Éxodo 18:19

Uyariway Moisés, noqaqa kay jinata yuyaychaykiman, Diostaj chay ruwayta yanapasuchun. Qanqa Diosmampuni qayllay runaspa cuentanmanta; imaschus mana allinchu kashan runas ukhupi chaykunatapis Diosman willay.

Números 27:5

Moisesqa Señorman willarqa chay warmispa mañakusqankuta.

Números 15:33

Chay runata ajinata tarispataj pusarqanku Moisesman, jinallataj tukuy runaspa ñaupaqenmampis.

Levítico 24:11

Chay israelita warmej wawanqa Diospa contranta rimarqa, Diospa sutinta maldicispa. Chayrayku Moisesman pusamorqanku.

Levítico 21:11

Nitaj maypichus aya kashan chayman yaykonqachu, ni tatanrayku, nitaj mamanrayku, ama ajinamanta ch'ichipaj qhawasqa rikhurinampaj.

Números 9:7

Chayaspataj Moisesman nerqanku: Noqaykoqa wañusqasta llankharqayku, chayrayku mana llimphupajchu qhawasqas kayku. Kunanqa kay kikin diallapitaj, manachu atiykuman Señorman uj rikuchikuta jaywayta, israelitaswan khuska?, nispa.

Números 19:14

Uj toldo ukhupi wañojmantaqa kay jina kamachiy kanqa: Pillapis chay ukhupi tiyakojqa, chayman yaykoj imaqa, qanchis p'unchayta ch'ichipaj qhawasqa kanqa.