Números 35:20 - Qheshwa Biblia DC

^20-21 Sichus pipis runa masinta chejnikuspa mayman tanqaykun, chayri imawan ch'anqaykun wañuchiyta munaspa chayqa, chayri chejnikuspa makinwan maqaykojtin wañupun chay runa, chaypis, chay runaqa wañuchisqallataj kanqa. Chantaqa wañuchenqa chay wañusqa runaj aswan qaylla kaj ayllun mask'ajpis taripaytawan wañuchenqa.

DIOSPA QHELQACHISQAN DEUTEROCANONICAL

²⁰ Ichapis pipis runa masinta chejnikuspa maymanpis tanqaykunman, chayrí wañuchiyta munaspa imawanpis ch'anqaykunman,

DIOSPA QHELQACHISQ

²⁰ Ichapis pipis runa masinta chejnikuspa maymanpis tanqaykunman, chayrí wañuchiyta munaspa imawanpis ch'anqaykunman,

Números 35:20 Referans Kwoze

Éxodo 21:14

Sichus pi phiñakuspa runa masinta jinata ruwan, wañuchintaj qhasimanta chayqa, altarniymanta wijch'unki, qharqonkitaj wañunampaj.

Deuteronomio 19:11

Ichapis mayqellampis runa masinta chejnispa wateqaytawan jap'ispa maqanman wañunankama, ayqekuspataj rinman ujnin kaj pakakuna llajtaman; chaypacha llajtanmanta kaj kuraj runasqa kamachenqanku chay ayqekojta presochaspa, wañojpa qayllan kaj ayllunman jaywanankuta, jinamanta wañuchinampaj chayqa, chay runataqa ama khuyankichejchu. Jinamanta mana jich'akonqachu israelitas ukhupi mana juchayoj runaj yawarnin. Chayta ruwankichej chayqa, tukuy imapi allin risonqachej.

2 Samuel 20:10

Amasaqa mana qhawarikorqachu Joab makimpi espadata jap'ishasqantaqa. Jinallamanta Joabqa chaywan wijsampi t'ojsirparerqa, tukuynin wijsantaj thallikamorqa. Wañorqataj Joab mana ujtawan t'ojsejtillan. Chaymantataj Joabwan hermanon Abisaiwan imaqa Bicrej wawan Sebata qhatillarqankupuni.

2 Samuel 3:27

Abner, Hebronman chayamojtinkamataj, Joabqa llajta punkumanta wajnejman pusarqorqa sapallampi parlamunampaj, chaypitaj wijsampi t'ojsispa wañorparicherqa, hermanon Asaelpa wañuchisqanmanta vengakuspa.

Génesis 4:8

Uj kuti Caenqa Abelta pusarqa, jaku campoman, nispa. Chay campopi kashaspataj, Caenqa wauqen Abelta maqayta qallarerqa wañuchinankama.

Hechos 23:21

Qanqa ama paykunata kasuychu. Tawa chunkamanta aswan ashkha qharis, ñampi pakaykukuspa Pablota suyanqanku. Paykunataj parlasqaña kanku mana mikhunankuta, nitaj ujyanankuta Pablota wañuchinankukama. Kunantaj wakichisqaña kanku chayta ruwanankupaj. Qampa ninallaykitaña suyashanku.

Hechos 20:3

Chaypitaj Pablo qhepakorqa kinsa killata. Siriaman barcopi rinampaj wakichikushaspa taj yachakorqa judíos payta jap'iyta munasqankuta. Chayrayku umachakorqa kutiripuyta Macedonianejta.

San Lucas 4:29

Sayarispataj, llajtamanta Jesusta qharqorqanku; pusarqankutaj orqo pataman maypichus llajtanku karqa chaynejman, qaqaman tanqaykunankupaj.

Marcos 6:19

Herodiasqa Juanta wateqaj wañuchinampaj, manataj atejchu.

Proverbios 28:17

Runata wañuchejqa, sepulturakama ayqenqa; nitaj pipis chaymanta sayachiyta atenqachu.

Proverbios 26:24

Pichus chejnikojqa parlashaspa manapis pipaj rimashanmanchu jinaman tukun; sonqompitaj sajrata ruwaykuna wakichisqa kashan.

Salmos 11:2

Sajra runasqa flechata arcoman churanku; arcota aysarinku, pakayllamantataj cheqan sonqoyojkunaman flechasta wijch'unku.

2 Samuel 13:22

Absalonqa mana imatapis nerqachu Amnontaqa, chaywampis payta sinch'ita chejnikorqa, panan Tamarpa honranta t'akasqanmanta.

1 Samuel 24:11

Qhawariy reyníy, makiypi jap'ishasqayta: Qampa qhatakunayki p'achamanta uj chhikanta llik'isusqayta, munaspaqa wañuchiykiman karqa. Kaywan qanqa umachakuy, reyníy, noqaqa mana ima sajratapis ruwasuyta yuyasqayta, nitaj wasanchasusqaytapis, nitaj imatapis contraykipi juchallerqanichu. Chaywampis, reyníy, qan mask'awanki wañuchinawaykipaj.

1 Samuel 20:1

Chaymantaqa Ramapi Naiotmanta Davidqa ayqerqa, rerqataj Jonatán kasharqa chayman. Paymantaj nerqa: Imatataj noqa ruwarqaniri? Imataj juchay kasqari? Imapitaj tataykej contranta juchallisqani wañuchiyta munaspa mask'anawampajri?, nispa.

1 Samuel 18:25

Chaypacha Saulqa filisteospa makinmampuni Davidta urmachiyta munaspa nerqa: Willaychej warmi wawaymanta t'ikata jaywanawantaqa, apamuwachun pachaj filisteospa phichilusninkoj puntampa qarasninta khuchuspa, chaywan enemigosniyman aynita kutichinaypaj.

Génesis 4:5

Caintari mana jinatachu qhawarerqa, nillataj jaywanantapis. Chaymanta Caenqa maytapuni phiñarikorqa, uyampis uj jinayarqa.

Números 35:19

Chay wañusqa runaj aswan qaylla kaj ayllun chay runa wañuchejta taripaytawan wañuchinan tiyan.