Números 32:3 - Qheshwa Biblia DC

^3-4 Jallp'asqa: Atarot, Dibón, Jazer, Nimra, Hesbón, Eleale, Sebam, Nebo, Beón ima, israelitaspa ñaupaqempi Señorpa qhechusqan jallp'as, uywasta mirachinapaj sumaj jallp'as, kay kamachisniykichejpatataj ashkha uywasniyku tiyapuwayku.

DIOSPA QHELQACHISQAN DEUTEROCANONICAL

³ Atarot, Dibón, Jazer, Nimrá, Jesbón, Eleale, Sebán, Nebo, Beón ima,

DIOSPA QHELQACHISQ

³ Atarot, Dibón, Jazer, Nimrá, Jesbón, Eleale, Sebán, Nebo, Beón ima,

Números 32:3 Referans Kwoze

Jeremías 48:34

Hesbón runas nanaywan qhaparinku, chaytaj uyarikun Elealekama, Jahazakama, Zoarmanta, Horonainkama, Eglat-selisiyakamataj, imaraykuchus Nimrim nisqapi yaku juturispis ch'akipunku.

Josué 13:17

Chaymanta Hesbón, pampaspi kaj tukuy llajtasnintin: Dibón, Bamot-baal, Bet-Baal-Meón, Jahaza, Cademot, Mefaat, Quiriataim, Sibma, Zaret-sahar, valle lomapi, Bet-peor, Pizga kinraykuna, Betjesimot, tukuy pampa llajtas, amorreospa reynin. Sehompa kamachinasnin llajtas, payqa Hesbonmanta kamacherqa. Chaykunata Moisesqa atiparqa, Madianmanta kurajkunata, Evita, Requemta, Zurta, Hurta, Rebata, chay jallp'aspi Sehonmanta kurajkuna tiyakojkunata ima.

Jeremías 48:45

Wakinkuna ayqenku mana kallpayojllaña kaspa Hesbompa llanthunman pakakunata mask'aspa. Jinapis, Hesbonqa chay rey Sehompa llajtan nina lauraypi kashan, ninataj astawan aysakun, Moabpa orqosninta ruphaykunankama, chay qhollpikoj runasta.

Jeremías 48:32

Sibmapi uvas huerta, qanmanta mayta waqasaj, Jazermanta astawan. Ramasniykeqa mar qochamanta astawan jaqayman, Jazer llajtakama aysakorqanku. Jinapis kunanqa uvas cosechaykeqa allin phirisqas qhepakunku.

Jeremías 48:2

Moab llajtaj runaykachaynenqa tukukunña. Hesbón llajtapi enemigosnenqa umachakuspa wakichikunku, Moabta imaynamantachus chinkachinankuta. Qampis, Madmén phirisqallataj kanki, maqanakupis qhepallaykitapuni jamonqa.

Isaías 15:6

Nimrim mayu yakus ch'akiponqanku, pastospis ch'akiraponqanku, ima q'omerkunapis ch'akiraponqanku, jinallataj ima q'omerkunachá kajkunapis.

Nehemías 9:22

Paykunaman qorqanki reyespa kamachinan llajtasta, nacionesta; jallp'astataj sapa ujman rak'irarqanki. Paykunataj jap'ikaporqanku Hesbón jallp'ata. Chaytaj karqa rey Sehompa jallp'an; Basán rey Ogpa jallp'anta ima.

Jueces 11:26

Kinsa pachaj watasña kanqa Hesbompi ranchosnintimpi noqaykoj tiyakusqaykoqa, chantá Aroerpi jinataj chay qaylla ranchosnimpi, ajinallatataj chay Arnón mayoj qaylla llajtaspipis. Imaraykutaj mana aswan ñaupajmanta chay jallp'asmanta mana parlarerqankichejchuri?

Números 32:1

Rubén ayllojta, Gad ayllojtawan ashkha uywasninku karqa. Chayrayku Jazer jallp'aswan, Galaad jallp'aswan uywasta mirachinapaj sumaj kasqanta reparaspa, Gadpa mirayninwan, Rubempa mirayninwan ima Moisesman, sacerdote Eleazarman, israelitaspa kurajkunasninkumanwan qayllaykorqanku, nerqankutaj:

Números 21:28

Sehonmanta, Sebón llajtakama nina lauray llojsimun, chaypi q'olaykun Moabpi Ar nisqa, Arnón patasta ima.

Números 21:30

Hesbompa atiynin urmarqa. Dibonmanta Nofakama raqaykunaman tukuchisqa karqa, chanta Medebkamataj ninawan ruphachisqa karqa.

Números 21:32

Moisestaj wakin runasta kacharqa Jazer llajtata qhawamojta; ajinamanta israelitasqa chay qayllasninkupi kaj llajtasta atiparqanku, chaynejpi tiyaj amorreostapis qharqorqanku.

Jeremías 48:1

Israelpa Tukuy Atiyniyoj Señor Diosnin nichin Moab jallp'api imaschus kananmanta: Ay Nebo llajtamanta. Llakiyta phirisqa kashan. Quiriataim llajta jap'isqa karqa, k'umuykachachisqataj. Pakakuna wasisnimpa pampanman urmachisqa karqa.

Ezequiel 25:9

Chayrayku noqa Moabpa ladomanta kicharisaj, ujnin cantonmanta ujninkama, mana llajtayojtataj ruwasaj, Bet-jesimot nisqa llajtata, chantá Baal-meonta, Quiriataimtataj. Chay llajtasqa munanapaj jina kanku.