Números 24:9 - Qheshwa Biblia DC

⁹ Winkuspaqa león jina winkutatanqa. Ni pipis rijch'arichinampaj qayllaykuyta atenqachu. Bendicisqa kachun pichus Israelta bendicejqa. Maldicejtaj maldicisqa kachun.

DIOSPA QHELQACHISQAN DEUTEROCANONICAL

⁹ Israel león jina awaytarin, china león jina winkurin. Pitaj sayarichej qayllaykunmanri? Israelitakunata saminchajkuna saminchasqallataj kachunku. Maldicejkunataj maldicisqallataj kachunku, nispa.

DIOSPA QHELQACHISQ

⁹ Israel león jina awaytarin, china león jina winkurin. Pitaj sayarichej qayllaykunmanri? Israelitakunata saminchajkuna saminchasqallataj kachunku. Maldicejkunataj maldicisqallataj kachunku, nispa.

Números 24:9 Referans Kwoze

Génesis 12:3

Qampaj allinta ruwajkunapaj allinta ruwapusaj, qampaj mana allinta ruwajkunatarí maldicisaj. Qannejta bendicisqas kanqanku tukuy ayllus kay jallp'a patapi kajkuna.

Génesis 27:29

Ashkha runas kamachisniyki kachunku, naciones ñaupaqeykipi qonqorikuchunku. Wauqesniykita kamachiy; mamaykej wawasnin qonqorikusuchunku. Maldicisojkunaqa maldicisqas kachunku, bendicisojkunataj bendicisqas kanqanku.

Génesis 49:9

Qanqa, Judá wawáy. Qan kanki león uña jina; maypachachus aycha mikhunaykita qhechuyta munasunku chayqa, pampaman winkuykunki uj jatun leompis kawaj jina. Pitaj payta toreanmanri?

Números 23:24

Kay runasqa uj león jina sayarinku, imaynatachus leonqa imatachus jap'isaj nisqanta mikhunankama paran, imatachus jap'isqasnimpa yawarninta ujyanankama paran, ajinata.

San Mateo 25:45

Señortaj paykunaman nenqa: Cheqamanta niykichej, kay juch'uy ujnin kaj wauqeypaj, mana imata ruwaporqankichejchu chayqa; nillataj noqapajpis ruwapuwarqankichejchu.

San Mateo 25:40

Reytaj paykunaman kutichenqa: Cheqamanta niykichej, imallatapis chay juch'uy ujnin kaj wauqeypaj ruwarqankichej chayqa; noqa kikiypaj ruwarqankichej.

Hechos 9:5

Saulotaj nerqa: Pitaj kanki, wiraqochi?, nispa. Parlamojtaj kuticherqa: Noqa kani Jesús, pitachus qan qhatiykachashanki chay. [Manamin allinchu qampajqa yunta jina aguijompa puntanta jayt'anaykeqa.

Salmos 122:6

Jerusalempaj mañaychej sonqo tiyasqa kanampaj, qanta munakusojkunataqa allin richun.

Salmos 2:12

Churita jatunchaychej ama phiñakunampaj, amataj ñampi chinkanaykichejpaj, pajtataj ñampi chinkachisqas kawajchej. Payqa kaymanta jinalla phiñakun. Payqa munakuyninta mask'ajkunaqa kusikuyniyojmin.

Job 41:10

Sichus pillapis rijch'arichejtenqa, sinch'ita phiñarikun, nitaj pipis qayllayta atinchu.

Éxodo 23:22

Sichus cheqamanta paypa nisqasninta kasunki, ruwankitaj tukuy nisqasniyta chayqa, enemigosniykita jasut'isaj, llakichisajtaj qanta llakichisunki chaykunata.

Números 22:6

Kunampacha usqhayta jamuy ari, kay runasta maldicinaykipaj, imaraykuchus noqamanta aswan atiyniyoj runas kanku. Ichapis qan maldicejtiyki atipayman, qharqoymantaj kaymanta. Noqa yachani qampa maldicisqayki, chayri bendicisqaykeqa ruwakumpuni, nispa.

Números 22:12

Diostaj Balaamman nerqa: Ama riychu chay runaswan israelitasta maldicej, imaraykuchus paykunata noqa bendicini, nispa.

Números 24:10

Balacqa maytapuni phiñarikorqa Balaampaj; makisninta q'apiykuspataj nerqa: Noqaqa enemigosniyta maldicinaykipaj qanta pusachimorqayki, qantaj kunanwanqa kinsa kutitaña israelitasta bendicishanki.

Isaías 31:4

Señorqa noqaman kay jinata niwarqa: Uj leonqa ovejata wañuchispa aycha patapi uñanwan mayta phiñarikun; michejkuna mancharichinankupaj ch'ajwaspa tantakamunku chaypis, mana mancharinkuchu nitaj ayqechiyta atinkuchu. Ajinata Tukuy Atiyniyoj Señorqa Sión orqoman maqanakoj uraykamonqa.

Miqueas 5:8

Chaypacha, Jacobpa ayllunmanta puchojkunaqa ashkha llajtaspa chaupimpi kanqa; imaynatachus uj león monte uywas chaupipi karin ajinata, chantá imaynatachus uj león ovejas chaupipi rikhurispa pasaj jina t'isaspa wañurachintaj ujtapis kausashajta saqespa ajinata.

Deuteronomio 30:7

Señor Diosniykichejqa kay tukuy maldicionesta enemigosniykichejman apachimonqa, pikunachá chejnikuspa qhatiykachasojkunaman ima.

1 Reyes 10:20

Kallarqataj chunka iskayniyoj leones churasqas sojtantin sarukunaspi puraj ladompi ujkama. Manataj ni mayqen reinopipis chayman rijch'akoj ruwakorqachu.

2 Crónicas 9:18

Chay tronoqa sojta saruna gradasniyoj karqa, qorimanta uj juch'uy banquitoyoj rey chakisninta churanampaj, puraj ladompitaj makisniyoj karqa, chaykunaj qayllankupitaj iskay sayashaj leones karqa.

Ester (hebreo) 6:13

Wasimpitaj Amanqa warmin Zeresman, tukuy kausaqesninman ima willarqa, imaschus paywan pasasqanmanta. Yachayniyoj kausaqesnin, warmin Zerespiwan nerqanku: Sichus chay judiospa mirayninmanta kaj, judío Mardoqueoj ñaupaqempi urmayta qallarinki chayqa, manapuni atipawajchu, manachayqa urmallankipuni chay runaj ñaupaqempi, nispa.