Números 18:21 - Qheshwa Biblia DC

²¹ Israelitas poqochisqankumanta sapa chunkamanta uj ofrendata Señorman qosqasninkuta levitasman qopuni. Chay kanqa pagonku jina, imastachus Dioswan tinkukuna toldopi ruwasqasninkumanta.

DIOSPA QHELQACHISQAN DEUTEROCANONICAL

²¹ Levitakunaman, chayaqenku jina kananpaj, noqa qoni israelitakuna poqochisqankumanta sapa chunkamanta ujta. Chayqa levitakuna Dioswan Tinkukuna Toldopi imachus ruwanata ruwasqankumanta pagonku jina kanqa.

DIOSPA QHELQACHISQ

²¹ Levitakunaman, chayaqenku jina kananpaj, noqa qoni israelitakuna poqochisqankumanta sapa chunkamanta ujta. Chayqa levitakuna Dioswan Tinkukuna Toldopi imachus ruwanata ruwasqankumanta pagonku jina kanqa.

Números 18:21 Referans Kwoze

Nehemías 12:44

Chay tiempopi runasta churarqanku waqaychana wasispi jallch'achinankupaj, qolqe kajmanta jaywanasta, ñaupaj poqojkunamanta, sapa chunkamanta ujnin t'aqasqata, leypa nisqanman jina. Chaykunataqa sapa llajtamanta chayachimoj kanku sacerdotespaj, levitaspajwan. Judamanta kajkunaqa maytapuni kusikorqanku sacerdoteswan, levitaswan chay jina k'achatapuni ruwasqankumanta.

Nehemías 10:37

Jinallatataj parlanakorqayku Diosniykoj yupaychana wasimpi jallch'anasninman, sacerdotesman apanaykuta aswan allin kaj jak'usniykuta, poqoj sach'asniykoj poqoykunasninta, vinosniykumanta, jinataj aceiteykumanta aswan allin kajninta. Chanta nillarqaykutaj apanaykuta, levitasman tukuy chajra poqoykunasniykumanta chunkaman t'aqaspa ujnin kaj t'aqata. Paykunapuni tukuy llajtasniykupi chay chunkamanta ujnin t'aqa kajta, chay chajra poqoykunasniykumanta jap'inanku karqa.

Hebreos 7:5

Cheqatapuni Levejpa churisnin, sacerdote oficiota jap'erqanku, kamachisqastaj karqanku diezmota llajtamanta orqhonankupaj leyman jina, kay niyta munan, wauqesninkumanta. Paykunapis Abrahampa aychallanmantataj llojserqanku.

Gálatas 6:6

Pichus evangeliopi yachachisqa kajqa, tukuy ima allin kajta yachachejninman jaywarichun.

Nehemías 13:12

Judamanta kajkunaqa tukuyninku chay jallch'ana wasisman chunkasmanta ujta t'aqasqasninkuta, granomanta, vinomanta, aceitemanta ima.

2 Crónicas 31:12

Chaymantaj apaykorqanku chay ñaupaj poqoykunata apamusqankuta chunka t'aqasmanta ujta qosqankumanta, jinataj Señorpaj nispa t'aqasqanku imastapis. Chay tukuyta qhawanampajtaj levita Conaniasta churarqanku, hermanon Simeitaj payta yanapanampaj churasqa karqa.

Números 18:6

Noqa wauqesniyki levitasta ajllani israelitas ukhumanta, qoykichejtaj Dioswan tinkukuna toldopi imastapis ruwanankupaj.

Génesis 14:20

yupaychasqa kachun patapi kaj Dios, pichus enemigosniykita atipachisorqa chay. Abramtaj qorqa tukuy imasta qhechusqasninmanta, sapa chunkamanta ujta.

Números 31:28

Wakinta noqapaj t'aqapuwanki: Soldadosman chayaj kajmanta, runasmanta, wakasmanta, burrosmanta, ovejasmanta ima; sapa phishqa pachajmanta ujta t'aqapuwanki.

Deuteronomio 18:8

Mikhunankupajqa imatachus tukuy levitas mikhunku, chayllatataj jap'enqanku. Chanta jap'illanqankutaj tatasninkoj chayaqentapis.

Nehemías 12:47

Ajinaqa Zorobabel kamachishajtin, jinataj Nehemías kamachishajtimpis, tukuynin Israel ayllumanta kajkuna sapa día mikhunasta apamoj kanku, takejkunapaj, punku qhawajkunapaj levitaspajwan. Levitaspis t'aqaspa qollajtaj kanku Aarompa mirayninmanta kajkunaman.

Nehemías 13:5

Eliasibqa payman uj jatun wasita qosqa, chay wasillapi ñaupajtaqa jallch'aj kanku jaywasqasta, inciensota, imaswanchus Señorta yupaychaj kanku chaykunata, sapa chunkamanta ujta t'aqaj kanku chayta, granomanta, vinomanta, aceitemantawan. Chaykunata qoj kanku, levitasman, takejkunaman, punku qhawajkunamanwan qonanku kaj chayta. Chay jawataj sacerdotesman imastapis qonanku karqa.

Malaquías 2:4

Chay jinamanta yachankichej noqa kay kamachiyta qankunaman qosqayta, Leviman trato ruwasqay ama p'akisqa kanampaj, nin Tukuy Atiyniyoj Señorqa.

Génesis 47:24

Kayqa muju kunanqa tarpumuychej. Chay poqojtataj khuskampa khuskanninta cosechasmanta faraonman qonkichej. Chay wakintaj qankunapaj kanqa, tarpunaykichejpaj, mikhunaykichejpaj, wawasniykichej mikhunankupaj, pikunachá wasiykichejpi tiyakun chaykunapiwan mikhunankupaj.

Génesis 47:26

Ajinata Joseqa chay leyta churarqa Egiptopi, faraonman poqojmanta khuskampa khuskanninta qonata. Chay leyqa kunankama kashanrajpuni. Sacerdotesqa mana imatapis qonankuchu karqa, imaraykuchus paykunaj jallp'asninkoqa mana jayk'ajpis faraompa makinman chayarqachu.

Nehemías 10:38

Poqoykunamanta chunkaman t'aqasqata ujnin kaj t'aqata levitas tantamoj rejtinku paykunawan khuska Aarompa mirayninmanta uj sacerdote rinan tiyan. Chaymantataj levitasñataj apananku tiyan Diosninkoj yupaychana wasinman, mikhuna jallch'ana wasisninman, chay chunkaman t'aqasqasmanta ujnin kajta tukuy jap'isqankumanta.