Números 18:2 - Qheshwa Biblia DC

² Ayllusniyki levitas kajkunata, tataykej ayllusninta niy, jamuspa yanapasunankuta; qan, wawasniyki, paykuna ima Dioswan tinkukuna toldoj ñaupaqempi Señorpa kamachisqanta ruwanaykichejpaj.

DIOSPA QHELQACHISQAN DEUTEROCANONICAL

² Dioswan Tinkukuna Toldopi imachus ruwanata ruwanapaj qanwan, churiykikunawan ima mañarikuyta atinkichej Leví jatun ayllumanta wawqeykichejkuna yanaparinankuta. Qanwan, churiykikunawan imarí, Dioswan Tinkukuna Toldopi imachus ruwanata ruwankichej.

DIOSPA QHELQACHISQ

² Dioswan Tinkukuna Toldopi imachus ruwanata ruwanapaj qanwan, churiykikunawan ima mañarikuyta atinkichej Leví jatun ayllumanta wawqeykichejkuna yanaparinankuta. Qanwan, churiykikunawan imarí, Dioswan Tinkukuna Toldopi imachus ruwanata ruwankichej.

Números 18:2 Referans Kwoze

Génesis 29:34

Chay qhepata Leaqa wawayojllataj karqa, chaytataj suticharqa Levita. Kunan qosayqa noqamampuni k'askakamuwanqa astawan, ñapis kinsa wawastaña paypaj rejsini, nispa.

Ezequiel 44:15

Aswampis, Sadocpa mirayninmanta levitasmanta kaj sacerdotes wasiypi imachus ruwanasta waqaycharqanku, Israel ayllu noqamanta karunchakusharqanku chaypacha. Chayrayku paykunaqa ñaupaqeyman qayllamuspa imatapis ruwapuwanqanku. Chantá ñaupaqeypipuni kanqanku untu wirasta, yawartawan jaywanawankupaj, nin Señorqa.

2 Crónicas 30:16

Chaymantataj ruwanasninku mit'asman yaykuporqanku, imaynatachus Diospa runan Moisespa leynimpi nishan jinata. Sacerdotesqa ch'ajchorqanku levitas jaywarqanku chay yawarta.

Números 18:4

Qanwan khuska ruwanqanku Dioswan tinkukuna toldopi ruwanas kashan chaykunata; qankunamantaj ni pipis waj runasqa qayllamusonqachejchu chaykunata ruwashajtiykichej.

Números 17:7

Moisesqa tukuynin tojnusta Señorpa ñaupaqempi Dioswan tinkukuna toldopi, Diospa leyninwan kasharqa chay cajón chimpaman churarqa.

Números 16:40

Chay karqa uj señal israelitas yuyarikunankupaj, yachanankupajtaj ama pipis Señorman inciensota jaywanallankupaj, manachayqa Aarompa familianmanta kajlla jaywanampaj, ama Corewan jina imapis kanampaj, nitaj paywan sayarqanku chaykuna jinapis Señorpa Moisesman kamachisqanman jina.

Números 8:22

Chaymantataj levitasqa imachus ruwana kajta ruwayta qallarerqanku Dioswan parlana toldopi. Chaytataj Aaronwan wawasninwan ima ruwacherqanku. Chaykunasta ruwarqanku imaynatachus Señorqa Moisesman levitasmanta kamachisqanman jina.

Números 8:19

Noqa levitastaqa israelitaspa chaupinmanta ajllakuni, jaywanitaj Aaronman, wawasninmanwan, paykuna israelitaspa sutimpi ima ruwana kajtapis ruwanankupaj Dioswan tinkukuna toldopi, perdontapis israelitaspa mañapunankupaj. Ajinamanta israelitas Dioswan tinkukuna toldoman ama qayllanqankuchu, nitaj ima jasut'iypis paykunaman chayanqachu.

Números 4:15

Aaronwan wawasninwan tukuy chay imasta q'epichayta tukojtinkutaj, ñanta puririnapaj wakichisqaña kajtin, Coatpa wawasnenqa jamuchunku tukuy chaykunata apanankupaj. Chaywampis paykunaqa amapuni llankharenqankuchu Diospaj ajllasqa imasta, manachayqa wañonqanku. Ajinata, Dioswan parlana toldoj imasninta Coatpa wawasnin apanqanku.

Hebreos 9:6

Kay imas chay jina wakichisqas kajtinkutaj, ñaupaj kajman sacerdotes yaykullaj kanku, culto ruwaykunata junt'anankupaj.

Números 1:53

Levitasqa Dioswan tinkukuna toldoj muyuyninman jarakonqanku chay toldota waqaychanankupaj, jinamanta ama Diospa phiñakuynin israelitasman jamunampaj.

Números 3:5

Señorqa Moisesman nerqa: Leví aylluta wajyay, sacerdote Aarompa kamachisqanman jina imatapis ruwanankupaj, payta yanapanankupaj.

Ezequiel 44:11

Paykuna wasiyta punkuta qhawanankupaj churasqas kanqanku. Wasiypi imachus ruwanasta ruwanqanku. Paykuna ninapi ruphachispa jaywana uywasta ñak'anqanku, chantá runas jaywanasta apamonqanku chaykunatapis. Paykunaqa runaspaj imastapis ruwanankupaj churasqas kanqanku.

Malaquías 2:4

Chay jinamanta yachankichej noqa kay kamachiyta qankunaman qosqayta, Leviman trato ruwasqay ama p'akisqa kanampaj, nin Tukuy Atiyniyoj Señorqa.